Alamat Ni Manny Pacquiao (Ika-29 na Bahagi): Anim na taon matapos ang Pacquiao-Mayweather I, may “Fight of the Century II” kaya?
By Eddie Alinea
PhilBoxing.com
Wed, 12 May 2021
Makaraan ang mahigit limang taong urong-sulong na usapan, ang tinaguriang “Fight of the Century” pagitan ng Pilipinong si Manny Pacquiao at wala pang talong Amerikanong si Floyd Mayweagther Jr. ay natuloy din sa wakas noong ika 2 ng Mayo taong 2015 sa MGM Grand sa Las Vegas, Nevada.
Ang paghaharap ng dalawang pinaka-magagaling na mandirigma sa ibabaw ng ring ay naging usap-usapan sa halos lahat ng dako ng mundo. Pero matapos ang 12 round ng pukpukan, ang mahigit na 16,000 kataong nagsiksikan sa MGM Grand Arena ay umuwing luhaan, bigong makita ang walang humpay na bakbakang ipinangako ng mga promoter bago ang gabi ng laban.
Si Mayweather, 38 anyos na noon, at si Pacquiao, 36 ay, hula ng marami, maaring lipas na kanilang panahon, ganoon pa man ang buong kamunduhan ng bokxing ay nagpasalamat din na ang pagtutuos na hnintay-hintay nila sa mahabang panahon ay matutuloy na at umaasang makakapanoond ng kapana-panabik na suntukan.
Ang laki ng laban at ang perang nakapaloob ($600 milyon gross revenue at 4.6 milyon PPV buys) ay itinuring na pinakamalaki mula noong 1971 nang simulan ang klasikong Mubhammad Ali Joe Frazier trilohiya.
Ang mga pang-araw-araw na balita tungkol dito ay inukopa ang front page at backpage ng lahat ng peryodiko sa buong panahon ng negosasyon at napanood at narinig sa TV at radyo at naging trend din sa social media.
Ang mga upuan sa ibaba ng ringside ay ibinenta sa pinakamataas na halagang $180,000. Ang listahan ng A-list celebrities, kasama ang Prinsipe, mga artistang Robert De Niro at Clint Eastwood ay kabilang sa mga dumalo. Ang mga upuan sa ibaba ng nakapaglalaway na timbangan ay naibenta sa presyong $1,500 at $7,500 at ubos na ilang araw pa lamang bago dumating ang laban.
Na nagbunsod kay Bon Arum, CEO ng Top Rank Promotions na magsabing: "We had Ali-Frazier, we had Leonard-Duran, we had Leonard-Hagler, and now we have Pacquiao and Mayweather. This is the biggest fight of its era. It's a great event for boxing. Everybody around the world is interested in this fight -- ambassadors, senators, celebrities."
Ang fans ng anti-climax boxing ay hindi napigilang magpakita ng galit sa kinalabasan ng sagupaan kung saan si “Money Man“ ay walang ginawa kundi magtatakbo na halatang ang layon lamang ay protektahan at panatilihin nang “0” sa kanyang panalo-talong rekord.
Si Paquiao na na-injure ang kanang balikat sa panahon ng paghahanda sa Wild Card Gym ni chief trainer Freddie Roach ay hirap na hirap humabol sa nagtatakbong si Mayweather sa kabuuan ng 12 round na labang nauwi sa karera.
Wala isa man sa dalawa ang bumagsak o nagpakitang nasaktan.
Napanatili ni Mayweather ang kanyang WBC at WBA titulo ng welterweight samantalang naagaw ang sinturon ng 147 libra ni Pacquiao sa nagkakaisang 118-110, 116-112, 116-112 hatol ng mga huwes. Habang sinelyuhan din niya ang pagkilalang “the best fighter of his era.”
Bagamat ito ay nag-iwan pagdududa sa kanyang pag-angkin sa karangalang “the best ever.”
Idagdag pa ang pagkakait ng Nevada State Athletic Commission sa hiniling ng kampo ng Pilipino na ma-ineksyunan ito ng pain reliever ayon sa regulasyon sa kabila ng pagpapaunlak nito sa bukod na apela ng kabilang kampo na ayon kay Arum ay ilegal.
Sa tradisyonal na presscon matapos ang laban, ipinangako ni Mayweather na boibigyan niya si Manny ng rematch, bagamat makalipas ang halos anim na taon makaraan ang Pacquiao-Mayweather I, ay wala pa ring naaaninaw sa ipinangakong Superfight 2.
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
Boxlab Promotions Euri Cedeno and Carlos De Leon Castro Shine in San Juan Victories
Wed, 04 Feb 2026National Boxing Hall of Fame 2026 is set to April 26 in Montebello, California
By Gabriel F. Cordero, Wed, 04 Feb 2026Vito Mielnicki Jr. Returns Home to Defend WBC USA, IBF USBA and WBO Global Middleweight Championships Against Omar Ulises Huerta
Wed, 04 Feb 2026Noah Lucas Palcis sees action in Bangkok chess meet
By Marlon Bernardino, Wed, 04 Feb 2026Reymond Yanong Edges Out Hayato Ono for Split Decision Win in Japan
By Carlos Costa, Tue, 03 Feb 2026“I’m gonna smoke whoever is in front of me, Anthony Wright- Hearn makes his pro debut March 13 at Thunderdome 53
Tue, 03 Feb 2026Pacman's Cue Club Hosts J&P 10 Ball Cup from Feb. 4 to 7
By Marlon Bernardino, Tue, 03 Feb 2026Mt. Apo Boulder Face Challenge is back
By Lito delos Reyes, Tue, 03 Feb 2026WILDER AND CHISORA FACE OFF IN ICONIC TIMES SQUARE TO ANNOUNCE APRIL 4 HEAVYWEIGHT SHOWDOWN AT THE O2 LONDON
Tue, 03 Feb 2026World Boxing appoints Tom Dielen as new Secretary General
Tue, 03 Feb 2026Sullivan Management signs 19-1 power-punching Albanian heavyweight Kristian Prenga
Tue, 03 Feb 2026Another Grandeza in MMA is coming
By Lito delos Reyes, Tue, 03 Feb 2026Gracie meets Zubiri in PH
By Lito delos Reyes, Mon, 02 Feb 2026International Master Eric Labog Jr. rules FIDE rapid chess tourney
By Marlon Bernardino, Mon, 02 Feb 202676ers star Paul George has been suspended for 25 NBA games by doping
By Gabriel F. Cordero, Sun, 01 Feb 2026