SALA SA INIT … SALA SA LAMIG: Mula sa pangkalahatang kampeon sa Maynila, pangatlo na lamang ang target ng Pilipinas sa Hanoi
By Eddie Alinea
PhilBoxing.com
Fri, 06 May 2022
Kulang-kulang isang linggo mula ngayong araw, sa Mayo 12, ay sisimulan nang ipagdiwang ang XXXI edisyon ng tuwing iklalawang taong Southeast Asian Games sa pangunahing siyudad ng Hanoi, Vietnam kung saan ay idedepensa ng Pilipinas ang pangkalahatang kameonatong naipanalo ng mga atletang Pilipino tatlong taon na ang nakalilipas dito mismo sa dalampasigang ito.
Maliban sa pahayag ni Philippine Olympikc Committee president, Cavite Rep. Abraham “Bambol” Tolentino, na ang bansa ay magpapadala ng isang “fighting team” na handang ipagtanggol ang pangkalahatang korona sa bansang nagtatangka pang maka-rekober sa pakikidigma nito laban sa world power Estados Unidos, wala pang makatitiyak kung ano ang kahihihinatnan ng ating kampanya sa lupaing maitutururing na “unknown territory” sa ating mga atleta.
Katunayan, ang nahirang na chef de mission ng Pambansang Delegasyon na si Philippine Sports Commission Commissioner Ramon Fernandez, sa isang bukod na pahayag sa media, ay pangatlo lamang na pangkalahatan ang inaasahan niyang posibleng marating ng 987 miyembrong koponan.
Sa pangkalahatang bilang, 646 ay atleteta at 296 coach at opisyal ng mga koponan. May 45 pang non-delegation members mula sa POC na gagastusan din ng PSC para makatulong sa booking ng flights at billeting pagdating sa Olympic Village.
“For me personally… target is top three,” pagtatapat ni Fernandez sa media.
Alinsunod ito, dagdag niya, sa kakulangan ng paghahanda ng mga atleta dala ng pandemya ng Covid 19. “Despite this, getting to the top three is doable.”
“I’m hoping for the best,” anang four-time PBA MVP. “Our athletes are in the final stage of preparation as they fine-tune in practice. But that’s all we can do, we hope for the best.”
Ang obserbasyon ni Fernandez at base sa overall performance ng pambansang koponan noong 2019 na 149 gintong medalya, 117 silver, at 121 bronze.
Pangalawa ang ngayon ay host na Vietnamese, 98-85.105; pangatlo ang Thailand, 92-103; pang-apat, Indonesia, 72-84-111; panlima, Malaysia, 56-57-71; at pang-anaim Singapore, 53-46-68.
Kung maisasalin ang ating silver medal production noong 2019, at bronze, posible ring maipagtanggol ng Pilipinas ang overall championship, ani Fernandez.
Bakit nga hindi?
Bagamat nauunawaan din daw niya na talagang dadaan sa karayom ang Pilipinas para maipanatili sa ating lupain ang pangkalahatang kampeonato. “A tough task considering that some of the sport disciplines that were in the 2019 calendar have been slashed in this year’s staging.“
Tukoy ni Fernandez ang arnis, isang sport na nagsimula sa Pilipinas kuing saan ay humakot ang mga Pinoy eskrimador ng 14 na gintong medalya, 4 at 2 bronze na dugtong niya’y mahirap mabawi kung hindi maisasalin sa ginto ang silver at bronze na nakamit natsin noong 2019.
“They (Vietnamess) have sports that they are expected to really be dominant,” ani Fernandez na lumipad noong Linggo patungong Hanoi kasama ang ilang opisyal ng delegasyon para sa ilang event, gaya ng football na nakatakdang magsimula ngayong araw.
Click here to view a list of other articles written by Eddie Alinea.
Recent PhilBoxing.com In-House articles:
Boxlab Promotions Euri Cedeno and Carlos De Leon Castro Shine in San Juan Victories
Wed, 04 Feb 2026National Boxing Hall of Fame 2026 is set to April 26 in Montebello, California
By Gabriel F. Cordero, Wed, 04 Feb 2026Vito Mielnicki Jr. Returns Home to Defend WBC USA, IBF USBA and WBO Global Middleweight Championships Against Omar Ulises Huerta
Wed, 04 Feb 2026Noah Lucas Palcis sees action in Bangkok chess meet
By Marlon Bernardino, Wed, 04 Feb 2026Reymond Yanong Edges Out Hayato Ono for Split Decision Win in Japan
By Carlos Costa, Tue, 03 Feb 2026“I’m gonna smoke whoever is in front of me, Anthony Wright- Hearn makes his pro debut March 13 at Thunderdome 53
Tue, 03 Feb 2026Pacman's Cue Club Hosts J&P 10 Ball Cup from Feb. 4 to 7
By Marlon Bernardino, Tue, 03 Feb 2026Mt. Apo Boulder Face Challenge is back
By Lito delos Reyes, Tue, 03 Feb 2026WILDER AND CHISORA FACE OFF IN ICONIC TIMES SQUARE TO ANNOUNCE APRIL 4 HEAVYWEIGHT SHOWDOWN AT THE O2 LONDON
Tue, 03 Feb 2026World Boxing appoints Tom Dielen as new Secretary General
Tue, 03 Feb 2026Sullivan Management signs 19-1 power-punching Albanian heavyweight Kristian Prenga
Tue, 03 Feb 2026Another Grandeza in MMA is coming
By Lito delos Reyes, Tue, 03 Feb 2026Gracie meets Zubiri in PH
By Lito delos Reyes, Mon, 02 Feb 2026International Master Eric Labog Jr. rules FIDE rapid chess tourney
By Marlon Bernardino, Mon, 02 Feb 202676ers star Paul George has been suspended for 25 NBA games by doping
By Gabriel F. Cordero, Sun, 01 Feb 2026