Alamat Ni Manny Pacquiao (Ika-31 Bahagi): Maniwala kayo’t hindi, balik na si Manny sa dating lakas at bilis
By Eddie Alinea
PhilBoxing.com
Mon, 31 May 2021
Isa pang kontrobersiyal na pagkatalo laban sa Australyanong dating high school teacher dalawang taon na ang nakararaan ang lalong nagpatatag sa malawakang panawagan para kay Manny Pacquiao na mag-retiro.
Ang mapait na pagkabigong maipag-tanggol ang kampeonato sa welterweight sa pangatlong pagkakataon mula na maagaw niya ang korona kay Miguel Cotto noong 2009 ang nagtulak sa kahit na sa mismong matatapat na tagasunod ng pambansang bayani sa palakasan na tapusin na ang kanyang pagiging boksingero na noon ay kulang na lamang ng tatlong taon sa ika-25 taon niya sa pakikipag-basagan ng mukha sa ibabaw ng ring.
“Oo nga’t naagaw sa akin ang titulo, pero hindin naman basta naagaw sa akin ito. Ninakaw sa akin,” pagtatapat n Pacquiao sa reporter na ito makaraan ang pagtutuos na ang tukoy ay ang katulad na pagkatalo niya sa kamay ni Timothy Bradley noong 2012 at sa mahigpit niyang kaaway na si Floyd Mayweather Jr. noong 2015 – mga pagkatalong sa mata ng mga naniniwala at hindi naniniwala at dapat na naiapanalo niya.
“Kailangan kong mabawi itong muli at patunayan sa lahat ng fans ng boksing na karapat-dapat pa rin akong kilalaning kampeon, gaya ng pagkakilala nila sa akin,” pangako ni Manny.
At noon ngang araw na iyon ng Hulyo 15, 2018 sa Axiata Arena sa Kuala Lumpur, tinupad ni Manny ang kanyang pangako. Pitong round lamang ang itinagal ng sagupaan nila ni Argentine Lucas Matthysse para tanghalin siyang muli na hari ng 147 librang dibisyon.
Pinatunayan din ni Pacman na hindi pa tapos ang career niya sa sweet science. Sa halip, sa edad na 39 anyos noon ay nagsisimula pa lamang ito. Ang TKO desisyon ay kauna-unahan makaraang patulugin niya si Cotto Nobiyembre 12, 2009 sa MGM Grand sa Las Vegas.
Pinatunayan din ng ating idolo ang sabi-sabing si Pacquiao palubog na at ang ipingmamalaki niyang lakas at bilis na siyang na naging trade mark ng kanyang matagumpay na karera tungo sa pagiging kaisa-isang nilalang sa ibabaw ng planeta na maghari sa walong dibisyonn ng larangang napili niya, ay unti-unti nang nawawala.
"I'm still here," anang kabiyak ni dating Sarangani Bise Gob Jinkee sa harap ng mga mamahayag sa kinaugaliang post-fight press conference. "Sometimes you just need to rest and get it back, and that's what I did."
Ang nakayayanig na left uppercut na nagpabagsak kay Matthysse sa ikatlong pagkakataon sa ika-pitong round ay patunay rin na seryoso pa rin si Manny sa ipagpatuloy ang pagiging isang pro. Iyon ding suntok na iyon ang nakapagpaluhod sa Argentine sa pangatlong round.
Tunay na napaka-tamis ang pagwawaging ito ni Manny makaraan ang pinkamatagal niyang pamamahingang tumagal ng 378 na araw at ang pakikipaghiwalay niya ka Freddie Roach na siyang naging gabay niya sa nakalipas na 16 taon.
Matatandang matapos siyang dayain ni Horn sa Brisbane isa ang Hall of Fame trainer na nagpayo sa kanyang kalimutan na ang boksing at gugulin ang nalalabi pa niyang araw sa pagsisilbi sa kanyang mga kababayan bilang mambabatas.
O Pangulo ng bansa, kung mamarapatin.
Hindi ito sinunod ni Manny na sa halip ay matagumpay na naipagtanggol niya and titulo laban kay Adrien Broner bago ariin din ang WBA “super” welterweight title laban kay noon ay wala pang talong si Keith Thurman.
Tatong buwan mula ngayon, sasagupain ng ipinagmamalaki ng Pilipinas ang isa pang wala pa ring talong si Errol Spence Jr. at gaya ng mga nauna niyang laban sa mga boksingerong may perpektong rekord, hinulaan na naman ng kanyang mga kritiko na malamang ay ito na ang huli niyang laban.
Maaring mangyari pero kung ang pag-babasehan ay ang kasaysayan, posibleng kainin na naman ng mga hindi naniniwala sa kanyang kakayahan ang kanilang salita.
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
Boxlab Promotions Euri Cedeno and Carlos De Leon Castro Shine in San Juan Victories
Wed, 04 Feb 2026National Boxing Hall of Fame 2026 is set to April 26 in Montebello, California
By Gabriel F. Cordero, Wed, 04 Feb 2026Vito Mielnicki Jr. Returns Home to Defend WBC USA, IBF USBA and WBO Global Middleweight Championships Against Omar Ulises Huerta
Wed, 04 Feb 2026Noah Lucas Palcis sees action in Bangkok chess meet
By Marlon Bernardino, Wed, 04 Feb 2026Reymond Yanong Edges Out Hayato Ono for Split Decision Win in Japan
By Carlos Costa, Tue, 03 Feb 2026“I’m gonna smoke whoever is in front of me, Anthony Wright- Hearn makes his pro debut March 13 at Thunderdome 53
Tue, 03 Feb 2026Pacman's Cue Club Hosts J&P 10 Ball Cup from Feb. 4 to 7
By Marlon Bernardino, Tue, 03 Feb 2026Mt. Apo Boulder Face Challenge is back
By Lito delos Reyes, Tue, 03 Feb 2026WILDER AND CHISORA FACE OFF IN ICONIC TIMES SQUARE TO ANNOUNCE APRIL 4 HEAVYWEIGHT SHOWDOWN AT THE O2 LONDON
Tue, 03 Feb 2026World Boxing appoints Tom Dielen as new Secretary General
Tue, 03 Feb 2026Sullivan Management signs 19-1 power-punching Albanian heavyweight Kristian Prenga
Tue, 03 Feb 2026Another Grandeza in MMA is coming
By Lito delos Reyes, Tue, 03 Feb 2026Gracie meets Zubiri in PH
By Lito delos Reyes, Mon, 02 Feb 2026International Master Eric Labog Jr. rules FIDE rapid chess tourney
By Marlon Bernardino, Mon, 02 Feb 202676ers star Paul George has been suspended for 25 NBA games by doping
By Gabriel F. Cordero, Sun, 01 Feb 2026