Umpisahan Na Ang Paghahanda
By Manny Pacquiao
PhilBoxing.com
Thu, 09 Sep 2010
MANILA ? Isang magandang araw ang aking ipinahahatid sa inyong lahat, mga ginigiliw kong fans, kababayan at tagasubaybay ng kolum na ito. Saan man kayo naroroon ngayon saan mang sulok ng mundo, nawa ay maayos, masigla at malusog kayo gaya ng inyong abang lingkod.
Halos siyam na linggo na lang ang hihintayin at bubunuin natin bago tayo ulit sasabak sa matinding bakbakan sa Dallas, Texas kontra sa Mexicanong mandirigma na si Antonio Margarito. Gaganapin ang laban sa Nobyembre 13 sa malawak at modernong Dallas Cowboys Stadium sa karatig pook ng Arlington.
Tuloy pa rin po ang pagsisilbi natin sa bayan bilang kinatawan ng Sarangani province sa Kongreso at sa aking pagbabalik sa opisina ay hindi pa rin nababawasan ang dami ng taong dumadagsa upang humingi ng tulong o di kaya ay magbigay ng mga proposal. Ilan naman ay nagpupunta upang ako ay batiin at makamayan.
Sa ngayon ay binibigyan-pansin namin ang ilang lokasyon kung saan maaaring mag-ensayo na hindi naaapektuhan ang aking tungkulin, dahil na rin sa kahalagahan ng pagbibigay ng mga pangunahing pangangailangan ng aking mga kababayan. Nanumpa ako na gagampanan ko sa abot ng aking makakaya ang pagiging Congressman ng Sarangani at tutuparin ko ito, gaya rin ng pagtupad ko sa responsibilidad ko sa aking bayan bilang isang boxer.
Opo, pareho kong kailangang pag-igihin ang dalawa sa nakatakdang tungkulin ko at hindi ko maaaring iwanan ang isa. Sa tingin ko naman ay kaya kong gampanan ito at wala naman akong problema sa ngayon. Time management lang naman ang kailangan dito. Tatakbo ako sa umaga, papasok sa Kongreso sa tanghali at sa pagtapos ng session sa hapon ay mag-eensayo na kasama ang aking team sa pangunguna ni coach Freddie Roach at ang iba kong tinyente na sila Boboy Fernandez, Alex Ariza, Nonoy Neri at iba pa.
Siyempre, darating din ang iba pang kasama sa training kagaya ng aking mga sparring partners na halos kasing-tangkad at kasing-laki ni Margarito. Sa makalawa ay darating na rin ang aking mahal na si ?Pacman,? ang aso ko na nasa US, upang samahan at sabayan akong tumakbo sa umaga.
Hindi ko na rin papansinin ang ilan sa mga distraction at mga sagabal sa paghahanda gaya ng walang-kabuluhang isyu ng isang boxer na inggit sa aking mga nagampanan at naabot, kahit na nanggaling lang tayo sa isang maliit na bayan sa pinakasulok na bahagi ng Pilipinas. Naisip kong mas mabuting hindi na lang pansinin si Mayweather at pag-aksayahan ng oras ang kanyang kawalang-hiyaan.
Coming from a Third World country, we will stand with dignity and honor. We will not respond to racial slurs with equally violent and disrespectful statements. Instead, we pray for forgiveness and repentance.
Para sa mga mahilig sa boksing, marami ang hindi makakaintindi sa kahalagahan ng ispiritwal na paghahanda. Marami sa atin ang naniniwalang kailangan ay may galit ka sa katawan mo para ikaw ay maging isang magaling na boxer. Ang totoo po niyan ay kasalungat nito.
Kailangan mong maging mahinahon. Kailangan mong magdasal. Kailangan mong pairalin ang pag-ibig sa iyong puso upang maging mas magaling ka sa anumang bagay na iyong nanaisin.
Marami pang sikreto na kailangan ninyong malaman. Hanggang sa muling Kumbinasyon.God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025Bantam and Intermediate Champions Crowned on Day Five of USA Boxing Junior Olympics and Summer Festival
Sun, 22 Jun 2025Filipinos De Barbo, Ognayon, Cha and Torres in Action in Brico Santig’s Show in Thailand
By Carlos Costa, Sat, 21 Jun 2025‘LA FRIDAY NIGHT FIGHTS 2’: DAVID STEVENS DEFEATS PETR KHAMUKOV BY 10-ROUND UNANIMOUS DECISION
Sat, 21 Jun 2025Era and Nantapech Ready to Clash for WBF Asia in Thailand; Filipinos in the Undercard
By Carlos Costa, Sat, 21 Jun 2025Team USA Youth High Performance Steamrolls into Junior Olympics and Summer Festival Semis
Sat, 21 Jun 2025