Walang Tiyaga, Walang Nilaga
By Manny Pacquiao
PhilBoxing.com
Thu, 21 Oct 2010
BAGUIO CITY ? Kahit na maulan pa rin at katatapos lang na dumaan ang isang malakas na bagyo dito sa Baguio City, ibig ko sanang ipaabot sa inyo ang isang magandang araw saan man kayo naroroon. Sana ay nasa mabuti kayong kalagayan gaya ng inyong abang lingkod.
Kahit na nagsusungit ang panahon, kailangan pa ring ipagpatuloy ang paghahanda sa tinatayang isa sa pinakamahirap kong laban mula nang ako ay magsimulang lumaban sa ibabaw ng ring. Hindi maaaring ipagsawalang-bahala ang makakalaban kong si Antonio Margarito ng Mexico dahil alam kong isa siya sa pinaka-focused na makakaharap ko.
Bukod sa siya ang pinakamatangkad sa lahat ng aking nakaharap mula pa noong umpisa, ang timbang para sa nakatayang WBC super-welterweight belt ang pinakamabigat na dibisyon na aking lalabanan, mas mabigat kaysa sa 147-pound limit na aking sinuong nang makalaban ko si Oscar Dela Hoya, Miguel Cotto at Joshua Clottey.
Ako na rin marahil ang pinakamaliit na boksingerong lumalaban o lalaban sa catchweight na 150 pounds sa taas kong 5?6 1/2?. Bukod sa hindi na ako naghihinay-hinay sa pagkain ng kung anumang masustansiyang pagkain na aking nanaisin, hindi na ako dumadaan sa proseso ng pagpipiga sa sarili upang makuha ang timbang. Kabaliktaran pa nga. Kinakailangan kong mapanatiling mataas ang aking timbang upang hindi naman lubos na madehado sa salpukan.
Si Pernell Whitaker siguro, na lumaban sa welterweight division, ang isa sa pinakamaliit na naging kampeon sa welterweight pero hindi sa mas mataas na super-welterweight division. Kaya naman, puspusan po ang aking paghahanda sa sarili sa anumang paghamon at pagsubok na mararanasan sa aming laban ni Margarito.
Sa taas na 5?11? at may habang 73? reach, kailangang sanayin ko ang sarili sa pakikipaglaban kontra sa mga mas matatangkad na sparring partners at hindi ito madali. Upang makamit natin ang karangalan ng paghahangad at pagkopo sa ikawalong world championship sa ikawalong magkakaibang weight divisions, kailangang maging gutom ako sa pagkamit ng titulo dahil alam kong malaki rin ang motibasyon ni Margarito para ako ay talunin.
Dahil nahuli siya at pinarusahan at pinaratangan ng marami bilang isang mandaraya sa paggamit ng ?semento? sa kamay, alam kong matindi ang motibasyon ni Margarito upang mabura sa isipan ng marami ang masamang reputasyon na nakaugnay sa kanyang sarili nang labanan niya si Sugar Shane Mosley.
At dahil ako ang tinaguriang pound-for-pound best na boksingero, alam kong lahat ng makakalaban ko ay gusto akong talunin. Hindi ko po hahayaan at bibigyan ng pagkakataon ang mga kalaban upang makuha ang titulong iyan mula sa atin. Kaya naman kahit na malamig, basa at mahirap ang training, kailangang magsakripisyo ng mas matindi upang makakapagbigay tayo ng magandang laban.
Hindi pa kami dumarating sa pinakamahirap na yugto ng training. Sana, ipagpatuloy po ninyo ang panalangin at suporta.
Hanggang sa Muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Kevin Brown and Yoenis Tellez Shine at Boxlab Promotions’ “Night of Champions XIII” During the 104th Annual WBA Convention
Tue, 16 Dec 2025TRAINING CAMP NOTES: Justin Cardona Shares Insights Ahead of December 19 Showdown Against Avious Griffin
Tue, 16 Dec 2025JAS MATHUR JOINS MANNY PACQUIAO PROMOTIONS AS CEO TO LEAD STRATEGIC VISION, CREATIVITY AND GLOBAL GROWTH INITIATIVES
Tue, 16 Dec 2025Split-T Management Signs Amateur Standout Adrian Salazar
Tue, 16 Dec 2025INTERNATIONAL BOXING HALL OF FAME REMEMBERS CANASTOTA’S MANAGER / TRAINER / PROMOTER TONY GRAZIANO
Mon, 15 Dec 2025Catubig, Prado win Suy Foods Santa Run
By Lito delos Reyes, Mon, 15 Dec 2025Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025