10 araw na lang
By Manny Pacquiao
PhilBoxing.com
Fri, 05 Mar 2010
LOS ANGELES -- Isang pagbati ng magandang araw mula rito sa Los Angeles sa aking mga kaibigan at minamahal na taga-subaybay ng aking kolum saanman kayo naroroon sa panig ng mundo. Sana ay nasa mabuti kayong kalagayan gaya ng inyong lingkod.
Excited na ba kayo sa aking nalalapit na laban? Ako man ay ganoon rin.
Eksaktong sampung araw na lamang at dadagundong na naman ang ibabaw ng ring at sa pagkakataon ito’y sa isang lugar na kakaiba sa ating lahat.
Dadalhin namin ni Ginoong Joshua Clottey ang laban sa Dallas Cowboys Stadium sa Arlington, Texas sa Marso 13 (Marso 14 dyan sa ating bayan sa Pilipinas).
Alam kong marami na ang nag-aabang sa aming laban at inaasahan kong dadayo ang mga fans sa Texas upang saksihan ang isa na naming importanteng laban.
Sa loob ng natitirang labing isang araw, masasabi kong nasa tamang kundisyon na ang inyong lingkod. Kumbaga sa ginagawang building, finishing touches na lang ang kulang at ready to rumble na ako.
Wala na rin po kayong dapat alalahanin sa aking kaliwang binti, dahil hindi ko na po nararamdaman ‘yong pananakit nito.
Kahapon ay muli po akong umispar sa isang 19-anyos Irish na si Jamie Kavanagh. Maganda po ang naging resulta ng aming isparing, dahil pumapalit po ng suntok ang aking kaispar sa loob ng sampung rounds.
Ipagpapatuloy po namin, sampu ng bumubuo ng aking training camp, ang puspusan pang paghahanda, dahil batid po namin na hindi dapat balewalain ang isang Joshua Clottey.
Batid kong puspusan din ang paghahandang kanyang isinasagawa bilang paghahanda sa akin at alam kong gutom siya at gagawin ang lahat para ako’y kanyang talunin.
Kaya naman po, ginagawa rin namin ang lahat para ako’y maikundisyong mabuti upang sa Marso 13 ay aking iuuwi ang isa na namang tagumpay sa pagbabalik sa Pilipinas.
Tulad ng dati, tatapusin namin ang sparring session ngayong linggo, upang sa araw ng Lunes, matapos ang huling ensayo ay bibiyahe na ang buong Pacquiao Team sa Dallas.
Nakabalik na rin po ditto ang aking maybahay na si Jinkee, gayundin ang iba pang mga kaibigan na sasaksi at susuporta sa aking laban.
Muli ko pong hihingin ang suporta nyo sa labang ito. Hindi lamang po ito aking laban, kundi nating lahat na mga Pilipino.
***
Nais ko pong maiba ng konti. Natutuwa po ako sa naging pasya ng Comelec hinggil sa aking isa pang laban --- ang laban sa lona ng pulitika.
Ito po ay may kinalaman sa isinampa ng aking kalaban na ako raw po ay hindi kuwalipikadong tumakbo.
Alam ko naman sa simula pa lamang na lehitimo ang aking pagtakbo dahil naipagkaloob ko po ang mga requirements na kailangan upang siguraduhing walang makapipigil sa aking pagnanais na tumakbo at mapagsilbihan ang aking mga kababayan sa Mindanao.
Hindi rin dapat tinitingnan ang kung anuman ang tinapos ng isang tao para hadlangan ang hangaring makapaglingkod sa bayan.
Kaya ako ay labis na nasisiyahan sa desisyon ng Comelec.
Pero sa ngayon po, ito munang laban kay Clottey ang aking pagtutuunan ng pansin. Pagkatapos ng aming laban ay saka ko na po haharapin ang hamon naman ng pulitika.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Ancajas awaits call to join card
By Joaquin Henson, Tue, 24 Jun 2025Macado fights Dulayba in Venue 88
By Lito delos Reyes, Tue, 24 Jun 2025“Showtime” Shea Willcox & Rich Allen turned in KO Performances
Tue, 24 Jun 2025Undefeated prospect Marco Romero To be showcased on Deontay Wilder PPV card this Friday night in Wichita
Tue, 24 Jun 2025Toro Promotions. Inc. to promote its First International pro boxing show in El Salvador on September 20th
Tue, 24 Jun 2025Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025