SALA SA INIT … SALA SALAMIG: Ang mga di makakalimutang nagawa ni EJ Obiena sa Philippine sports
By Eddie Alinea
PhilBoxing.com
Sun, 17 Apr 2022
EJ Obiena.
Naisulat ko na ang istoryang ito kulang dalawang taon na ang nakararaan at nailabas sa kolum ko na pinamagatang OUTSIDE LOOKING IN sa isang pahayagang broadsheet noong Setyembre 30, 2020.
Naisipan kong sariwaing muli ang artikulong iyon at ilabas sa Tagalog kolum ko sa pahayagang ito na pinamagatang SALA SA INIT … SALA SA LAMIG ngayong araw, isang araw matapos na gunitain ng ka-Krisiyanuhan ang mahal na Pasyon ng ating Panginoong Hesukristo – pagkamatay Niya sa Krus, bilang pagsunod sa Banal na Kasulatan para matubos ang kasalanan ng sangkatauhan.
Pasko rin ng Pagkabuhay noong ika 21 ng Abril, taong 2019 nang ang Pilipino pole vaulter na si Ernest John Obiena ay handugan ang Pilipinas ng gintong medalya sa pang-Asyang lebel na kompetisyon sa pole vault gaya ng Asian Athletics Championships.
Pang 23 na edisyon ng Asian Championships na kung tawagin din ay 4 na idinaos sa Doha, Qatar kung saan ay tinanghal si Obiena, anak ng tanyag ding pole vaulter noong kapanahunan niya na si Emerson Obiena at kabiyak na hurdler na si Jeanette, na kauna-uahang Pilipino sa kanyang event na nakapag-uwi ng gintong medalya makaraan ang kulang 100 taon o 94 taon eksakto.
Sa totoo lang, pinutol ni EJ ang matagal na 94 taong pagkaauhaw ng bansas sa gintong medalya sa pole vault mula nang si Antonino Alo ay huling maipanalo ang korona noong 1925 sa ika-7 edisyon ng Far Eastern Games.
Sa tutoo rin lang, mula nan gang FEG ay ipanganak sa Maynila noong 1913, tatlong Pilipino pole vau;ter ang nagdomina sa nasabing event sa unang pitong taon ng multi-event Games.
Unang Pilipinong naghari sa pole vault si Remigio Abad na tinalo ang dalawa niyang katunggaling Chinese na siyang naging susi sa halos ay isang dekadang pamamayagpag ng mga may dugong Kayumanggi sa nabanggit na event.
Sinundan ni Genaro Saavedra si Abad dalawang taon ang nakalipas noong 1915 bago umupo sa trono si Antonino Alo noong 1919, taon kung kailan ay nabingwit din niya ang gintong medalya sa discus throw.
Namalaging nakaupo msa trono ng pole vault sa tuwing ika-dalawang taong palaro si Alo anim na taon pa ag nakaraan noon 1921, 1923 at 1925 bago niya ito isinuko noong 1927 sa karibal niyag Hapones na si Yonetaro Nakasawa.
Wala nang Pilipinong Agila ang sumunod kay Alo sa sa mahigit siyam na dekada hanggang sa biglang pagsipot ng noon ay mag-25 taong gulang na si EJ na ipinanganak noong Nobiyembre 17, 1995 sa Barrio Obrero sa Tondo noon ngang Easter Sunday ng taong 1919 nang talunin niya ang taas na 5.71.
Anim na buwang ang nakaraan matapos ang kanyang makasaysayang paglipad sa Doha, nakuha ni EJ ang karangalang kauna-unahang Pilipinong pole vaulter na ma-qualify sas XXXII Games ng Olympiad sa Tokyo nang mapaunlad pa niya ang kanyang rekord sa 5.81 metro.
Ang Philippine sports media ay literal na minaliit ang nagawang mga ground-breaking feat na ito ni Obiena sa maraming kadahilanan. Isa rito ay ang kawalan ng kamuwangan sa kahalagahan ng kabayanihang ipinakita ni EJ o kakulangan ng sapat na pananaliksik sa kasaysayan ng sports sa bansa, sa ang kalahatan o ng Philippine athletics sa particular.
Inilibing ng media ang dapat sana’y di makakaliliamutang kaganapang ito sa kasaysayan nng Philippine sports sa ilalim ng mga sports page. Pero hindi kailanman ang tunog ng balitang yumanig sa apat a sulok ng daigdig.
Nakalulugkot na maliban dito sa Pilipinas, laman ng lahag ng pahayagan, narinig sa radyo at napanood sa telebisyon ang mga kaganapang itong pinagbidahan ng isang Pilipinong nagngangalang Ernest John Obiena.
Ang pagpasok ni Obiena sa Tokyo Olympics na tinatawag ding “Greatest Sports Show on Earth,” ay kauna-unahan ng Pilipinas sa pole vault.
Pang 11 lamang ang kinalabasan ng partisipasyon ni EJ Sa Tokyo, subalit ang pagiging isang finalist, at kaisa-isa sa Asya ng makagawa nito, ay itinuturing nang isang napakalaking karangalan hindi lamanang sa kanya personal kundi maging sa bansa.
At makapag-bigay sa kanya ng lakas ng loob ang taas noong makapagmalaking kakampi niya ang International Olympic Committee laban sa tangkang sirain ang kanyang reputasyon bilang isang pambansang atleta na maipakita ang kanyang galing at talent sa alimang kopmpetisyon internasyonal na kailangann niyang lahukan.
Click here to view a list of other articles written by Eddie Alinea.
Recent PhilBoxing.com In-House articles:
YORK HALL FIGHT NIGHT RESULTS: GEORGE LIDDARD MAKES HISTORY TO BECOME THE YOUNGEST EVER BRITISH MIDDLEWEIGHT CHAMPION
Sat, 18 Oct 2025Usyk in Bare Knuckle event?
By Gabriel F. Cordero, Sat, 18 Oct 2025IIEE Singapore tops National Chess Olympiad, Quezon City Simba's Tribe wins 2 matches in PCAP
By Marlon Bernardino, Sat, 18 Oct 2025Liddard Destroys Conway to Claim British Middleweight Title, Becomes Youngest-Ever Champion
By Dong Secuya, Sat, 18 Oct 2025Keiron Conway vs George Liddard: Unbeaten Prospect Faces Stiff Challenge
By Chris Carlson, Sat, 18 Oct 2025Alicaba to fight for WBC Asian Continental super fly
By Lito delos Reyes, Sat, 18 Oct 2025DAY TWO: STARBOY MANAS STEALS THE SHOW AS TEAM ASIA EXTENDS PERFECT RUN
Sat, 18 Oct 2025MANNY PACQUIAO PROMOTIONS INTRODUCES CHIEF FINANCIAL OFFICER AND VICE PRESIDENT TONY COHEN
Sat, 18 Oct 2025Joseph Subia Signs with Wise Owl Boxing
Sat, 18 Oct 2025Sirimongkhol, Midgley Make Weight for WBF World Title in Thailand
By Carlos Costa, Fri, 17 Oct 2025ICTSI South Pacific on Oct. 28-31
By Lito delos Reyes, Fri, 17 Oct 2025PIONEERING FILIPINO BOXERS TAKE THE SPOTLIGHT ON FIL-AM HISTORY MONTH (PART II)
By Dong Secuya, Fri, 17 Oct 2025California Commission Backs Dana White’s ‘American Boxing Revival’ and Expanded Muhammad Ali Act
By Gabriel F. Cordero, Fri, 17 Oct 2025MANNY PACQUIAO PROMOTIONS PRESENTS “COUNTDOWN TO THRILLA IN MANILA” AND “THRILLA IN MANILA 50”
Fri, 17 Oct 2025Rafael Espinoza-Arnold Khegai Featherweight World Title Showdown Set for Nov. 15 in San Luis Potosí, Mexico
Fri, 17 Oct 2025