Alamat Ni Manny Pacquiao (Ika-22 Bahagi): Pangalawang usapan sa paghaharap nina Pacquiao at Mayweather, bigo muli
By Eddie Alinea
PhilBoxing.com
Thu, 15 Apr 2021
Sa bisa ng pag-agaw ng korona ng WBO welterweight noong 2009 kay Miguel Cotto ng Puerto Rico at ng matagumpay na ipagtanggol ito laban kay Joshua Clottey ng Ghana, pinangalanan ang idolo ng bayan na si Manny Pacquao ng Boxing Writers Association of America “Fighter of the Decade” ng dekada 2000-2010.
Ito ay bukod sa karangalang pangatlong beses na iginawad sa kanya ng prestihiyosong samahan bilang ‘Sugar Ray Robinson Fighter of the Year’ na naunang ipinarangal sa kanya noong mga taong 2006 at 2008.
Ang dakilang heavyweight sa daigdig na si ‘Smokin’ Joe Frazier ang nag-abot kay Manny ng tropeo sa isang seremonyang ginanap sa Roosevelt Hotel sa New York noong ika-4 ng Hunyo, 2010.
Sa laban ding ito muling nabuhay ang usapan tungkol sa planong pagharapin ang bagong kampeong Pilipino at wala pang talong si Floyd Mayweather Jr. matapos ipahayag ni Bob Arum, ang promoter ni Pacquiao, na siya ay pumirma na ng kasunduan noong Mayo 13 nang nasabi ring taon para sa laban ng kanyang bata kay Mayweather na aniya’y nakatakda na sa Nobiyembre 13.
Pero gaya ng naunang usapan, ang di pagkakasundo ng dalawang kampo sa sistema ng drug testing na gagamitin ang naging malaking balakid para matuloy ng tinaguriang “Super Fight.”
Walong araw lamang ang nakalipas, noong Hunyo 12, 2010, si Oscar De La Hoya, pangulo ng Golden Boy Promotions, ang nagdeklara, sa isang panayam sa Spanish Network, na ang nabanggit na kasunduan, bagamat mahirap matupad ay maaring, ay malapit nang maidaos. Pahayag na pinagtibay ni Arum na pinatunayan pang lahat ng di pagkakaunawaan ay na-resolba na at ang pirma na lamang ni ‘Money Man’ ang hinihintay bago ito maging opisyal.
Katunayan, ang CEO ng Top Rank, nagkasundo na rin ang dalawang kampo sa $40 milyong premyong paghahatian ni Pacquiao at Mayaweather.
“Kasinungalingan,” bintang naman ni Leonard Ellerbe, isa sa mga pinakamalapit na tagapayo ni Mayweather, na nagsabing wala namang negosasyong nangyayari. Noong Hulyo 26, 2010, nakihalo si Ross Greenburg sa debate sa pagtatapat na siya ang nagsisilbing nasa gitna ng usapan sa pagitan ng kampo ni Pacquiao at Mayweather at ang mga grupo ay wala pang positibong napagkakasunduan, taliwas sa sinasabi ni Arum at ng kampo ng Pilipino.
Pagkaraan nang pangalawang negosasyon ay nai-deklaang kanselado, ipinagtapat ni Mayweather sa ASSOCIATED PRESS na katatapos lamang niyang lumaban animnapung araw ang nakalilipas at wala siyang interes na madaliin ang susunod niyang pakikipagsayaw sa ibabaw ng ring.
Sa gitna ng mga kaguluhang ito at sa nangyayaring hilahan sa lubid sa pagitan ng dalawang nag-aalitang kampo, nagpahayag si Arum na naitakda na niya na lalaban si Pacquiao kay Antonio Margarito sa Nobiyembre 13, 2010 para sa bakanteng titulo ng WBC light-middleweight o super-welterweight.
At kung magwawagi si Pacman, siya ang tatanghaling kaisa-isang nilalang sa kasaysayan ng boksing na maghahari sa walong dibisyon.
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
YORK HALL FIGHT NIGHT RESULTS: GEORGE LIDDARD MAKES HISTORY TO BECOME THE YOUNGEST EVER BRITISH MIDDLEWEIGHT CHAMPION
Sat, 18 Oct 2025Usyk in Bare Knuckle event?
By Gabriel F. Cordero, Sat, 18 Oct 2025IIEE Singapore tops National Chess Olympiad, Quezon City Simba's Tribe wins 2 matches in PCAP
By Marlon Bernardino, Sat, 18 Oct 2025Liddard Destroys Conway to Claim British Middleweight Title, Becomes Youngest-Ever Champion
By Dong Secuya, Sat, 18 Oct 2025Keiron Conway vs George Liddard: Unbeaten Prospect Faces Stiff Challenge
By Chris Carlson, Sat, 18 Oct 2025Alicaba to fight for WBC Asian Continental super fly
By Lito delos Reyes, Sat, 18 Oct 2025DAY TWO: STARBOY MANAS STEALS THE SHOW AS TEAM ASIA EXTENDS PERFECT RUN
Sat, 18 Oct 2025MANNY PACQUIAO PROMOTIONS INTRODUCES CHIEF FINANCIAL OFFICER AND VICE PRESIDENT TONY COHEN
Sat, 18 Oct 2025Joseph Subia Signs with Wise Owl Boxing
Sat, 18 Oct 2025Sirimongkhol, Midgley Make Weight for WBF World Title in Thailand
By Carlos Costa, Fri, 17 Oct 2025ICTSI South Pacific on Oct. 28-31
By Lito delos Reyes, Fri, 17 Oct 2025PIONEERING FILIPINO BOXERS TAKE THE SPOTLIGHT ON FIL-AM HISTORY MONTH (PART II)
By Dong Secuya, Fri, 17 Oct 2025California Commission Backs Dana White’s ‘American Boxing Revival’ and Expanded Muhammad Ali Act
By Gabriel F. Cordero, Fri, 17 Oct 2025MANNY PACQUIAO PROMOTIONS PRESENTS “COUNTDOWN TO THRILLA IN MANILA” AND “THRILLA IN MANILA 50”
Fri, 17 Oct 2025Rafael Espinoza-Arnold Khegai Featherweight World Title Showdown Set for Nov. 15 in San Luis Potosí, Mexico
Fri, 17 Oct 2025