Mapanganib si Clottey
By Manny Pacquiao
PhilBoxing.com
Thu, 04 Feb 2010
LOS ANGELES --- Magandang araw po sa inyong lahat, kayong mga ginigiliw kong mga fans, kaibigan at tagasubaybay ng kolum na ito. Sana ay nasa mabuti kayong kalagayan gaya ng inyong abang lingkod na ngayon ay nasa kalagitnaan ng pagsasanay para sa isang importanteng laban.
Makakaharap ko ang dating kampeon na si Joshua Clottey, ang matibay na Afrikanong hindi pa napababagsak ng kahit na sino. Magkakaharap kami ni Clottey sa malawak at malaking Dallas Cowboys Stadium sa Arlington, Texas sa March 13. Excited na po akong lumaban ulit.
Marami ang nagsasabing magiging madali lang para sa akin ang laban na ito pero para sa akin, lubhang mapanganib ang sagupaang ito dahil na rin sa taglay na lakas, laki at bilis ni Clottey.
Hindi hamak na mas matangkad at mabigat si Clottey, na siyang lumaban kontra kay Miguel Cotto at kamuntik pang manalo sa paghaharap nila kung hindi lang siya nagpabaya sa huling dalawang rounds. Dahil sa mas maliit tayo sa laban, mas magiging mahirap na manalo kontra sana sa mga kalabang kasinlaki natin, gaya ng mga laban sa 135 pounds.
Dahil ako ang 147-pound champion ng World Boxing Organization dala ng pagpapanalo natin kontra kay Cotto noon isang taon, idinedepensa ko ang korona sa kauna-unahang pagkakataon. Alam ko po na gaya ng kasabihan, ang hari na may suot na korona ay may suot na pabigat sa kanyang ulo. Natural lamang na lahat ng gustong sumilo sa korona ay magpupumilit na makuha ang inaasam sa anumang pamamaraan na abot ng kanilang kakayahan.
Alam kong walang dapat na ipangamba si Clottey sa laban na ito na tinaguriang “The Event.” Dahil ako ang No. 1 pound-for-pound champion ng mundo at ang tinaguriang “Fighter of the Year” at “Fighter of the Decade” ng Boxing Writers Association of America, alam kong lahat ng bagay at pagkakataon ay gagawin ni Clottey para manalo at pumuntos ng isang upset sa aming laban. Kaya naman, kailangan ko ring patunayan na ako talaga ang karapat-dapat na makakuha ng award na ito sa pamamagitan ng pagpapalabas ng isang panibagong obra-maestra sa ibabaw ng ring. At kailangan kong lumabas na kahanga-hanga.
Maraming salamat po sa lahat ng bumubuo ng Boxing Writers Association of America sa pagbibigay nila sa akin ng panibagong parangal na ito na talaga namang itinuturing kong isa sa mga major awards na aking natanggap sa loob ng 15 taong pagsisikap ko sa ibabaw ng ring.
Kaya naman po talagang puspusan ang aking paghahanda para sa laban na ito dahil hindi ko maaaring talikuran at biguin ang lahat ng mga sumusuporta at naniniwala sa aking kakayahan. At talaga namang walang puwang ang pagiging over-confident sa laban na ito dahil nakataya pa rin ang karangalan ng aking bansa.
Sana, sama-sama tayo pa ring manalangin upang maungusan natin ang panibagong pagsubok na ito para sa huli ay sabay-sabay tayong magpupuri sa ating Dakilang Lumikha.
Hanggang sa muling Kumbinasyon. God Bless us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025