Bakasyon sa Bagong Taon
By Manny Pacquiao
PhilBoxing.com
Thu, 06 Jan 2011
SYDNEY -- Magandang araw po sa inyong lahat at isang masaganang bagong taon ang aking ipinapahatid sa bawat tahanan ng mga tagasubaybay ng kolum na ito, mula sa Sydney, Australia kung saan ako naroroon ngayon, kasama ang aking pamilya.
Mula noong Pasko hanggang sa ika-siyam ng buwan na ito, ipinasya kong ibigay sa aking pamilya ang lahat ng aking oras upang maranasan naman namin ang pribadong panahon para sa isa't-isa kasama ang aking asawang si Jinkee at ang aming apat na anak na mabilis na nagsisilakihan na.
Matapos kong mag-celebrate ng ika-32 taon noong nakaraang buwan, namasyal kami sa bansang Japan at tuwang-tuwa ang aking mga anak sa Disneyland, na kakaiba rin sa California at Florida na aming nabisita noong mga nagdaang taon. Pagkatapos ng ilan pang mga araw, tumuloy kami sa Australia upang ipagpatuloy ang family vacation namin, isa sa mga pinakaaasam-asam naming lahat.
Dahil na rin sa palaging abala ako sa aking mga trabaho bilang isang public figure -- ang pagiging isang boksingero at Congressman sa distrito ng Sarangani province, kailangan ko ang mga panahong ganito at siyempre, ang pinakamahalaga ay ang panahon na ginugugol ko sa aking mga anak na kadalasan ay naiiwan sa bahay kung ako ay nag-eensayo para sa laban o di kaya ay nasa Kamara o sa lalawigang aking nasasaklaw.
Nakikita ko ang saya sa mga mata ng aking mga anak, ang kanilang kasabikan na makasama ako na kami-kami lang ang namamasyal sa mga tanyag na lugar na pinupuntahan ng mga turista. Kahit ako rin ay nagagalak na makita ang mga bagong tanawin na aking hindi nalasap noong ako ay bata. Masaya ako na ipinalalasap ko sa aking mga anak ang bunga ng aking paghihirap sa ibabaw ng ring.
Masaya ako na sa murang edad ay natututunan ng aking mga anak ang maraming mga bagay na makukuha sa pangingibang-bayan, ang pamamasyal sa mga iba-ibang bansa at ang pakikipagharap sa mga ibang lahi ng tao. Dahil sa naibibigay ko rin ang magandang edukasyon, mas nakakaintindi ngayon ang aking mga anak sa wika ng mundo, mga bagay na aking natutunan nang ako ay medyo nagkakaedad na.
Nagpapasalamat ako sa Panginoon at ibinigay niya sa akin ang lakas at panahon upang maranasan ko ang mga panahong gaya nito at ang pagbibigay niya sa akin ng mga biyaya nang nagdaang taon lalo na noong isang taon kung saan nanalo ulit tayo sa mga laban kontra kina Joshua Clottey at Antonio Margarito.
Malayo na ang aking narating. Kahit sa Japan at Australia, nakikilala na rin ako ng maraming mga tao at gaya ng sa America, hindi maiiiwasan ang mga taong nagpapapirma ng autograph at nagpapa-pose para sa litrato. Salamat po sa inyong lahat sa walang-tigil na suporta.
Hanggang sa Muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Ancajas awaits call to join card
By Joaquin Henson, Tue, 24 Jun 2025Macado fights Dulayba in Venue 88
By Lito delos Reyes, Tue, 24 Jun 2025“Showtime” Shea Willcox & Rich Allen turned in KO Performances
Tue, 24 Jun 2025Undefeated prospect Marco Romero To be showcased on Deontay Wilder PPV card this Friday night in Wichita
Tue, 24 Jun 2025Toro Promotions. Inc. to promote its First International pro boxing show in El Salvador on September 20th
Tue, 24 Jun 2025Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025