Alamat ni Manny Pacquiao (Ika-10 Bahagi): Nang lumiwanag ang madilim na bahagi ng karera ni Manny
By Eddie Alinea
PhilBoxing.com
Wed, 03 Mar 2021
Tumama sa ulo ang kanang suntok ni Pacquiao laban kay Rios.
Siyam na buwan makalipas ang itinuturing na pinakamadilim na kabanata ng kanyang pagiging boksingero noong 2012 kung kalian ay itinuring ng marami na natapos na ang kanyang 17 taong pangingibabaw sa ring, muling bumulusok paitaas ang Pilipinong si Manny Pacquiao na nagpahiwatig na di pa tapos ang kanyang maliligayang araw.
At ng kanyang mga kababayan!
Ang kambal na sunod niyang pagkatalo sa kamay ng noo’y wala pang talong si Timothy Bradley Hunyo 9 nang taong iyon at ang 6 round na KO ipinalasap ng kaaway niyang mortal, ang Mehikanong si Juan Manuel Marquez, Disyembre 8 ang nagbunsod sa mga eksperto tutoong tapos na ang pro career ni Pacquiao na nagsimula noong 1995.
Ang kontrobersyal na talo ni Pacman kay “Desert Storm” sa kanilang unang paghaharap ang tumapos din ang kanyang tatlong taong paghahari sa WBO welterweight division na naagaw niya kay Miguel Cotto Nobiyembre 14, 2009.
Nobiyembre 24 nang sumunod na taon, ipinakita ng dating dalawang beses na kongresista at ngayon ay senador nang si Manny, ang kanyang kakayahang bumalikwas sa anumang kagipitang maaring mangyari sa buhay ng isang nilalang, boksingero man o hindi.
Nangyari ito matapos niyang lupigin si Brandon Rios sa 12 round nagkakaisang hatol para sa bakanteng WBO International welterweight title sa sagupaang ginanap sa Venetian Resort sa Macau. Ang labang ito ay una sa dalawang nairaos sa lungsod ng mga bisyo sa Asya.
Sa kabila ng kambal na kabiguang naranasan isang taon lamang ang nakararaan, hindi man lamang kinakiktaan si Manny ng epekto malungkot na karanasan.
Sa halip ay dinomina ni Pacquiao ang dating kampeon sa WBA lightweight makaraang ang huli ay mapakita ng kanyang kakayahan pero hilaw na karanasan sa pakikilaban sa ibabaw ng parisukat na lona.
Mistulang tinuruan ni Manny kung paano kumonekta ng kaliwa’t kanang kumbonasyon na lumikha ng sugat sa kaliwang mata ng kalaban matapos lamang ang anim na round at pamamaga ng kanang mata sa huling hahagi ng laban. Duguan nang bibig ni Rios nang matapos ang labang naging hudyat ng pagabalik ni Pacquiao sa listahan ng mga piling mandirigma sa ring.
Wagi ang ipinagmamalaki ng lahing Pilipino ng malaking agwat – 119-109, 120-108, 118-110 – sa mata ng tatlon hurado.
“This is still my time,” deklara ni Manny matapos ang animo’y madaling laban. “My time isn’t over. This is not about my comeback. My victory is a symbol of my people’s comeback from natural disaster and national tragedy. My journey will continue. I said we will rise again and that’s what happened.”
Abril ng sumunod na taon, muling nagharap si Manny at Bradley kung saan ay bumawi ang ating bata at makuhang muli ang kampeonato ng WBO welterweight na ninakaw ng huli noong una nilang pagtutuos.
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
MARIO BARRIOS LAS VEGAS MEDIA WORKOUT QUOTES
Tue, 01 Jul 2025CATTERALL AND EUBANK LAY THEIR 'CARDS ON THE TABLE' AHEAD OF MANCHESTER SHOWDOWN
Tue, 01 Jul 2025Dumadag holds chess tourney
By Marlon Bernardino, Tue, 01 Jul 2025Manny Pacquiao's Case for the Greatest of All Time
By Ace Freeman, Mon, 30 Jun 2025DavNor Adventure Race 2025 set July 2
By Lito delos Reyes, Mon, 30 Jun 2025Gumila rules Antipolo rapid chess tilt
By Marlon Bernardino, Mon, 30 Jun 2025FULL CIRCLE AT WILD CARD: Jhay Otamias’ Tribute to a Fighter and a Fanbase
By Emmanuel Rivera, RRT, Mon, 30 Jun 2025Vince Paras Wins by 4th Round KO Over Sarawut Thawornkham to Capture the IBF Pan Pacific Super Flyweight Title
Mon, 30 Jun 2025Team USA's Quest for Gold Set in Stone at World Boxing Cup: Astana 2025
Mon, 30 Jun 2025SBA SEASON 2 DRAFT UNVEILS RISING STARS AND STRATEGIC MOVES AS TEAMS COMPLETE THEIR ROSTERS
By Marlon Bernardino, Mon, 30 Jun 2025Filipino Elwin Retanal wins Saudi rapid chess meet
By Marlon Bernardino, Mon, 30 Jun 2025Jake Paul Earns Boxing Legitimacy with Dominant Decision Over Julio Cesar Chávez Jr.
By Dong Secuya, Sun, 29 Jun 2025Zurdo Ramirez Defends Cruiserweight Crowns with Unanimous Decision Over Dorticos
By Dong Secuya, Sun, 29 Jun 2025Vince Paras Faces Sarawut Thawornkham Today at Venue 88 in Gensan
Sun, 29 Jun 2025USA Elite High Performance Team Sets Sights on Gold at World Boxing Cup: Astana 2025
Sun, 29 Jun 2025