Walang katapusang pasasalamat
By Manny Pacquiao
PhilBoxing.com
Thu, 25 Nov 2010
MANILA?Isang magandang araw po ulit sa inyong lahat lalung-lalo na sa mga tumangkilik ng aking huling laban kontra sa Mehikanong si Antonio Margarito may sampung araw na ang nakakalipas. Sana ay nasiyahan kayo sa resulta ng bakbakan at nakapagbigay ulit ako ng dahilan upang lalo nating mahalin ang ating bayan.
Isang walang katapusang pasasalamat ang nais kong ipahatid sa inyong lahat, dahil sa gitna ng matinding pagsubok at panganib, naniwala kayo na kaya nating talunin ang dambuhalang kalaban na mas malaki, mas malakas at mas matangkad sa atin. Sa tulong ng Panginoong Diyos, hindi tayo lubhang nasugatan o napinsala at nakaligtas tayo sa kapahamakan.
Sa buong buhay ko, ang aking pananalig sa Diyos ang siyang totoong sikreto ng aking pag-angat mula sa paghihikahos. Ang pagiging maralita ay hindi naging hadlang upang ako ay sumuko o gumawa ng masama upang makatawid lamang sa kahirapan. Dahil sa turo na rin ng aking mahal na ina, lalo kong napagtanto ang mga sikreto ng buhay, kasama na diyan ang pagiging isang mandirigma at kawal ng Panginoon.
Marahil ay alam na ninyong lahat na nakamit ulit natin ang isa sa mga pinakabihirang record sa larangan ng boksing at iyan ay ang pagkopo natin sa ikawalong world championship title sa ikawalong magkakaibang weight divisions. Opo, nabura ulit natin ang record na aking naitala noong isang taon nang makuha ko ang pambihirang ikapitong world championship title sa ikapitong weight division. Sa inspirasyon na binibigay ninyo sa akin sa bawat laban, bago man, sa kasalukuyan o matapos ang laban, napapagaan ninyo ang mabigat na bagay na nakatuon sa aking mga balikat.
Sa pamamagitan ng inyong mga pinagdugtong-dugtong na mga panalangin, lumakas at narinig sa itaas ang ating mga hinaing. Kaya naman sana, huwag tayong makakalimot din upang pasalamatan ang Dakilang Lumikha dahil kung wala siya, hindi natin makakamit ang tagumpay na ating natatamasa sa kasalukuyan.
Hindi pa po ako titigil sa pakikipaglaban. Sa itaas man o sa labas ng ring, tuloy ang pag-ikot ng mundo nating lahat. Matapos akong makapag-ikot at makapagpasalamat sa lahat ng tumulong sa akin, hindi pa rin ako titigil sa pagtulong sa aking mga kababayan lalung-lalo na sa aking mga kinatawan sa distrito ng Saranggani kung saan ako Congressman. Dahil sa aking pangako, tutuparin ko ang pagbibigay ng karagdagang puhunan para makaahon sa kahirapan at kamangmangan ang marami sa aking mga kababayan.
Siguro, kaya ako pinagpala ng Panginoon ay dahil mayroon siyang mas malalim na pakay. Kaya naman hanggang sa maaabot ng aking kakayahan at makakaya, sinusubukan kong gampanan ang mga bagay na dapat kong gawin at kahit papaano ay naibabahagi ko sa iba ang ilan sa aking pinaghirapan. Kaya naman, wala pa ring patid ang pagpapasalamat ko sa inyong lahat dahil kayo rin ang dahilan kung bakit ako lumalaban at nananalo.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
* * *
Photo: Philippine President Benigno Aquino III receives a miniature belt and souvenir shirt from Filipino boxing champion Manny Pacquiao and his wife Jinky during a courtesy call at the Malacanang premier guest house lobby in Manila November 20, 2010. Pacquiao, now a Philippine congressman, eventually cemented his place in the pantheon of boxing greats by recording an unanimous points victory over Mexican Antonio Margarito on Saturday to claim the vacant WBC super welterweight title. REUTERS/Robert Vinas/ Malacanang Photo Bureau.
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025