SALA SA INIT... SALA SA LAMIG: KAMBAL NA RESPONSIBILIDAD
By Eddie Alinea
PhilBoxing.com
Wed, 07 Sep 2016
Simula na ang mga sakripisyong nadghihintay sa magiting nating boksingerong si Manny Pacquiao para gampanan ang kambal niyang responsibilidad bilang mandirigma sa ibabaw ng lona at ang pagiging mambabatas -- senador sa madaling sabi.
Lilipad ngayong araw si Sen. Manny patungong Los Angeles sa Estados Unidos upang daluhan ang press conference para opisyal na ipahayag ang laban niya sa nagtatanggol na kampeon sa dibisyon ng welterweight ng World Boxing Organization, isa sa mga tungkuling dapat niyang gampanan kapag mayroon siyang laban.
Nakatakda sa Huwebes, ika-8 ng Sityembre (Biyernes sa Maynila) ang presscon na gaganapin sa Crytsal Ballroom sa gitna ng Hollywood sa nasabing entertainment capital of the world. Wala naman sanang problema ito sa dahilang maraming beses nang nagampanan ito ng mambabatas mula sa Lalawigan ng Sarangani mula nang magsimula siyang manalo ng 10 pandaigdig na kamponateo sa walong dibisyon.
Kaya lamang, kung matatandaan ng lahat ay nakapangako ang noon ay si Kongresista Manny habang kumakapanya sa pagka-senador na siya'y magiging mabuting miyembro ng Mataas na Kapulungan. Katunayan, naipangako niya na di tulad noong siya'y nasa Mababang Kapulungan pa, pipilitin niyang huwag lumiban ng kahit isang sesyon ng senado.
At dahil nga sa naipangako niya, apat o limang araw lamang ang ilalagi ni eight-division champion sa tinaguriang "land of the free." Ibig sabihin, maaring sa Linggong darating o Lunes ay nandito na si Senador para maka-attend ng sesyon. Doon sa mga di pa nakakabiyahe papuntang Amerika, ang haba ng lipad patungo doon ay humigit-kumulang sa 15 oras.
Sa madaling sabi, di kukulangin sa 30 oras na lalagi sa himpapawid si Senador papunta sa Amerika at pabalik dito sa Pilipinas hanggang sa siya ay makabalik sa Maynila. Hindi birong pagod at puyat ang naghibintay kay Sen. Manny sa biyaheng ito. Pero ang sabi nga, ang pangako ay pangako na dapat tuparin kahit na nga siya ang kaisa-isang boksingeo sa daigdig na naging kampeon sa mundo sa flyweight, bantamweight, junior-featherweight, junior-lightweight, lighweight, junior-welterweight, welterweight at junior-middleweight.
Hindi dyan sa presscon natatapos ang problema ni Pacman. Sa ika-5 ng Nobiyembre itinakda ang 12 round na enkuwenro laban kontra Vargas. Pero bago dumating ang petsang iyan, kailangang mag-ensayo si Manny para paghandaan ang pakikipag-tuos niya kay defending champ Vargas.
At bagamat ang laban ay papatak sa recess ng senado sa ika-22 ng Oktubre hanggang ika-7 ng Nobiyembre, hindi rin maiiwasang maging sagabal ang paghahanda na sinimulan na ni Sen. Manny tatlong linggo na ang nakararaan at tatagal hanggang isang araw bago maglaban.
Para hindi lubusang maatraso ang ensayo, napagpasiyahan na dito sa Maynila gawin ang buong pahahanda. Dalawang linggo bago dumating ang pagtutuos nakatakdang magtungo ang Team Pacquiao sa L.A . para sa huling linggo ng ensayo bago tumuloy sa Las Vegas.
Hindi naman nababahala si Pacman sa problemandg kanyang kinakaharap sa paghahanda at sa mismong sa lkaban. "Sanay na tayo sa ganyang situwasyon at nalampasan naman nating lahat yan. Medyo gipit na nga sa schedule, pero may paraan para hindi masyadong maka-apekto," aniya sa bisperas ng kanyang pag-alis kahapon.
Click here to view a list of other articles written by Eddie Alinea.
Recent PhilBoxing.com In-House articles:
Don King Productions Moving Forward With October 4th WBA World Heavyweight Showdown
Sun, 24 Aug 2025Controversial Judges from Pacquiao-Barrios Fight Tapped for Canelo-Crawford Showdown
By Dong Secuya, Sat, 23 Aug 2025Levinson’s Gift: Runyon’s quiet revelation, Lawton’s last battle, and the first Filipino boxer
By Emmanuel Rivera, RRT, Sat, 23 Aug 2025Rodrigo to challenge undefeated Sandoval in US
By Lito delos Reyes, Sat, 23 Aug 2025Round 12 with Mauricio Sulaimàn: Call to Action 12 Items for Boxers' Safety
By Mauricio Sulaimán, Fri, 22 Aug 2025Libranza vs Pangga headlines Elorde card on Aug 24
By Lito delos Reyes, Fri, 22 Aug 2025GM Antonio to compete in P100,000 top prize Rapid chessfest this Sunday in Roxas City, Capiz Province
By Marlon Bernardino, Fri, 22 Aug 2025AISAT Basic Ed football training starts
By Kim delos Reyes-Teves, Fri, 22 Aug 2025Josh Navarro Scores Another Win in Pomona, California
By Carlos Costa, Fri, 22 Aug 2025UNDEFEATED CRIZTIAN PITT LAURENTE SET TO FACE HEBI MARAPU FOR IBF PAN PACIFIC TITLE
Fri, 22 Aug 2025Dare To Enter: Undefeated WBC Interim Champion Vergil Ortiz to Defend Super Welterweight Title From Number 1 Contender Erickson “The Hammer” Lubin
Fri, 22 Aug 2025Euri Cedeno Takes on Willie Jones on Friday, September 5th at Wind Creek Event Center in Bethlehem, PA
Fri, 22 Aug 2025COE AND HART CLASH ON BOOTS ENNIS CARD IN PHILADELPHIA
Thu, 21 Aug 2025‘There's nothing that he brings to the table that I've not got an answer for’ Sam Rennie on upcoming fight at Thunderdome 51
Thu, 21 Aug 2025JAMAINE "THE TECHNICIAN" ORTIZ TRAINING CAMP NOTES
Thu, 21 Aug 2025