Alamat Ni Manny Pacquiao (Ika-24 Na Bahagi): Paano tinahak ni Manny ang daan para pagharian ang walong dibisyon ng boksing?
By Eddie Alinea
PhilBoxing.com
Sun, 25 Apr 2021
Labindalawang taong singkad ang hinintay ni Manny Pacquiao kung kailan ay nagpatulo ng di matingkalang pawis at dugo ang Pamabansang Kamao para mapasa-kamay ang karangalang kaisa-isang nilalang sa planeta na manalo ng walong pandaigdig na korona sa ganoon ding karaming dibisyon ng boksing.
Nagsimulang umani ng titulo ang ipinagmamalaki ng lahing Pilipino noong 1998, tatlong taon mula na matuto siyang magsuot ng glab, nang patulugin niya sa ika-walong round ang Thai na si Chatchai Sasakul at ariin ang korona ng lineal flyweight, kauna-unahan niyang pandaigdig na hiyas sa sport na napili niya.
Sa kasamaang palad - kung gaano kabilis niyang makamit ang korona ganoon ding kadaling nawala sa kanya ito nang siya naman ang mapatulog sa pangatlong round ng kababayan ni Sasakul na si Medgoen Singsurat katatapos lamang niyang maipagtanggol ang kampeonato kay Mehikanong Gabriel Mira.
Subalit sa pangalawang pagkakataon ng kanyang pagiging pro, dito muli ipinakita ni Manny ang kanyang kakayahang bumangon sa pagkatalo nang makapagtala ng 14 sunod-sunod na pagwawagi bago muling mabigo laban sa naging kaibigan niyang matalik na si Erik Morales ng Mehiko noong 2005.
Agad namang nakabawi ang ama ng lima niyang anak kay dating Sarangani Bise Gob. Jinkee sa pagkatalong ito ng kumamada siya ng 11 sunod na panalo, kabilang ang dalawang beses na pagpapatulog kay Morales, at limang iba pa para bigyan ang sarili ng apat na karagdagang titulo.
Ito ay ang super-bantamweight, featherweight, super-featherweight at lightweight na nakamit niya laban kay Aprikanong si Lehlo Ledwaba (TKO 6), Marco Antonio Barrera (TKO 11), Juan Manuel Marquez (UD 12) at David Diaz (TKO 9), ayon sa pagkakasunod.
Ang pakikipagtuos ni Pacquiao kay Ledwaba ay una niya sa Amerika at kauna-unahan din sa ilalim ng pamamatnubay ni Hall of Fame trainer Freddie Roach.
Sa pagitan ng mga labang ito ay ang walong round niyang TKO kay Mehikano-Amerikanong alamat Oscar De La Hoya na walang koronang nakataya na una niyang laban bilang welterweight, ang dibisyong pinagtuunan niya ng pansin sa nakalipas na labindalawang taon.
Tinapos ng ating idolo ang 12 taong kampanya para marating ang kung saan ay kinaroroonan niya ngayon – bilang eight-division world champion noong ika-13 ng Nobiyembre, 2010 makaraang gulpihin si Antonio Margarito sa loob ng 12 round sa kanilang paghaharap sa Cowboys Stadium sa Arlington, Texas.
Matapos mai-dispatsa si Diaz at kilalaning kauna-unahang Pilipino at Asyano na makahawak ng korona sa 135 librang dibisyon, isinunod ng dating kongresista at ngayon ay senador nang si Manny bilang biktima ang mapagmalaking si Ricky Hatton ng Ingaletera na pinadapa niya sa pangalawang round lamang noong Mayo 2, 2009, nang pansamantala niyang iwanan ang 147 librang dibisyon para subukan ang kanyang galin g sa light-welterweight.
Sa labang Pacquiao-Hatton fight napasa-kamay ng ating bata ang IBO, RING at lineal light-welter plum para maging pangalawa lamang na tao sa kasaysayan ng sweet science na maghari sa anim na dibisyon.
Ito rin ang nagbigay sa kanya ng karangalang Ring Magazine “Knockout of the Year” for 2009.
Petsa Nobiyembre 9, taong 2009 pinasuko ni Manny ang Puerto Rikanong si Miguel Cotto para pagharian din an g 147 librang dibisyon ng boksing para dominahin ito at magpabalik-balik ng tatlong beses.
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
Rodrigo to challenge undefeated Sandoval in US
By Lito delos Reyes, Sat, 23 Aug 2025Round 12 with Mauricio Sulaimàn: Call to Action 12 Items for Boxers' Safety
By Mauricio Sulaimán, Fri, 22 Aug 2025Libranza vs Pangga headlines Elorde card on Aug 24
By Lito delos Reyes, Fri, 22 Aug 2025GM Antonio to compete in P100,000 top prize Rapid chessfest this Sunday in Roxas City, Capiz Province
By Marlon Bernardino, Fri, 22 Aug 2025AISAT Basic Ed football training starts
By Kim delos Reyes-Teves, Fri, 22 Aug 2025Josh Navarro Scores Another Win in Pomona, California
By Carlos Costa, Fri, 22 Aug 2025UNDEFEATED CRIZTIAN PITT LAURENTE SET TO FACE HEBI MARAPU FOR IBF PAN PACIFIC TITLE
Fri, 22 Aug 2025Dare To Enter: Undefeated WBC Interim Champion Vergil Ortiz to Defend Super Welterweight Title From Number 1 Contender Erickson “The Hammer” Lubin
Fri, 22 Aug 2025Euri Cedeno Takes on Willie Jones on Friday, September 5th at Wind Creek Event Center in Bethlehem, PA
Fri, 22 Aug 2025COE AND HART CLASH ON BOOTS ENNIS CARD IN PHILADELPHIA
Thu, 21 Aug 2025‘There's nothing that he brings to the table that I've not got an answer for’ Sam Rennie on upcoming fight at Thunderdome 51
Thu, 21 Aug 2025JAMAINE "THE TECHNICIAN" ORTIZ TRAINING CAMP NOTES
Thu, 21 Aug 2025Gervonta Davis vs. Jake Paul: Exhibition Bout Announced for November
By Gabriel F. Cordero, Thu, 21 Aug 2025Legendary boxing coach John Brown Compares cornering Tommy Morrison & Rising young star Marco Romero
Thu, 21 Aug 2025World Kid to Host Meet-and-Greet and Open Workouts In advance of “The Return” on August 31 in Detroit
Thu, 21 Aug 2025