Kaunlaran ng Philippine sports, pag-uukulan ng pansin ng administgrasyon ni Pangulong BBM
By Eddie Alinea
PhilBoxing.com
Fri, 01 Jul 2022
Mula sa araw na ito, Hulyo 1, ang bagong kahahalal na Pangulo ng bansa, si Chief Executive Ferdinand “Bongbong” Marcos Jr., na ang uugit na ng pamahalaan sa susunod na anim na taon.
Mula sa SAKSI NGAYON SPORTS, PHILBOXING at kolumnistang ito, ipinaablot namin kay Panguling BBM ang aming malugod na pagbati sa kanyang pagkakahalal noong eleksiyong ginanap noong Mayo 9 at inagurasyon kahapon.
Marami na ang nangyari mula nang mga di malimimutang araw na iyon. Ilang miyembro na ng kanyang gabinete ang napangalanan, kabilang ang kanyang economic team para kumatha ng ma programang layon mapaunlad ang ekonomiya at kalagayann nating mamamayan na sa mga arqw na ito ay halos lugmok na.
Ilang mga atleta, dating atleta at lider sa sports sa bansa ang nagpapadala sa atin ng mensahe na nagtatanong kung ano ang magiging kinabukasan ng sports sa Pilipinas sa harap, anila, sa pagkakaputol ng ating 97 taong pagkauhaw sa gintong medalya mula sa Olympic Games noong nakaraang palaro nang 2021.
Wala pang malinaw na pahayag mula Palasyo ng Malakanyang ang nagsasabi kung anong mga bagong programa ang iopatutupad ng bagong administrasyon tungkol dito.
Subalit batay sa ilang panayam sa kanya ng kolumnistang ito noong siya’y senador pa, siguradong ang sports ang isa sa mga pangunahing pag-uukulan ng pansin ni BBM sa kanyang pamamahala.
Pagod na marahil sa mga pagkatalong nalalasap ng mga atletang Pilipino noong mga panahong iyon, nanawagan ang nakababatang Marcos sa lahat ng stakeholder na magkaisa para sa pagbabago ng istraktura ng noon ay umiiral na programa sa ikauunlad ng palakasan sa Pilipinas.
Sa isang sesyon ng SCOOP (Sports Communicators Organization of the Philippines) Sa Kamayan ipinanukala ni Marcos “the need to replace the present sub-cabinet Philippine Sports Commission with a cabinet-level Department of Sports.”
Sa kanyang speech sa Gabriel “Flash” Elorde Awards Night and Banquet of Champions ilang taon na rin ang nakararan, ipinangako ni BBM ang kanyang suporta sa lahat ng bills na may kaugnayan sa sports na nakabinbin pa sa senado, kabilang ang paglikha ng National Department of Sports upang matigil na ang patuloy na kabiguan ng Pilipino sa mga interhasyonal kompoetisyong nilalahukan nila.
“Why is it that we are languishing in the medal tallies in regional and international competitions? tanong niya sa mga nakikinig. “Kahiya-ahiya ang nagiging performance natin sa mga international competitions.”
Pinuna rin ng dating gobernador ng Ilocos Norte ang kakulangan ng suporta mula sa pamahalaan kaugnay ng program para masiguro ang kanilang kinabukasan sa panahong sila’y retirado na. Ipinangako rin niya ang kanyang todong suporta sa kaganapan nito,
“I am making this pledge before you all that our Filipino boxers and athletes can and will expect my full supports as your legislator and as a Filipino,” aniya.
“Masugid kong susuportahan ang mga panukala sa Senado na naglalayong matulungan ang ating mga boksingero at atleta,” pangako niya.
Napuna rin ni Marcos na tila ang Philippine Sports Commission kinukulang sa mandato nitong protektahan ang mga atleta at coach kasabay ng panawagang; “you can help open the eyes of the government and convince your legislators on the urgency of making changes to our present system, as well as to the wisdom and importance of sports in the government’s responsibility and duty to build a strong and healthy citizenry.”
“Pagkaisahan natin at gawin nating “killer combination” ang pagtutulungan nating ito. At kung sa harap ng lahat ng ito, ay ayaw pa ring makinig ang mga opisyal sa pamahalaan, may “knock-out punch” pa rin sa pamamagitan ng balota at botohan,” pabirong wika ni Marcos.
“Magtulungan po tayong lahat para mapaganda ang larangan ng boksing at ng sports ng ating bansa, Bukas po ang aking tanggapan para sa inyong lahat sa anumang mga sangguni at mga mungkahi na nais ninyong iparating sa akin,” dugtong niya.
Click here to view a list of other articles written by Eddie Alinea.
Recent PhilBoxing.com In-House articles:
Weights from Tokyo: Naoya Inoue - 121.75 lbs, Luis Nery - 121 lbs
Sun, 05 May 2024Canelo Alvarez Drops, Decisions Jaime Munguia to Retain Undisputed Super Middleweight Title
By Ralph Rimpell, Sun, 05 May 2024Minnesota T-wolves Are For Real, Beat Denver Nuggets in Game 1
By Teodoro Medina Reynoso, Sun, 05 May 2024Mario Barrios Outpoints Fabian Maidana
By Ralph Rimpell, Sun, 05 May 2024Brandon Figueroa Stops Jessie Magdaleno with a Body Shot in 9th Round
By Ralph Rimpell, Sun, 05 May 2024Eimantas Stanionis Remains Undefeated by Outpointing Gabriel Maestre
By Ralph Rimpell, Sun, 05 May 2024Canelo vs Munguia Off TV Results in Las Vegas
By Ralph Rimpell, Sun, 05 May 2024Japan One Title From Bantamweight Sweep
By Teodoro Medina Reynoso, Sun, 05 May 2024‘STAR BOY’ BOSTAN HAS MORE THAN A FEELING HE’LL HEADLINE AT ROTHERHAM
Sun, 05 May 2024Pontinos dominate JSAP Nat’l Season
By Lito delos Reyes, Sun, 05 May 2024Fighting for More Than Scraps
By Teodoro Medina Reynoso, Sat, 04 May 2024Press Conference Notes: Naoya Inoue & Luis Nery Set for UNDISPUTED Tokyo Dome Duel
Sat, 04 May 2024Dallas Ditches LA Clippers, To Meet OKC; Pattern Stays as Magic Repel Cavaliers
By Teodoro Medina Reynoso, Sat, 04 May 2024Canelo vs. Munguia: Mexican Standoff on Saturday
By Chris Carlson, Sat, 04 May 2024CANELO ALVAREZ VS. JAIME MUNGIA TALE OF THE TAPE
By Maloney L. Samaco, Sat, 04 May 2024