Alamat ni Manny (Ika 3 Bahagi): Labang naglunsasd kay Manny sa rurok ng tagumpay
By Eddie Alinea
PhilBoxing.com
Mon, 01 Feb 2021
Nakamit ni Pacquiao ang IBF korona noong tinalo niya si Ledwaba.
Tatlong taon matapos mag-debut bilang mandirigma sa ibabaw ng ring, hinubdan ni Emmanuel “Manny“ Pacquiao si Chathai Sasakul ng Thailand ng kanyang korona ng WBC sa flyweight sa pamamagitan ng walong round na pagpapatulog para sa unang pangunahing titulong pandaigdig ng Pilipino.
Ang panalong ito kay Sasakul ang nagsilbing hudyat sa mahigit isang dekadang kampanya ng ngayon ay senador nang si Pacquiao para maging kaisa-isang boksingero sa kasaysayan ng sweet science na umangkin sa di kukulangin sa 12 korona sa walong dibisyon ng boksing.
Subalit kung gaano kabilis nakamit ni Manny ang kanyang unang major world title, ganoon ding kabilis nawala ito sa kanya. Nabawi ng kababayan ni Sasakul na si Medgoen Singsurat ang korona sa pamamagitan ng tatlong round na KO sa pangalawang pagtatangka ni Manny na maipagtanggol ito.
Sa tutoo lang, humulagpos na ang pandaigdig na sinturon ng 112 librang dibisyon sa kamay ni Manny isang araw bago sumapit ang pagtutuos sa opisyal na pagtitimbang nang lumampas sa takdang timbang ang ating idolo.
Pero naging kasabihan na nga, si Manny Pacquiao ay hindi si Manny Pacquiao kung hindi siya makababangon sa kanyang dinadapaan. Tatlong taon matapos ang mapait na karanasang iyon, ang ating si Manny na noon ay nasa ilalim na ng pamamahala ni Hall of Fame trainer Freddie Roach ay nakabalikwas at nakabalik sa dapat niyang kalagyan.
Petsa Hunyo 23, taong 2001, ang tubong Kibawe, Bukidnon na si Pacquiao, ay sinorpresa ang libo-libong nanonood sa MGM Grand sa Las Vegas at milyon pang nasa kani-kanilang tahanan nang pabagsakin niya ang Aprikanong si Lehlohonolo Ledwaba sa ika-anim na round tungo sa TKO panalo.
At mapasa-kamay din niya ang kampeonato ng IBF super-bantamweitght (122-libra).
Dinomina ng noon ay 23 anyos na ama ng limang supling niya kay dating Sarangani Bise Gobernador Jinkee ang paboritong Aprikano mula sa unang tunog pa lamang ng kampana. Duguan ang ilong at mukha ni Ledwaba nang matapos ang unang round.
Pinaluhod ni Manny si Ledwaba sa lona sa pagalawang round, pangatlo at pang-apat habang ang punong-punong manoood ay nagbubunyi hanggang mamagitan ang reperi ang at hintuin ang masaker para maiwasan ang mabigat na pinsalang maaring mangyari sa kawawang nahubaran ng koronang kampeon.
“Ito ay isang pangarap na natupad. Ang layon ko ay maging kampeon muli at talagang ibinuhos ko ang lahat sa ensasyo pa lamang. Salamat sa Panginoon at nagkatutuo ag pangarap ko,” bigkas ni Pacquiao makaraan ang pinaigsing laban.
Sumampa si Manny sa ring bilang pamalit sa di makararating na challenger ni Ledwaba sa rekomendasyon mismo ni Roach dalawang linggo bago ang takdang paghaharap.
Matagumpay na naipagtanggol ng ating kababayan ang 122-librang kampeonato subalit higit dito, ang kanyang kabayanihan sa mga susunod pang laban ang nagsilbing hagdanan niya sa pagiging bayani ng sambayanang Pilipino at ng buong daigdig ng palakasan.
Sumunod na siyam na taon, namalas ng sandaigdigan ang pag-angat ni Many mula junior flyweight (106 libra) hanggang flyweight, super-bantam (122-libra), featherweight (126 libra), super-featherweight (130 libra), lightweight (135 libra). Junior-welterweight (140 libra), welterweight (147 libra) at super-welterweight (154 libra).
Sa madaling salita, nang masungkit niya ang kampeonato sa 154 librang dibisyon, nakuhang umakyat ni Manny ng 48 libra mula nang magsimula siya sa kanyang pro-career noong 1995, hanggang sa lampasuhin niya si Ricky Hatton sa loob lamang ng napaka-igsing dalawang round noong Mayo 2, 2009 sa MGM Grand sa Las Vegas.
May Karugtong.
Click here to view a list of other articles written by Eddie Alinea.
Recent PhilBoxing.com In-House articles:
NYC PRESS CONFERENCE QUOTES: BERLANGA VS. SHEERAZ / SHAKUR STEVENSON VS. WILLIAM ZEPEDA
Fri, 16 May 2025HALL OF FAME TRAINER FREDDIE ROACH TO BE HONORED BY THE CITY OF LOS ANGELES IN PUBLIC CEREMONY AT FREDDIE'S GYM!
Fri, 16 May 2025HALL OF FAME BROADCASTER JIM LAMPLEY TO PARTICIPATE IN 2025 HALL OF FAME WEEKEND FESTIVITIES
Fri, 16 May 2025Minnesota, Indiana Back Again in the Eastern and Western Conference Finals
By Teodoro Medina Reynoso, Thu, 15 May 2025In Jonathan’s memory
By Joaquin Henson, Thu, 15 May 2025WATCH: HITCHINS AND KAMBOSOS JR IN INTENSE FACE-OFF WITH ONE MONTH UNTIL NYC SHOWDOWN
Thu, 15 May 2025Toledo-Xignex Trojans finally win the PCAP online team chess tournament
By Marlon Bernardino, Thu, 15 May 2025Former WBA Super Bantamweight Champion Nazarena Romero to Exercise Immediate Rematch Clause Against Mayelli Flores Rosquero
Thu, 15 May 2025Pacquiao's Controversial WBC Ranking Explained: "Legend" Status Cited Amid July Return
By Dong Secuya, Thu, 15 May 2025No-contest ruling awaited
By Joaquin Henson, Thu, 15 May 2025FISHER VS. ALLEN 2 + UNDERCARD FINAL PRESS CONFERENCE QUOTES
Thu, 15 May 2025Tyler Langer Defeats Raphael Carolina By Unanimous Decision in Headline Bout of Jeter Promotions Card at Rosecroft Raceway in Fort Washington, Maryland
Thu, 15 May 2025Canelo vs. Crawford Bout Faces Date and Venue Shift
By Dong Secuya, Wed, 14 May 2025BROADCAST TEAM ANNOUNCED FOR “CHAMPIONING MENTAL HEALTH: A NIGHT OF BOXING” ON THURSDAY, MAY 22
Wed, 14 May 2025UNBEATEN AMATEUR WORLD CHAMPION TIAH-MAI AYTON SIGNS PROMOTIONAL DEAL WITH MATCHROOM
Wed, 14 May 2025