Manny Pacquiao: Ang Alamat (Ikalawang Bahagi): Mula flyweight, umakyat si Pacquiao para maging hari ng super-welterweight
By Eddie Alinea
PhilBoxing.com
Wed, 27 Jan 2021
Isang maulang araw noong taong 2001, isang 22 taong gulang na dating kampeon sa flyweight ng World Boxing Council at kumatok sa pintuan ng Wile Card Gym sa Hollywood, California na pag-aari ng tanyag na boxing trainer na si Freddie Roach upang humingi ng tulong na pamahalaan ang kanyang pro-career.
Tatlong taon bago siya natanggap ni Roach, ang Pilipinong si Emmanuel “Manny” Pacquiao ay pinatulog si Chatchai Sasakul ng Thailand para sa WBA 112 librang kampeonato para simulan ang kanyang koleksiyon ng di kukulangin sa 12 padaigdig korona at tanghaling kaisa-isang nilalang sa kasaysayan ng sweet science na pagharian ang walong dibisyon ng kanyang napiling sport.
Makaraan ang isang dekada at dalawang taon mula noon at sa pamatnubay ng Hall of famer na si Roach, si Pacquiao ay nakoronahan din bilang panginoon ng RING Magazine sa featherweight, WBC super-featherweight, WBC lightweight, IBO/Ring welterweight, WBO welterweight at WBC super-welterweight.
Lingid sa kaalaman ng marami, ang ngayon ay mambabatas nang si Manny ay kauna-unahang boksingero na nanalo ng pandaigdig na kampeonatong lineal sa limang dibisyon.
At kauna-unahan din sa kasaysayan na makamit ang apat na pangunahing titulo sa orihinal na walong dibisyon na kung tawagin ay “glamour” divisions -- flyweight, featherweight, lightweight at welterweight.
Pinaupo ni Pacquiao sa lona si Thurman noong naglaban sila noong Hulyo, 2019 sa Amerika. Kuha ni Wendell Alinea.
Ang ating si Pacquiao ay matagal na kinilalang pinakamahusay na aktibong mandirigma sa ibabaw ng ring pound-for-pound ng halos lahat ng sporting news at boxing websites, kabilang ang ESPN, Sport illustrated, Sporting Life, Yahoo Sports, About.com, BoxRec, at RING.
Ito ay mula nang ang umaakyat siya sa lightweight hanggang maagaw ang korona niya sa welterweight noong 2012.
Si Manny rin ang tinanghal na pinakamatagal na naghari sa listahan ng 10 aktibong boksingero ng RING pound-for-pound.
May mga nagsasabing wala na umano ang dating bagsik ni Manny sa ibabaw ng parisukat na lona bagamat mas marami ang sumusumpa na taglay pa rin niya ang kalidad ng isang mandirigmang nakagawa ng malaking pangalan sa sport ng boksing.
Sa edad na 42, kung magagapi na ang salot na coronavirus, at makakita na ang Team Pacquiao ng makakalaban para ituloy ang mga natamo niyang tagumpay sa 25 taong nakalipas, si Manny ay may pagkakataon madagdagan ang kanyang maipamamana sa daigsdig ng palakasan.
At umusad ng kulang tatlong taon para maapantayan ang record ng dating kampeon sa heavyweight na si George Foremqan na nabawi ang kanyang korona sa edad na 45 taong gulang noong 1994.
Huling nakita si Pacquiao ng kanyag milyong tagasunod noong Hulyo 2019, kung kailan ay pinalasap niya ang dating walang talong si Keith Thurman ng mapait na pagkatalo para mapanatili ang kanyang super WBA welterweight sinturon na inagaw niya kay Argentine Lucas Matthysse kung saan sa 7 round niya pinatulog.
Nauna rito, naidepensa niya ang korona laban kay Andrien Broner na tulad ni Thurman ay isa ring Amerikano.
(May Karugtong)
Click here to translate this article to other languages via Google.
Click here to view a list of other articles written by Eddie Alinea.
Recent PhilBoxing.com In-House articles:
YORK HALL FIGHT NIGHT RESULTS: GEORGE LIDDARD MAKES HISTORY TO BECOME THE YOUNGEST EVER BRITISH MIDDLEWEIGHT CHAMPION
Sat, 18 Oct 2025Usyk in Bare Knuckle event?
By Gabriel F. Cordero, Sat, 18 Oct 2025IIEE Singapore tops National Chess Olympiad, Quezon City Simba's Tribe wins 2 matches in PCAP
By Marlon Bernardino, Sat, 18 Oct 2025Liddard Destroys Conway to Claim British Middleweight Title, Becomes Youngest-Ever Champion
By Dong Secuya, Sat, 18 Oct 2025Keiron Conway vs George Liddard: Unbeaten Prospect Faces Stiff Challenge
By Chris Carlson, Sat, 18 Oct 2025Alicaba to fight for WBC Asian Continental super fly
By Lito delos Reyes, Sat, 18 Oct 2025DAY TWO: STARBOY MANAS STEALS THE SHOW AS TEAM ASIA EXTENDS PERFECT RUN
Sat, 18 Oct 2025MANNY PACQUIAO PROMOTIONS INTRODUCES CHIEF FINANCIAL OFFICER AND VICE PRESIDENT TONY COHEN
Sat, 18 Oct 2025Joseph Subia Signs with Wise Owl Boxing
Sat, 18 Oct 2025Sirimongkhol, Midgley Make Weight for WBF World Title in Thailand
By Carlos Costa, Fri, 17 Oct 2025ICTSI South Pacific on Oct. 28-31
By Lito delos Reyes, Fri, 17 Oct 2025PIONEERING FILIPINO BOXERS TAKE THE SPOTLIGHT ON FIL-AM HISTORY MONTH (PART II)
By Dong Secuya, Fri, 17 Oct 2025California Commission Backs Dana White’s ‘American Boxing Revival’ and Expanded Muhammad Ali Act
By Gabriel F. Cordero, Fri, 17 Oct 2025MANNY PACQUIAO PROMOTIONS PRESENTS “COUNTDOWN TO THRILLA IN MANILA” AND “THRILLA IN MANILA 50”
Fri, 17 Oct 2025Rafael Espinoza-Arnold Khegai Featherweight World Title Showdown Set for Nov. 15 in San Luis Potosí, Mexico
Fri, 17 Oct 2025