Pagsaludo kina Buboy, Nonoy at Alex
By Manny Pacquiao
PhilBoxing.com
Fri, 15 Apr 2011
LOS ANGELES ---Magandang araw po ulit sa inyong lahat lalung-lalo na sa mga tagasubaybay ng kolum na ito. Sana ay nasa mabuti kayong kalagayan saan man kayo naroroon sa mundo.
Sa simula ng linggong ito, tumungo si coach Freddie Roach sa England upang pamunuan ang paghahanda ng aking kapwa boksingero at kaibigan na si Amir Khan na lalaban ngayong Sabado. Good luck sa inyong lahat diyan habang maayos naman ang paghahanda ko rin dito sa Los Angeles para sa nalalapit na laban kontra kay "Sugar" Shane Mosley sa May 7.
Nakahanda na halos ang lahat para sa bakabakan na magaganap sa malawak na MGM Grand Garden Arena sa Las Vegas, Nevada. Halos sold out na raw ang laban at may mahigit tatlong linggo pa ang bubunuin para makuha natin ang pinakamagandang kondisyon kontra sa beteranong fighter mula rin dito sa southern California.
Hindi biro ang kalabang si Mosley kaya naman kahit na wala sa bansa si coach Freddie, seryoso pa rin ang mga kaganapan sa training. Kapag wala si coach Freddie, si Buboy Fernandez ang sumasalo sa aking mga suntok upang mapaghandaan namin ang anumang pwedeng gawin ng kalabang si Mosley.
Kahit wala si coach Freddie, si Buboy, kasama rin si Nonoy Neri at ang strength and conditioning coach na si Alex Ariza ang humahalili sa akin. Kaming dalawa ni Buboy ay matagal nang magkasama, simula pa noong kami ay mga bata pa sa General Santos. Minsan, noong bumalik ako sa probinsiya pagkatapos kong mapanalunan ang OPBF flyweight title, isinama ko si Buboy sa Maynila upang siya ang aking makasama sa araw-araw. Tinuruan ko siyang humawak ng mitts at maging isang magaling na trainer.
Ngayon, masasabi kong dalubhasa na rin si Buboy sa kanyang career bilang boxing trainer. Nalalaman niya ang sistema at kilos na siyang magbibigay ng tagumpay sa anumang laban. Dahil wala si coach Freddie, si Buboy ang humahawak ng buong training camp. Kasama naman ni Buboy si Nonoy, isa ring magaling na trainer. Bukod diyan, si Pare Nonoy ang namamahala sa aking pagkain. Siya ang nagluluto ng mga masasarap na mga pagkaing Pinoy kaya siya ang susi ng aking diet.
Sa labang ito, kinakailangan kong kumain ng marami dahil kung hindi, madaling babagsak ang aking timbang at lalo tayong madedehado sa laki ng ating makakalabang si Mosley na isang natural welterweight. Kaya naman kasama ni Pare Nonoy si Alex Ariza na siyang nagbibigay sa akin ng mga tamang supplements upang mapanatili ko ang aking timbang at kasabay nito ang hindi pagkawala ng lakas at bilis.
Babalik sa susunod na linggo si coach Freddie at tamang-tama na lalong itataas namin ang antas ng training at pag-iibayuhin namin ang paghahanda. Excited na ako sa laban kaya naman sana, ipagpatuloy pa rin natin ang pagdarasal para sa isa't-isa upang maging matagumpay tayo sa huli.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025