PARA SA INYONG LAHAT
By Manny Pacquiao
PhilBoxing.com
Sun, 15 Nov 2009
LAS VEGAS — Isang magandang araw ang aking ipinapaabot sa inyong lahat habang ako ay handa na para sa pinaka-importanteng laban ng aking boxing career sa kasalukuyan, ang pag-asam natin sa ikapitong world title sa ikapitong magkakaibang weight division.
Excited na ako na sumabak sa ibabaw ng ring kontra sa kampeon ng welterweight division na si Miguel Angel Cotto, ang pambato ng Puerto Rico. Walong linggo akong naghanda ng puspusan para sa gabing ito at alam kong minsan lang mangyayari ito sa larangan ng sport ng boksing dahil wala pang nakakagawa nito sa buong kasaysayan mula pa noong simula.
Kaya naman ginawa, ginagawa at gagawin ko ang lahat ng aking makakaya upang makamit ang World Boxing Organization welterweight title at ang World Boxing Council Diamond Belt na nakataya sa Sabado (Linggo ng tanghali sa Pilipinas) sa MGM Grand Garden Arena.
Kahapon nga, napuno ang arena, kahit na weigh-in pa lamang ang gagawin namin ni Miguel. Naroroon ang mga kababayan nating Pinoy para magbigay-suporta sa akin, gayundin ang mga taga-Puerto Rico na suportado si Miguel.
Nakakatuwang isipin na noong nagsimula ako sa boksing, tumimbang lang ako ng 106 pounds noong 1995 para sa una kong laban sa murang edad na 16. Mula nang maging kampeon ako ako sa 108 pounds flyweight division, nabatid ko sa sarili ko na wala palang imposible kung ibibigay mo ang iyong sarili sa paghangad ng mga bagay na sa tingin mo ay imposibleng makamit.
Inaamin kong hindi naman ako ang pinakamagaling na boxer sa mundo pero dahil sa pinag-ibayo ko ang paghasa sa mga biyayang ibinigay sa akin ng Poong Maykapal, lalong nadagdagan ang aking talino at kakayahan na umangat mula sa pagiging “ordinaryong” boxer lamang.
Alam kong mayroon akong taglay na bilis at kasama nito ay ang lakas kaya naman hindi naging mahirap para sa akin ang umangat mula sa flyweight paakyat sa super-bantamweight division at maging kampeon muli ng mundo sa hindi masyadong inaasahang pagkakataon.
Wala ring naniwala sa akin na makakaya kong talunin ang tinitingala at iniidolong si Marco Antonio Barrera, ang tinaguriang People’s Champion ng featherweight division, nang talunin ko siya sa pamamagitan ng knockout noong 2003. Kahit na nadaya ako sa tablang laban namin ni Juan Manuel Marquez dahil mali ang scoring ng isang judge noong tatlong beses kong pinabagsak ang Mexicano sa unang round, nagawa ko ring balikan siya sa super-featherweight division at maipanalo ang aking ika-apat na titulo sa ikaapat na magkakaibang weight division. Kasing-dami rin ng mga hindi makapaniwala at nagsasabi na mahihirapan daw ako sa laban ko kay David Diaz, ang hari ng mga lightweight.
Pero nalampasan ko po ang lahat ng mga iyan sa pamamagitan ninyong lahat at sa ating matinding pananalig sa Makapangyarihang Diyos. Tinalo ko ang alamat ng boksing na si Oscar Dela Hoya sa 147-pound limit at sa taong ito ay naitala ko ang ika-anim na world title nang talunin ko si Ricky Hatton, ang hari ng mga light-welterweight at mapantayan ko ang nakatayong record.
Para sa laban na ito kontra kay Cotto, inaalay ko po sa inyong lahat ang paghangad ng tagumpay. Kayong lahat ang aking inspirasyon at sana, iisa ang ating magiging tinig at iisa ang ating panalangin. Sa gabi ng laban, ang lahat ng inyong mga adhikain ay aking papasanin sa ibabaw ng ring at kung papalarin ay magsasaya tayong sabay-sabay bilang isang bansa na sumasampalataya sa Diyos ng pag-ibig at buhay.
Hanggang sa Muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025