Mahirap Kumain
By Manny Pacquiao
PhilBoxing.com
Thu, 23 Sep 2010
MANILA --- Mula Batanes hanggang sa Jolo, isang magandang araw ang aking ipinagdarasal para sa inyong lahat. Binabati kong lahat ang aking mga fans, lalung-lalo na sa mga tumatangkilik ng kolum na ito, kasama na rin ang mga masusugid na kasapi ng Pacland at ng PhilBoxing. I hope everything is fine with all of you.
Marahil ay nagtataka kayo sa pamagat ng aking kolum ngayong araw. Pero wala pong pagkakamali sa pamagat na iyan dahil totoo po ito: Mahirap para sa akin ang kumain at panatilihing malaki ng aking katawan.
Para sa mga ibang boxer, kabaliktaran ang ginagawa nila sa ginagawa ko. Karamihan sa mga atleta lalung-lalo na iyong mga nasa martial arts, ay pilit na nagbabawas ng timbang para mas malaki ang bentahe nila sa laban. Mas malaman, mas magaang ang timbang, kadalasan ay mas maganda ang resulta. Sa halip na nagbabawas ako ng timbang ngayon, ako po ay gumagawa ng paraan upang hindi bumaba ang aking timbang.
Natatawa ang mga miyembro ng aking team kapag nakikita nila akong kumakain sa umaga at gabi. Kasama na rin ang mga meryenda. Ngayong panahon ng paghahanda para sa laban, inumpisahan ko na namang kumain ng labis, halos isang bandehadong kanin at ulam ang aking pilit na inuubos sa bawat pagharap sa hapag-kainan.
Opo, isang malaking pinggan ng kanin at sabaw ng tinola, nilaga o isda ay sapat na sa akin sa umaga upang mapanatili ko ang aking timbang sa kalagitnaan ng 150 pounds. Dahil na rin sa puspusan ako kung mag-ensayo, nasusunog kong mabilis ang anumang labis na kinakain ko sa umaga at gabi. Kung hindi ko pipilitin ang aking sarili sa pagkain ng marami, mabilis akong babalik sa 140 pounds o mas magaan pa rito, dahil siguro, ako ay isang natural na lightweight pa rin. Alam kong kaya ko pa ring lumaban sa lightweight division.
Pero para sa aking laban sa Nov. 13 kontra sa light middleweight na si Antonio Margarito, kailangan kong panatilihin ang aking timbang upang hindi lalaki ang kalamangan ng tangkad at laki ng aking kalaban mula sa Mexico.
Minsan at dati pa, noong una akong lumaban sa welterweight division, talagang nagtatalo kami ng aking strength and conditioning coach na si Alex Ariza dahil pinapainom pa niya ako ng maraming supplements at kasama na rin ang mga protein shake na tumutulong sa pagpapanatili ng aking muscle mass. Kasama na rin diyan ang pagtitimpla ng mga juice ng prutas na dinaragdag nina Buboy Fernandez at Nonoy Neri sa aking diet.
Opo, iba ang aking diet at hindi ito pangkaraniwan. Dahil na rin sa medyo maliit ako sa sukat ng isang welterweight, kinakailangan kong mapanatili ang aking bilis. Ito ang isa sa pinakamahirap kong Gawain dahil siguradong malalaki ang aking mga makakatapat sa dibisyong ito. Dahil sa aakyat pa ulit ako sa light middleweight division, lalo kong kinakailangang hindi maging mukhang maliit sa laban.
Lahat ng sakripisyong ito ay aking ginagawa para sa inyong lahat. Sana po ay samahan ninyo ako sa panalangin upang sa huli ay maging matagumpay tayo muli.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
IBA embraces Bare Knuckle Boxing
Tue, 06 May 2025Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025