SALA SA INIT… SALA SA LAMIG: “Eh ano kung mawala ang isang gold medal ni EJ” -- Juico
By Eddie Alinea
PhilBoxing.com
Thu, 24 Feb 2022
EJ Obiena.
Walang peligrong hindi makalahok si Pinoy pole vault Olympian Ernest John Obiena sa darating na 31st Southeast Asian Games sa Mayo at sa XIX Asian Games sa Septyembre.
Ito ay sa kabila ng muling pagtibayin ni Philippine Athletics Track and Field Association (PATAFA) president, Dr. Philip “Popoy” Ella Juico ang naunang pasiya ng kanyang lupon na ang 2019 SEA Games gold medalist at Asian record holder ay hindi bahagi ng pambansang koponan sa athletics na maghahanda sa darating na palarong nakatakdang ganapin sa Mayo sa Hanoi, Vietnam.
“EJ Obiena is not in the national training pool list. He has said he will ask help from others. Let’s see what works,” pahayag ni Doc Popoy Juico noong Martes sa online Philippine Sportswriters Association Forum.
Bagamat siniguro ni Juico, na hindi pa ganap na nasasaraduhan ng PATAFA ang pinto para mabalik muli ang 26 anyos na may ranggong numero 5 sa daigdig, ay kinakailangang maghanap ng ibang paraan kung paano makararating sa Hanoi para ipagtanggol ang kanyang koronang napanalunan ngna ganapin ang tuwing ikalawang taong palaro dito sa Pilipinas.
Ang pahayag namang ito ni Doc Poipoy ay pinasinungalingan ni Philippine Olympic Committee president, Cavite Congressman Abraham “Bambol” Tolentino.
Ayon kay Tolentino, bagamat totoo na ang isang national sports association ang kailangang mag-indorso sa isang atleta para makasama sa pambansang delegasyong kakatawan sa isang bansa sa isang pandaigdigang kompetisyon, ang karapatang iyan ay maaring isalin sa isang National Olympic Committee (POC sa kaso ng PilIpinas).
Ito, ani Tolentino, ay base sa Article 27 ng saligang Batas ng IOC na nagsasaad na ang isang NOC ay may kapangyarihan ding mag-indorso ng kahit ilang atleta sa pambansang delegasyon nito kung ang kinabibilangan nilang NSA ay bigo, sa anumang kadahilanan, na ipagtanggol ang kapakanan ng mga atleta na dalhin ang watawat ng kanilang bansa sa pandaigdigang kompetisyong kinikilala ng IOC at lalahukan ng kanilang bansa.
Sa katunayan, ay isinama na ni Tolentino ang pangalan ni Obiena sa may 80 atletang handang gastahan ang kanilang sarili para maka-biyahe tungong Vietnam at makalahok sa palaro sa Hanoi.
At kung kailangang ipangutang ng POC, gagawin ito ng grupo ni Tolentino maipadala lamang si EJ sa Vietnam at sa China sa Asiad at maging sa Paris 2004 XXXIII Games of the Olympiad.
Bukod ito sa makakalap ng POC na kontribusyonn mula sa mga sponsor na handing dumukot ng kuwarta sa kanilang mga bulsa para sa isang makabayang adhikain.
At kung hindi magkakatotoo ang balak ni Tolentino at ng POC, nandiyan pa rin ang alok ng ilang bansa sa Pilipinong pole vaulter na dalhin ang kanilang bandila sa lahat ng global competition na obligado ng salihan ng Pilipinas.
Ito sa gitna ng tila nagiging personal na ang away sa pagitan ni EJ at PATAFA president Juico. Sa PSA Forum dIn, nakuha pang maliitin ni Doc Popoy ang isang gintong medalyang tiyak na mapapasa-kamay ni EJ sa pagsasabing ang PATAFA ay hindi nababahalang mawala ang potensiyal na gintong medalya ni EJ, sa 11 nabingwiit ng athletics team noong 2019.
“Most of those who medaled with the gold and silver are still around and most of them are in shape," paliwanag ni Juico na ang tukoy ay ang mga gintong nahukay nina Clinton Bautista (110m hurdles), javelin thrower Melvin Calano, decathlete Aries Toledo, heptathlete Sarah Dequinan at marathoner Christine Hallasgo.
Lahat sila, dagdagf ni PATAFA president, “have been neck deep in training for the Vietnam meet.”
Ag mga foreign recruit na sina Fil-Am gold-winning standout -- Eric Cray (400m hurdles), Kristina Knott (200m), Natalie Uy (women’s pole vault) at William Morrison (shot put) -- ay inaasahan ding mauulit ang kani-kanilang performance tatlong taon na ang nakalilipas.
“We also have several new athletes. I don’t know what other countries have in store for us, but we know what we have in store for them," dagdag ni Juico.
Mistulang ininsulto rin ni Doc ang tinagurian niyang ‘other people’ na nangakong tutulong kay Obiena sa kawalan nito ng indorso mula PATAFA. ‘Let’s see what works.’
Click here to view a list of other articles written by Eddie Alinea.
Recent PhilBoxing.com In-House articles:
BEN WHITTAKER PRESS CONFERENCE: EVERYTHING THAT WAS SAID AS NEW MATCHROOM SIGNING MEETS GAVAZI – PLUS: VUONG vs GWYNNE II
Sun, 19 Oct 2025BIADO, YAPP, AND DUONG POWER TEAM ASIA TO THE BRINK OF GLORY
Sat, 18 Oct 2025Prado, Catubig dominate DTI Run
By Lito delos Reyes, Sat, 18 Oct 2025YORK HALL FIGHT NIGHT RESULTS: GEORGE LIDDARD MAKES HISTORY TO BECOME THE YOUNGEST EVER BRITISH MIDDLEWEIGHT CHAMPION
Sat, 18 Oct 2025Usyk in Bare Knuckle event?
By Gabriel F. Cordero, Sat, 18 Oct 2025IIEE Singapore tops National Chess Olympiad, Quezon City Simba's Tribe wins 2 matches in PCAP
By Marlon Bernardino, Sat, 18 Oct 2025Liddard Destroys Conway to Claim British Middleweight Title, Becomes Youngest-Ever Champion
By Dong Secuya, Sat, 18 Oct 2025Keiron Conway vs George Liddard: Unbeaten Prospect Faces Stiff Challenge
By Chris Carlson, Sat, 18 Oct 2025Alicaba to fight for WBC Asian Continental super fly
By Lito delos Reyes, Sat, 18 Oct 2025DAY TWO: STARBOY MANAS STEALS THE SHOW AS TEAM ASIA EXTENDS PERFECT RUN
Sat, 18 Oct 2025MANNY PACQUIAO PROMOTIONS INTRODUCES CHIEF FINANCIAL OFFICER AND VICE PRESIDENT TONY COHEN
Sat, 18 Oct 2025Joseph Subia Signs with Wise Owl Boxing
Sat, 18 Oct 2025Sirimongkhol, Midgley Make Weight for WBF World Title in Thailand
By Carlos Costa, Fri, 17 Oct 2025ICTSI South Pacific on Oct. 28-31
By Lito delos Reyes, Fri, 17 Oct 2025PIONEERING FILIPINO BOXERS TAKE THE SPOTLIGHT ON FIL-AM HISTORY MONTH (PART II)
By Dong Secuya, Fri, 17 Oct 2025