Alamat Ni Manny Pacquiao (Ika 12 Bahagi): Nang mabawi ni Pacquiao ang ninakaw sa kanyang korona
By Eddie Alinea
PhilBoxing.com
Wed, 17 Mar 2021
Isang laban at kulang dalawang taon lamang ang hinintay ng may ari ng sinturon sa welterweight na si Manny Pacquiao upang ipakita na siya ang tunay na panginoon sa ibabaw ng ring sa 147 librang dibisyon matapos na agawin sa kanya ito ng nagpanggap na kampeong Amerikanong si Timothy Bradley Jr.
Hunyo 9, 2012 nang nakawin ni Bradley kay Pacquiao ang korona sa pamamagitan ng kontrobersiyal at di nagkakaisang hatol ng tatlong huwes na tinaguriang “tatlong bubuwit” ng noon ay promoter ng Pilipino na si Bob Arum.
At bagamat nakalasap muli ng pagkatalo ang idolo ng masa sa sumunod niyang laban kay Juan Manuel Marquez (KO sa 6th round) noong Disyembre 8 nang taon ding iyon, naburang lahat ang pinaka-mapait na karanasang ito ng Pambansang Kamao sa kanyang kasaysayan bilang boksingero noong Abril 12 2014.
Nangyari ito sa rematch nila ni tinaguriang “Desert Storm” kung saan ay nilampaso at siniguro ni Pacman na wala nang dapat ipagduda sa kung sino sa kanilang dalawa ang dapat kilalaning hari ng dibisyon. Dalawa sa mga hurado ang umiskor ng 116-112 para sa Pilipinong tubong Kibawe, Bukidnon at ang isa sa mas malayong, 118-110 para mapasa-kanyang muli ang korona.
Una rito ay kinailangan muna niyang lampasan ang hamon ng naka-base sa Oxnard, California na si Brandon Rios na may impresibong rekord na 31-1-1, kabilang ang 23 KOs sa makasaysayang labang ginanap sa kauna-unahang pagkakataon sa Macau para sa bakanteng titulo ng WBO international welterweight.
Pinamaga ni Manny ang dalawang mata ni Rios nang matapos ang sagupaan at duguan ang bibig ng humahamon na nagbunsod sa hurado na igawad sa ama ng limang anak niya kay dating Sarangani Bise Gobernador Jinkee ng nagkakaisang hatol, 119-109, 120-108 at 118-108.
Mahigit sa 15,000 nagsisigawang manonood na humingi ng ulo ni Bradley ang pumuno sa MGM Grand Arena ang nagbunyi matapos makita ang sinturong pang-kampeonatong hawak muli ni Manny nang ipahayag ang kinalabasan ng sagupaan.
Bagamat sa mata ng marami ay mistulang napakadali ng laban para sa kanilang idolo, si Manny ay nanatiling mapagpakumbaba at sa kanyang nakaugaliang malambot na pangungusap ay nagpahayag makaraan ang laban: “He gave me a good fight. He's not that easy.
“I listened to my corner about keeping my hands up and timing. He threw a lot of punches. He threw wide, wide, wide hooks. I got hit one time and said it's not good to be careless!”
Samantalang si Pacquiao ang maliwanag na nakaungos sa lahat ng departamento ng laban, si Bradley ang nagpakita ng pagiging agresibo sa unang bahagi ng paghaharap habang umiskor ng malalakas na suntok sa round 2 at 3.
Sa pang-apat na yugto ipinakita na ni Pacquiao ang kanyang kalamangan sa lakas ng suntok at bilis ng mga kamay at paa na nagdala kay Bradley na animo’y sumusuntok sa hangin.
Bago matapos ang pang-anim na round, kontrolado na ni Manny ang laban sa pamamagitan ng walo hanggang sampung kalikwa’t –kanang kumbinasyon at nakakaparalisang suntok sa katawan.
Mula doon ay nahulaan na ng mga nasa arena na ang pag-asa na lamang ng Amerikkano na mabago ang kalalabasan ay nang mapatulog niya ang Pilipino.
Tabla na sa 1-panalo-1-talo ang unang dalawang paghaharap sa pagitan ni Pacquiao at Bradley na nagdala sa mga promoter ng dalawa para maglaway sa pangatlong klasiko at siyembre malaking bonansang naghihintay sa pangatlong pagtutuos.
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
Rodrigo to challenge undefeated Sandoval in US
By Lito delos Reyes, Sat, 23 Aug 2025Round 12 with Mauricio Sulaimàn: Call to Action 12 Items for Boxers' Safety
By Mauricio Sulaimán, Fri, 22 Aug 2025Libranza vs Pangga headlines Elorde card on Aug 24
By Lito delos Reyes, Fri, 22 Aug 2025GM Antonio to compete in P100,000 top prize Rapid chessfest this Sunday in Roxas City, Capiz Province
By Marlon Bernardino, Fri, 22 Aug 2025AISAT Basic Ed football training starts
By Kim delos Reyes-Teves, Fri, 22 Aug 2025Josh Navarro Scores Another Win in Pomona, California
By Carlos Costa, Fri, 22 Aug 2025UNDEFEATED CRIZTIAN PITT LAURENTE SET TO FACE HEBI MARAPU FOR IBF PAN PACIFIC TITLE
Fri, 22 Aug 2025Dare To Enter: Undefeated WBC Interim Champion Vergil Ortiz to Defend Super Welterweight Title From Number 1 Contender Erickson “The Hammer” Lubin
Fri, 22 Aug 2025Euri Cedeno Takes on Willie Jones on Friday, September 5th at Wind Creek Event Center in Bethlehem, PA
Fri, 22 Aug 2025COE AND HART CLASH ON BOOTS ENNIS CARD IN PHILADELPHIA
Thu, 21 Aug 2025‘There's nothing that he brings to the table that I've not got an answer for’ Sam Rennie on upcoming fight at Thunderdome 51
Thu, 21 Aug 2025JAMAINE "THE TECHNICIAN" ORTIZ TRAINING CAMP NOTES
Thu, 21 Aug 2025Gervonta Davis vs. Jake Paul: Exhibition Bout Announced for November
By Gabriel F. Cordero, Thu, 21 Aug 2025Legendary boxing coach John Brown Compares cornering Tommy Morrison & Rising young star Marco Romero
Thu, 21 Aug 2025World Kid to Host Meet-and-Greet and Open Workouts In advance of “The Return” on August 31 in Detroit
Thu, 21 Aug 2025