Mas Matinding Pagsubok
By Manny Pacquiao
PhilBoxing.com
Sun, 11 Oct 2009
BAGUIO CITY—Magandang araw po ulit sa inyong lahat, mga minamahal kong kababayan. Kinukumusta ko kayong lahat lalung-lalo na ang mga lubos na naapektuhan ng baha at landslide sa maraming lugar sa Luzon dulot ng dalawang magkasabay na bagyong Ondoy at Pepeng.
Gaya ng dati, nakikiramay ako sa inyong lahat, doon sa mga naulila at sa mga nawalan ng mga mahal sa buhay. Sa mga bikitima ng pagkalunod at mga landslide, nawa ay mabigyan kayo ng isang disenteng burol. Doon sa mga kababayan kong nawalan ng mga bahay dala na rin ng tubig-baha, sana ay mailikas kayo sa isang lugar na hindi mapeligro at ligtas.
Nararamdaman ko ang inyong kalungkutan, iyong mga magsasakang inanod ang kanilang mga alagang hayop o di kaya ay inabot ng tubig ang kanilang mga palay na sana ay aanihin na lang sa mga panahong ito. Doon sa mga taong stranded dahil hindi pa makalusot kahit ang malalaking sasakyan, kaunting tiis pa. Sa mga ibang taong gustong magsamantala sa sitwasyon ng kahirapan, sana ay mag-isip-isip naman kayo at magbigay kayo ng kaunting puwang sa inyong mga puso. Sa mga taong may kakayahan na tumulong, sana ay kapit-bisig tayo sa pag-alalay sa ating mga kababayan na nangangailangan.
Matinding pagsubok pa ang ating haharapin sa daraan pang mga araw dahil na rin sa mga magkasunod na bagyong dumating sa ating buhay. Milyon-milyong halaga ng ari-arian, kasangkapan at produkto ang nawala at napinsala at maraming bagay ang hindi na natin maibabalik. Talagang marami pa tayong dapat gawin upang maibalik natin ang dati nating sigla.
Gaya ko rin, may matindi akong pagsubok na dapat tawirin at lusutan. Sa November 14, sa MGM Grand Garden Arena sa Las Vegas, kakalabanin ko si Miguel Cotto, ang kampeon ng welterweight division at isang boksingerong hindi basta-basta. Mas malaki si Cotto at mas malakas. Hindi rin siya mabagal at matalino rin sa laban. Hindi madali ang laban na ito.
Dahil ako ang challenger sa korona, kinakailangan kong dalhin ang laban sa kampeon at dapat lang na maipakita ko ang aking kahandaan upang makopo natin ang ikapitong magkaibang dibisyon na siyang magiging bagong world boxing record, kung tayo ay papalarin.
Matinding pagsubok ito dahil bukod sa malaki, mabilis at malakas si Cotto, inaasahan ding matindi ang kaniyang resistensiya dahil mas bata siya sa akin ng kaunti. Magandang bakbakan ito.
Tiwala ako sa Pilipino, sa ating katatagan at kakayahan na suungin ang mga pagsubok ng buhay. Malaki ang aking paniniwala na ang mga bagay na ating hinaharap ay pansamantala lang. Alam kong walang bagyo o kalaban ang makakapagpatumba sa magiting na Pilipino at asahan ninyo, palagi ako sa inyong mga tabi upang maibigay ko ang kahit na maliit na tulong na nagmumula sa aking puso. Sa labang ito, kayong lahat ang aking inspirasyon. Let us continue to pray for each and everyone.
Hanggang sa Muling Kumbinasyon. God Bless Us All.
* * *
Top photo: Filipino World Boxing Organization (WBO) super lightweight champion Manny Pacquiao (R) practises inside a gym in Baguio city, north of Manila September 21, 2009. Pacquiao, arrived in Baguio city on Sunday to start four weeks of training in preparation for his fight with Miguel Cotto of Puerto Rico on November 14 at the MGM Grand Arena in Las Vegas, Nevada. REUTERS/Romeo Ranoco (PHILIPPINES SPORT BOXING).
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025Press Conference Notes: Naoya Inoue-Ramon Cardenas & Rafael Espinoza-Edward Vazquez Top Monster World Championship Doubleheader Sunday in Las Vegas
Sat, 03 May 2025