Governors’ Cup Finals: Rambolan ng dalawang batikang coach sa PBA
By Eddie Alinea
PhilBoxing.com
Wed, 06 Apr 2022
Sinimulan kahapon ng Barangay Ginebra Kings at ng Meralco Bolts ang ika-apat na kabanata ng kanilang tunggalian para sa kampeonato ng 2022 PBA Governors’ Cup sa Smart-Araneta Coliseum.
Parang pinagtitiyap ng pagkakataon, ang unang dalawang beses na paghaharap ng dalawang koponan ay upang pagpasiyahan kung sino sa kanila ang tatanghaling hari ng torneong ito alay sa Board of Governors ng kaunaunahang liga propesyonal sa basketbol sa bansa.
Unang nagsagupa sina coach Tim Cone at Norman Black sa torneong ito noong Season 2016. Sinundan itong muli nilang pagtutuos noong Season 2017-2018 at noong Season 2019. Lahat ng tatlong labang ito ng dalawang dayuhang bench tactician ay pinanalunan ni coach Tim patungo sa kanyang kabuoang siyam na korona sa Governors’ Cup.
At kung ang pagbabasehan para masagot ang katanungan kung sino ang liyamado sa dalawa, maliwanag na si coach Tim ang pipiliin ng mga mamumusta sa China Town at maging sa iba pang panig sa Asya, tulad ng Hongkong, kung saan ay popular ang PBA sa mga manunugal.
Dadalawang Governors’ Cup pa lamang ang nai-uwi ni coach Norman bagamat siya ang nag-a-ari ng karangalang kauna-unahang benchman na nanalo nito noong bininyagan ang paligsahan noong 1993 nang siya pa ang humahawak ng San Miguel Beermen ng RSA (Ramon S. Ang) Group.
Tinalo noon ng SMB ang Swift ni coach Yeng Guiao, 4-1 sa kanilang best-of seven series para sa kampeonato. Kampeon din sa Governors’ Cup si coach Norman noong 2001 kung kailan ay pinangunahann niyang tagumpay ng Sta. Lucia Realtors laban sa Beermen.
Matapos ang 1993 inaugural ng torneo, apat na sunod na namayagpag si coach Tim sa Governors’ Cup – 1994 hanggang 1997.
Naging abala si coach Tim sa pangungulekta ng iba pang PBA Conference title sa sumunod na limang season hanggang sa lumipat siya sa prangkisa ng Purefoods kung saan ay humakot na naman siya ng apat na tropeo dala ang bandila ng SanMig Coffee, kabilang ang isa pang pares ng Governor’s Cup mula Season 2012 hanggang 2014.
Sa kampeonatong ito ng Governors’ Cup, versus Meralco, si coach Tim ay pakay ang kanyang kabuuang 24 titulo para palakasin pang kanyang hawak sa pagiging pinakamarami sa isang coach.
Hangad naman ni coach Norman ang kanyang ika-12 korona sa PBA, pangatlo sa likod ni coach Tim at ng maalamat na si coach Baby Dalupan ng Crispa, Great Taste at Purefoods.
Click here to view a list of other articles written by Eddie Alinea.
Recent PhilBoxing.com In-House articles:
Boxlab Promotions Euri Cedeno and Carlos De Leon Castro Shine in San Juan Victories
Wed, 04 Feb 2026National Boxing Hall of Fame 2026 is set to April 26 in Montebello, California
By Gabriel F. Cordero, Wed, 04 Feb 2026Vito Mielnicki Jr. Returns Home to Defend WBC USA, IBF USBA and WBO Global Middleweight Championships Against Omar Ulises Huerta
Wed, 04 Feb 2026Noah Lucas Palcis sees action in Bangkok chess meet
By Marlon Bernardino, Wed, 04 Feb 2026Reymond Yanong Edges Out Hayato Ono for Split Decision Win in Japan
By Carlos Costa, Tue, 03 Feb 2026“I’m gonna smoke whoever is in front of me, Anthony Wright- Hearn makes his pro debut March 13 at Thunderdome 53
Tue, 03 Feb 2026Pacman's Cue Club Hosts J&P 10 Ball Cup from Feb. 4 to 7
By Marlon Bernardino, Tue, 03 Feb 2026Mt. Apo Boulder Face Challenge is back
By Lito delos Reyes, Tue, 03 Feb 2026WILDER AND CHISORA FACE OFF IN ICONIC TIMES SQUARE TO ANNOUNCE APRIL 4 HEAVYWEIGHT SHOWDOWN AT THE O2 LONDON
Tue, 03 Feb 2026World Boxing appoints Tom Dielen as new Secretary General
Tue, 03 Feb 2026Sullivan Management signs 19-1 power-punching Albanian heavyweight Kristian Prenga
Tue, 03 Feb 2026Another Grandeza in MMA is coming
By Lito delos Reyes, Tue, 03 Feb 2026Gracie meets Zubiri in PH
By Lito delos Reyes, Mon, 02 Feb 2026International Master Eric Labog Jr. rules FIDE rapid chess tourney
By Marlon Bernardino, Mon, 02 Feb 202676ers star Paul George has been suspended for 25 NBA games by doping
By Gabriel F. Cordero, Sun, 01 Feb 2026