Salamat sa Mga Pagbati
By Manny Pacquiao
PhilBoxing.com
Sun, 20 Dec 2009
SARANGANI --- Magandang araw pong muli sa inyong lahat, kayong mga minamahal kong mga kababayan, fans, kaibigan at sa lahat ng sumusuporta sa sport ng boxing sa buong mundo. Kung saan man kayo naroroon ngayon, sana ay nasa maganda kayong kalagayan gaya ng inyong abang lingkod na sa ngayon ay maligayang nagdiwang ng ika-31 taong kaarawan kamakalawa lamang. At maraming salamat sa inyong mga naging pagbati. Medyo matagal-tagal na hindi ninyo natunghayan itong aking pitak. Ito’y dahilan sa aking pagiging abala sa mga bagay-bagay, lalo na nang matapos ang aking laban kay Miguel Cotto.
Unang-una sa lahat, ang aking buhay at lahat ng ating biyayang natatamo ngayon ay kaloob at handog sa atin ng Panginoong Diyos na siyang pinagmumulan ng lahat --- maging ang aking lakas at tapang sa pakikipaglaban sa mga dambuhala ng mapanganib na sport ng boxing.
Sa Enero 22, 2010, sasapit na ang ika-15 taong anibersaryo mula nang ako ay magsimulang lumaban bilang isang propesyunal na boksingero sa maagang gulang na 16.
Opo, dahil na rin sa hirap ng buhay noon, sinimulan kong lumaban kontra sa mga mas matatanda at ekspiriyensadong mandirigma ng ring kahit tingib sa panganib ang trabahong ito. Mahal ko ang sport na ito at iba ang pakiramdam ng nananalo at itinataas ang kamay kapag nagapi mo na ang iyong kalaban. Alam ko noon na sa puspusang pagsisikap, matatamo ko ang aking mga minimithing pangarap sa paggamit ng aking mga kamao.
Sa loob ng halos 15 taong pakikipaglaban, utang ko sa Poong Maykapal ang aking buhay at ang kalusugang aking tinatamasa sa ngayon. Nagpapasalamat ako dahil wala akong pinsala sa katawan at pag-iisip at ngayon ay nasa tuktok ako ng sport na ito, may asawa at mga anak. Kasama ang aking pamilya na sumusuporta sa akin at lubos na nagagalak sa lahat ng aking maliliit at malalaking tagumpay. Kung wala ang aking paniniwala at pananalig sa Diyos, alam kong wala akong mararating, wala akong matatamo at hindi ko maaabot ang lahat ng aking mga pangarap. Alam ko na dahil sa aking mataimtim na panalangin sa Kanya, walang imposible kahit na higante pa ang nasa aking harap.
Napapangiti ako ngayon habang naaalala ko iyong mga pagkakataong kailangan kong maglagay ng pampabigat sa aking salawal upang maabot ko ang timbang dahil payat ako at patpatin noong una akong lumaban. Kahit na sa huli kong apat na laban, kontra kina David Diaz, Oscar “Golden Boy” Dela Hoya, Ricky “The Hitman” Hatton at Miguel Cotto, ako ay pilit na kumakain ng marami, halos bande-bandehado, upang hindi lang naman maging dehado sa bigat at sa timbangan. Sa huli kong apat na laban, hindi ako masyadong nagpipiga ng katawan dahil sa tingin ko, kaya ko pa ring lumaban sa 130 pounds division.
Walang mahiwaga sa huling limang mahahalagang pagpapanalo ko, dahil nasa tabi nating palagi ang Poong Maykapal. Naririyan din ang aking asawang si Jinkee at ang aming apat na anak, ang aking mga magulang at mga kapatid, ang aking mga trainer at mga kaibigang gumabay sa akin kahit na sa kabiguan at sa hirap ng aking mga pinagdaanang mga pagsubok. Sa inyong lahat, maraming maraming salamat. Dahil sa inyong lahat, kasama na rin ang mga taong hindi ko mababanggit na mga pangalan (dahil sa sobrang dami ninyo) at sa lahat ng mga kasama kong nananalangin sa bawat sandali ng ating paglalakbay sa mundong ito, sana ay maipagpatuloy natin ang simulaing ito upang lalo tayong makilala bilang isang bansa na nagkakaisa at nananalangin sa Diyos ng Pag-ibig.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
IBA embraces Bare Knuckle Boxing
Tue, 06 May 2025Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025