Ilog ng Ating Buhay
By Manny Pacquiao
PhilBoxing.com
Sun, 10 Oct 2010
BAGUIO CITY ? Isang magandang araw po ulit ang aking ipinararating sa inyong lahat saan man kayo naroroon sa mundo, mula Luzon, Visayas at Mindanao, mula sa Filipinas hanggang sa America at saan mang sulok ng mundo. Sana ay nasa mabuti kayong kalagayan gaya ng inyong abang lingkod.
Katatapos ko lang mag-spar ng apat na rounds kontra sa boksingrerong si Glen Tapia at medyo maganda na po ang kundisyon natin patungo sa laban kontra kay Antonio Margarito sa dambuhalang Cowboys Stadium sa Arlington, Texas. Sana ay itala na ninyo ang petsa ng laban sa inyong mga kalendaryo: Nobyembre 14 ng tanghali dito sa Filipinas, November 13 ng gabi sa America.
Nasisiyahan naman po ang ating team sa nakikita nilang pagbabago at improvement ng timing at sa pagtaas ng antas ng kahandaan natin para sa laban. Alam kong mahirap ang labang ito kaya naman puspusan ang aking paghahanda upang sagutin ang alinmang pagsubok na maaaring ibato sa atin ni Margarito.
Gayunpaman, hindi pa rin tayo titigil. Malayo pa ang ating lalakbayin at marami pa tayong pawis at dugong ibubuwis upang makamit natin ang tagumpay. At kahit na nakatutok ang lahat sa training camp, hindi pa rin natin maiipaisang-tabi ang aking responsibilidad bilang isang nahalal na Kongresista na kumakatawan sa lalawigan ng Sarangani at bukod diyan, isa sa mga sumusuporta sa pangangalaga ng kalikasan.
Habang isinusulat ko ang kolum na ito ngayon ay katatapos lang ng sparring, at kaagad gumayak patungong Manila upang makapiling ko ulit ang aking pamilya at maghanda para sa malaking proyekto para sa makasaysayang Ilog Pasig sa Linggo, October 10, 2010 o kung isusulat ay 10-10-10. Sa araw na ito na maaaring maging isa sa mga petsang madali nating maaalala sa ating buhay, inaasahang dadagsa ang mahigit na 120,000 katao upang buhayin muli ang Ilog Pasig.
Ang ?Run for Pasig River? project ay maaaring makapagtala ng isang record sa pinakamaraming kataong kasali at bukod dito, ang pondong makakalap ay gagamitin para sa pagsagip at pagbabalik-sigla sa ilog na ito na pinagkukunan at pinanggagalingan ng kabuhayan ng marami sa atin. Mula Manila sa tabi ng Malacanang, hanggang sa Makati, Mandaluyong, Quezon City, Pasig hanggang Marikina, ang Ilog Pasig ay isa sa mga pangunahing bahagi ng ating mga buhay mula pa nang tayo at ang ating mga ninuno ay bata pa.
Ito ang ilog ng ating mga buhay, at dito tayo magkakabuklod-buklod. Ang kamatayan ng ilog ng ating buhay sanhi ng paglalason ng mga industriya at ang simpleng pagtatapon ng basura ay para na ring pagwasak natin sa mga henerasyon ng mga bayani na nag-alay ng kani-kanilang buhay upang tayo ay maging malaya at upang makamit natin ang tinatamasa nating kasaganahan. Ang pagpatay at pagbara ng mga lagusan sa ilog na ito ay paglalapit sa ating kapahamakan dahil sa mga baha. Sa Linggo, dadalo ako upang makiisa sa inyo.
Gaya ninyo, ako po ay isa lang ang aking bilang pero kung magbibigkis tayo, malaki ang ating magagawa. Gaya rin sa mga nagdaan kong mga laban, hindi ko maaabot ang tagumpay kung wala kayong sumusuporta sa akin. Bawat dasal ng isa ay naririnig sa langit. Gaya ng proyektong pagsagip sa Ilog Pasig, sana ay magsama-sama ang lahat.
Hanggang sa muling Kumbinasyon. God Bless us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Kevin Brown and Yoenis Tellez Shine at Boxlab Promotions’ “Night of Champions XIII” During the 104th Annual WBA Convention
Tue, 16 Dec 2025TRAINING CAMP NOTES: Justin Cardona Shares Insights Ahead of December 19 Showdown Against Avious Griffin
Tue, 16 Dec 2025JAS MATHUR JOINS MANNY PACQUIAO PROMOTIONS AS CEO TO LEAD STRATEGIC VISION, CREATIVITY AND GLOBAL GROWTH INITIATIVES
Tue, 16 Dec 2025Split-T Management Signs Amateur Standout Adrian Salazar
Tue, 16 Dec 2025INTERNATIONAL BOXING HALL OF FAME REMEMBERS CANASTOTA’S MANAGER / TRAINER / PROMOTER TONY GRAZIANO
Mon, 15 Dec 2025Catubig, Prado win Suy Foods Santa Run
By Lito delos Reyes, Mon, 15 Dec 2025Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025