Matuwid na Pamumuhay
By Manny Pacquiao
PhilBoxing.com
Thu, 16 Sep 2010
MANILA ? Magandang araw po ulit sa lahat ng aking mga tagasubaybay, fans at mga kaibigan mula Jolo hanggang Batanes. Sana ay nasa mabuti kayong kalagayan saan man kayo naroroon saan mang sulok ng mundo.
Ako po ay nagsimula nang maghanda para sa nalalapit na laban sa Nobyembre 13 kontra sa Mexicanong si Antonio Margarito para sa bakanteng World Boxing Council light middleweight title. Halos walong linggo ang gugugulin sa ensayo at sobra-sobra pa rin ang panahon para sa paghahanda. Maganda na ring umpisahan ang pagbabalik ng hangin sa ating mga baga para pagdating dito ni coach Freddie Roach ay mas maayos ang simula ng pormal na training.
Excited na ulit akong lumaban sa magara at malawak na Cowboys Stadium sa Arlington, Texas kaya naman araw-araw na ang aking pagjo-jogging sa umaga upang magkaroon pa ako ng oras na kumain ng marami at magpahinga para sa sessions sa Congress sa hapon. So far, so good naman ang scheduling at nagagampanan ko ang aking tungkulin sa aking mga nasasaklawang kinatawan sa Sarangani province. Masaya ako dahil nagagawa ko ang dalawa sa passion ko sa buhay: ang boxing at ang manilbihan sa aking kapwa.
Of course, boxing is my passion. This is my life. This is my first love. Iba ang aking nararamdaman kapag ako ay nasa ibabaw ng ring. Kung ako ay nanonood ng boxing lalung-lalo na noong lumalaban pa ang aking kapatid na si Bobby, ako ay ninenerbiyos at kinakabahan. Pero kapag ako ay nasa ibabaw na ng ring, kakaiba ang pakiramdam. Ang takot ay napapalitan ng excitement at saya dahil ito talaga ang pangunahing pinagmulan ng kung anumang tagumpay at yaman meron ako ngayon. Boxing changes me. Being a congressman and being able to help and inspire other people around me completes me.
Sa pamamagitan ng boksing, ipinapaalala sa akin na kailangan kong kumain ng masusustansiyang pagkain. Kailangan ay balanced diet at dahil kailangan kong magpabigat para sa light middleweight division, kailangan puno palagi ang aking plato. Kung hindi ako kakain, babagsak ang aking timbang at lalaki ang kalamangan ni Margarito sa laki, taas at timbang. Sa boksing, ang pangangalaga sa aking katawan ang pundasyon ng tagumpay.
Kaya naman nang nalaman kong nagpabaya na at nagpakalulong sa bawal na droga ang aking nakalabang si Ricky Hatton ng England, lubos ang aking kalungkutan sa sinapit ng aking kaibigan. Opo, kaibigan ang turing ko kay Ginoong Hatton dahil sa labas ng ring, alam kong mabait at masayahing tao si Ricky.
Walang maidudulot na maganda ang droga kaya naman ipinagbabawal ang paggamit nito sa kahit na anumang sports discipline. Bukod sa masisira ang pangangatawan, ang pag-iisip ay lubhang maaapektuhan. Hindi ka makakapag-isip ng matuwid at mawawala ang iyong kontrol sa sarili.
Kaya payo ko rin sa lahat lalung-lalo na sa mga kabataan, mahalin natin ang ating sarili dahil dito magmumula ang simula sa pamumuhay na maayos.
Sana maayos ni Ricky Hatton ang kaniyang buhay. Don?t tell God that you have a big problem, but tell your problem that you have a great God. Kung ilalagay natin ang Diyos sa gitna ng ating buhay, walang bagay na imposible, walang bagay na mahirap. Gaya ng pag-eensayo at paghahanda ko, kapag nasa gitna ang Diyos, palaging masaya at naitatawid ko ang hirap, kahit na higante pa ang kaharap.
Hanggang sa muling Kumbinasyon. God Bless Us All.
* * *
Top photo: File photo shows Pacquiao (R) and Hatton in England in March, 2009 during the promotion of their May 2009 fight.
Click here to view a list of other articles written by Manny Pacquiao.
Recent PhilBoxing.com In-House articles:
Kevin Brown and Yoenis Tellez Shine at Boxlab Promotions’ “Night of Champions XIII” During the 104th Annual WBA Convention
Tue, 16 Dec 2025TRAINING CAMP NOTES: Justin Cardona Shares Insights Ahead of December 19 Showdown Against Avious Griffin
Tue, 16 Dec 2025JAS MATHUR JOINS MANNY PACQUIAO PROMOTIONS AS CEO TO LEAD STRATEGIC VISION, CREATIVITY AND GLOBAL GROWTH INITIATIVES
Tue, 16 Dec 2025Split-T Management Signs Amateur Standout Adrian Salazar
Tue, 16 Dec 2025INTERNATIONAL BOXING HALL OF FAME REMEMBERS CANASTOTA’S MANAGER / TRAINER / PROMOTER TONY GRAZIANO
Mon, 15 Dec 2025Catubig, Prado win Suy Foods Santa Run
By Lito delos Reyes, Mon, 15 Dec 2025Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025