Pasasalamat Sa Mga Elorde
By Manny Pacquiao
PhilBoxing.com
Sun, 27 Mar 2011
MANILA--Isang magandang araw po muli ang nais kong ipamahagi sa inyong lahat, lalung-lalo na sa mga sumusubaybay ng kolum na ito at sa lahat ng aking mga kababayan saan mang sulok ng mundo. Sana ay nasa mabuti kayong kalagayan gaya ng inyong abang lingkod.
Bahagya naantala ang aming training camp sa Baguio City at bumaba muna kami sa Paranaque at sa Manila upang bigyan pagpapahalaga ang ilan sa mga bagay na malapit sa aking puso. Tutal, weekend naman at mabilis kong nakuha ang kondisyon na dapat ay sa kalagitnaan pa ng training camp.
Iyan po ang mahirap minsan, iyong mag-peak ka sa kondisyon na hindi tama sa oras. Kapag maaga kang nag-peak, hindi ito maganda dahil masusunog ka sa laban. Ang tamang batayan ng paghahanda ay ang pagkuha ng peak performance sa mismong araw ng laban o iyong huling linggo patungo sa laban. Kaya naman, minabuti na rin naming dumalo sa ika-11 pagsasabuhay ng Elorde Awards, ang isa sa pinaka-prestihiyosong boxing awards ceremonies sa bansa.
Nagpapasalamat ako kay Ginang Laura Elorde, ang asawa ng alamat ng Philippine boxing na si Gabriel "Flash" Elorde, sa pagbibigay sa akin ng Quintessential Athlete Award, ang pinakamataas na parangal na naigawad sa isang boxer sa anumang panahon. Siyempre, pagpupuri at pagpupugay ang aking ibinibigay kay "Flash" Elorde dahil kung hindi sa kanya at sa iba pang mga bpxer na naglinis ng landas para sa aming mga kasalukuyang boxers, mahihirapan kaming tahakin ang parehong landas na pinagdaanan nila.
Kung wala si "Flash" Elorde, marahil wala ako ngayon. At minsan, isa sa mga anak ni Elorde--si Marty--ang gumabay sa akin bilang manager noong ako ay nagsisimula pa. Pasasalamat din sa lahat ng mga anak ni "Bai" kasama na diyan sina Bebot, Johnny, Rita, Malou, Theresa at Cucuy.
Hindi pahuhuli diyan ang asawa ni Johnny na si Liza, ang punong-abala sa selebrasyong ito at kung wala si Liza, hindi magiging matagumpay ang awards night na ito na dinaluhan din ng mga kampeon ng boksing nang nagdaang panahon. Kasama rin ang mga kasalukuyang kampeon at ang beteranong referee ng boksing na si Carlos Padilla. Naroroon din si Z Gorres, isang magiting na boksingero na nagbibigay ng inspirasyon sa marami.
Marami pang mga bagay ang dapat gawin ng bawat isa sa atin, maging ang mga sumisibol na mga boxer sa bansa. Gaya ko, marami pa ring mga bagay ang dapat kong gawin, kahit na nakamit ko na halos ang lahat ng mga parangal na kayang makamit ng isang boxer kahit man lang sa panaginip.
At dahil sa nakamit natin ang isa sa mga pinakamataas na awards sa bansa at sa mundo, hindi magtatapos diyan ang laban. Mayroon pa rin akong mahirap na sultada sa May 7 sa MGM Grand Garden Arena sa Las Vegas, Nevada at iyan ay kontra sa beteranong si "Sugar" Shane Mosley.
Sana po ay hindi kayo magsawa sa inyong mga panalangin at suporta dahil lahat ng ito ay para sa ating lahat, at para sa kinabukasan ng bansa.
Hanggang sa Muling Kumbinasyon. God Bless Us All.
* * *
Top photo: Pacquiao (C) poses with Laura Elorde (R), and Johnny Elorde (L) widow and son of the late Gabriel 'Flash' Elorde during this year's Elorde Awards at the Sofitel Hotel in Manila Friday.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025