THE SNOW BADUA ISSUE
By Eddie Alinea
PhilBoxing.com
Mon, 28 Sep 2015
OVERKILL!
Ito ang unang reaksyon ko nang mabasa ko sa mga pahayagan ang pasiya ni kauupo lamang na PBA commissioner Chito Narvasa na pinagbabawalan si sportswriter Snow Badua na kumober o pumasok man lamang sa lugar kung saan ay may idinadaos na aktibidad na may kaugnayan sa kauna-unahan at ngayon ay kaisa-isa nang liga propesyonal sa bansa.
May naisulat umano itong si Badua na nakasasama sa isang opisyal ng liga -- Si Alfrancis Chua o Chualay, miyembro ng board of Pba governors -- na wala namang pinagbabasihang ebidensya para patunayan na tutoo ang kanyang mga ibinulgar. Sa unang malas ay masasabi ngang overkill o sobra ang parusang iginawad kasi birtuwal na pinagbabawalan si Snow ng karapatan niyang humanap ng ikabu-buhay para mapakain ang kanyang asawa at mga anak.
Bukod sa ang parusa ay pagbabawal din sa pagsasanay ng kalayaan ng isang mamahayag na maglahad mga bagay kaugnay ng kalayaan sa pamamahayag. Ang karapatang humanap ng ikabubuhay at ang kalayaan sa pamamahayag ay parehong ginarantiyahan ng ating Saligang Batas.
Kasama sa gag order ang pagbabawal din sa kaninumang opisyal (bard governor, coach, team manager, manllalaroat iba pa) na magpa-interview kay Badua. Sinumang lalabag ay may kaparusahan.
Matindi, sa palagay ko, ang kaparusahang tinanggap ni Snow, lalo't kung iisiping mula nang ipinanganak ang liga noong 1975 o 40 taon na ang nakararaan, ang PBA at lahat ng taong may kaugnayan sa liga, kasama na rito ang media, ay isang malaking pamilya na kapag nagkaroon ng di pagkakaunawaan ang mga personalidad na nasa ilalim ng liga, ang mga ito ay nabibigyan ng solusyon sa pamamagitan ng magandang usapan.
Hindi malinaw kung may pagkakatong pinag-usap si Snow at si Chualay para magkaunawaan. O kaya an nabigyan ng reporter ng kanyang day in court, sabi nga ni Kano. O nabigyan si Chualay ng pagkakataong maitanong kay Snow kung ano ang ebiddensya niya sa mga ibinibintang niya.
Ito ang kauna-unahang pagkakaton na ang isang media man ay na-ban sa PBA, bagama't may ilang mga tinatawag na "isolated cases" ng di pagkakaunawaan ng ilang opisyal ng liga at reporter. Ito ay hindi nagtagal at nabigyan agad ng solusyon. May isang pagkakataon ngang nilunok ng iang opisyal ang kanyang pride sa pamamagitan ng pagpapahayag ng isang public apology sa pagkakamaling kanyang nagawa sa mamamahayag.
Wala ako sa kapangyarihang maghusga kung sino ang may pagkamali sa pagitan ni Snow at ni Chualay. Hindi ako nagbubukas ng face book o twitter o blog kung saan nalathala ang mga pinagsusulat ni Snow at kung saan nag-umpisa ang kontrobersiya. Ang alam ko sa nangyari ay halaw lamang sa mga kuwento sa akin.
Ang maipapayo ko lamang sa mga kinauukulan ay sana'y mag-usap sila. Si Chualay, si commissioner, si Snow para magpaliwanagan at maayos ang sigalot para hindi humaba at umabot pa kung saan at tuloy magkassakitan ng malubha. Tingin ko ay nagka-pikunan lang. Magkakasama at magkakaibigan ang mga ito. Malapit si Chualay kay KumChito. Katunayan, kay Chualay ipinamana ni KumChito ang pagiging pangulo ng Baketball coaches Association of the Philippines nang tanggapin niya ng pagka-commissioner..
Si Snow, mas malapit nga sa mga opisyal ng PBA kaysa ibang miyembro ng media. Nitong mga huling season, si Snow pa nga ang umaaktong emcee ng mga pre-season press conference na idinadaos at pati na ang finals presser. Ito ay sa kabila na may mga mas matatagal nang broadcaster sa linya ng PBA Press Corp.
Click here to view a list of other articles written by Eddie Alinea.
Recent PhilBoxing.com In-House articles:
Round 12 with Mauricio Sulaimán: A Grand Week for Boxing in NY
By Mauricio Sulaimán, Wed, 04 Feb 2026Boxlab Promotions Euri Cedeno and Carlos De Leon Castro Shine in San Juan Victories
Wed, 04 Feb 2026National Boxing Hall of Fame 2026 is set to April 26 in Montebello, California
By Gabriel F. Cordero, Wed, 04 Feb 2026Vito Mielnicki Jr. Returns Home to Defend WBC USA, IBF USBA and WBO Global Middleweight Championships Against Omar Ulises Huerta
Wed, 04 Feb 2026Noah Lucas Palcis sees action in Bangkok chess meet
By Marlon Bernardino, Wed, 04 Feb 2026Reymond Yanong Edges Out Hayato Ono for Split Decision Win in Japan
By Carlos Costa, Tue, 03 Feb 2026“I’m gonna smoke whoever is in front of me, Anthony Wright- Hearn makes his pro debut March 13 at Thunderdome 53
Tue, 03 Feb 2026Pacman's Cue Club Hosts J&P 10 Ball Cup from Feb. 4 to 7
By Marlon Bernardino, Tue, 03 Feb 2026Mt. Apo Boulder Face Challenge is back
By Lito delos Reyes, Tue, 03 Feb 2026WILDER AND CHISORA FACE OFF IN ICONIC TIMES SQUARE TO ANNOUNCE APRIL 4 HEAVYWEIGHT SHOWDOWN AT THE O2 LONDON
Tue, 03 Feb 2026World Boxing appoints Tom Dielen as new Secretary General
Tue, 03 Feb 2026Sullivan Management signs 19-1 power-punching Albanian heavyweight Kristian Prenga
Tue, 03 Feb 2026Another Grandeza in MMA is coming
By Lito delos Reyes, Tue, 03 Feb 2026Gracie meets Zubiri in PH
By Lito delos Reyes, Mon, 02 Feb 2026International Master Eric Labog Jr. rules FIDE rapid chess tourney
By Marlon Bernardino, Mon, 02 Feb 2026