Alamat Ni Manny Pacquiao (Ika-26 Na Bahagi): Kambal na masaker sa Macau
By Eddie Alinea
PhilBoxing.com
Wed, 28 Apr 2021
Taong 2013 at 2014 nang muling ipinamalas ng Pilipinong si Manny Pacquiao ang kanyang kakayahang bumangon mula sa pagkakadapa at ituloy ang kanyang misyon sa pagiging boksingero – ang magpaligaya ang tao. Pinili ng noon ay 28 taon nang beterano sa pakikipagbasagan ng mukhang mandirigma ang Macau kung saan ay, sa kauna-unahang pagkakataon ay lumaban siya sa harap ng punong-punong Cotai Arena para kapwa supilin ang mga ambisyosong humamon sa kanya na sina Brandon Rios at Chris Algieri sa pamamagitan ng nagkaka-isang hatol.
Sariwa pa sa alaala ng marami ang mapait na kambal na pagkatalo ni Manny sa kamay ni Timothy Bradley (split decision in 12) at Juan Manuel Marquez (KO in 6) isang taon ang nakararaan noong 2012 bagamat nabawi ng idolo ng bayan ag pagkabigo niya kay Bradely (UD in 12) 11 buwan bago harapin si Rios noong Abril 12, 2014.
Madaling nai-dispatsa ng noon ay 35 anyos na si Pacquiao ang nagpanggap na Amerikanong challenger sa kanilang pagtutuos na pinangalanang “Clash in Cotai (Fight as One)” noong Nobiyembre 24, 2013 para mai-uwi ang titulo ng bakanteng WBO International Welterweight sa pagbunyi ng mga nanood na halos lahat ay Pilipino at Asyano.
Matapos ang bakbakan, idineklara ni Pacquiao na inialay niya ang panalo sa mga biktima ng bagyong katatapos lamang na sumalanta sa Pilipinas.
Isang taon matapos paluhurin si Rios sa kanyang harapan, noong Nobiyembre 23, 2014, pinabagsak ni Manny ng anim na beses si Algieri upang maipagtanggol ang kampeonato ng WBO 147 libra na nabawi niya kay Bradley sa ikalawa sa pangatlong laban nilang serye.
Para sa ama ng lima niyang supling kay Sarangani Bise Gob. Jinkee, mas matamis ang panalong ito kay Algieri sa dahilang ang noon ay 35 anyos nang Pilipino ay itinuring ng kampo ng kanyang kalaban na palaos na at patungo na sa pagre-retiro.
Ito ay naramdaman agad ng kaaway matapos siyang padapain ni Manny sa ikalawang round pa lamang ng laban at tatlong beses pa sa ika-anim, ika-pito at ika-sampung yugto.
Sa 10th round, dapat sana’y tapos na ang boksing nang tigilan ni Manny ang pagpaparusa sa New Yorker sa ag-pag-aaakalang itinigil na ni reperi Genaro Rodriguez ang sagupaan.
Inamin ni Manny na talagang tinangka niyang patulugin si Algieri upang aminin din na “Chris is a tough fighter and he showed that by avoiding that to happen.”
Para sa chief trainer ni Manny na si Freddie Roach, ng napakalayong agwat ng boto ni judge Michael Pernick na 120-102 ay maaring pinaka-malaking kalamangan sa nakalipas na 20 taong kasaysayan ng sport ng boksing.
Kay Top Rank Promotion CEO Bob Arum, ang anim na knockdown na iniskor in Pacquiao ay katumbas ng KO panalo na siya namang hangad Roach sa isang banda.
“I can’t remember a fighter scoring six knockdowns in my long time in boxing,” sabi ni Arum sa reporter na ito pagkatapos ng laban. “Yeah, it could be considered a knockout but the official result is still a unanimous decision.”
Ang dalawa pang huwes – Patrick Morley at Levi Martinez – ay bumoto ng 119-103 at 118-103, ayon sa pagkakasunod pabor sa ama nina Jimwel, Michael, Princess, Queenie at Israel. Kapuwa sila walang ibinigay na round kay Algieri.
Sa nakaugaliang post-fight presscon, inamin ni Algieri ang malaking kalamangan ni Manny. “Pacquiao is a great, great champion. He’s so fast, it was very difficult for me to keep track on him.”
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
Saul “Canelo” Alvarez vs Jaimie Mungia (Fight Analysis)
By Ralph Rimpell, Fri, 03 May 2024OSCAR DE LA HOYA AND GOLDEN BOY PROMOTIONS TO RETURN TO TURNING STONE FOR INTERNATIONAL BOXING HALL OF FAME WEEKEND
Fri, 03 May 2024“Redemption Road: The Path Back to Glory” Debuts SUNDAY Ahead of Lomachenko-Kambosos Lightweight Title Showdown
Fri, 03 May 2024Star Boxing’s super welterweight contender Wendy Toussaint will travel to the Emperors Palace in Kempton Park, South Africa to take on Shervantaigh Koopman
Fri, 03 May 2024Labor Lakers play Kickstarter MLCG in Sanman on May 3
By Lito delos Reyes, Fri, 03 May 2024DENNY VS. CASH LAUNCH PRESS CONFERENCE QUOTES
Thu, 02 May 2024Nattapong Jankaew Prepares for Career-Defining Match Against Former Unified World Champion Marlon Tapales in WBC Regional Title Showdown
Thu, 02 May 2024Boston Routs Miami Anew, 118-84 to End Series at 4-1; Dallas Demolishes LA Clippers, Moves Ahead 3-2
By Teodoro Medina Reynoso, Thu, 02 May 2024GOLDEN BOY STATEMENT ON RYAN GARCIA'S POSITIVE TEST FOR BANNED SUBSTANCE
Thu, 02 May 2024LORENZ DUMAM-AG STOPS RAMEL MACADO JR IN FIRST ROUND IN BATTLE OF UNDEFEATED (VIDEO)
By Dong Secuya, Thu, 02 May 2024Croft wins by UD
By Lito delos Reyes, Thu, 02 May 2024Top Rank Presents Undisputed Junior Featherweight Championship: Naoya Inoue vs. Luis Nery
Thu, 02 May 2024HAMZA UDDIN READY TO SHINE IN BIRMINGHAM: 'YOU HAVEN’T SEEN ANYTHING YET'
Thu, 02 May 2024Heavyweight Quintin Sumpter Embraces the Spoiler’s Role
Thu, 02 May 2024NM Jasper Faeldonia rules IIEE chess tourney
By Marlon Bernardino, Thu, 02 May 2024