Babangon Tayong Lahat Muli
By Manny Pacquiao
PhilBoxing.com
Thu, 01 Oct 2009
BAGUIO CITY -- Magandang araw po ulit sa inyong lahat mga giliw kong tagasubaybay ng kolum na ito. Sana ay nasa mabuti kayong kalagayan saan man kayo naroroon. Isang mainit na pagbati rin ang aking ipinapaabot sa aking mga kababayan sa Luzon, lalung-lalo na sa mga nasalanta ng trahedyang dumating sa ating mga buhay nitong nakaraang linggo.
Papasok na ako sa kalagitnaan ng training para sa napipintong laban namin ni Miguel Angel Cotto ng Puerto Rico sa Nov. 14 sa MGM Grand Garden Arena sa Las Vegas, Nevada. Nitong Martes, nagsimula na akong mag-spar kontra sa mga mas malalaking sparring partners na kagagaling lamang mula sa United States. Gaya ng lahat, naapektuhan din ang aking mga sparring partners dahil sa bagyong sumapit sa Pilipinas, si Typhoon Ondoy.
Malaki ang nakataya sa labang ito sa Nov. 14 at maraming mga bagay ang nais kong makamit sa laban na ito kaya naman puspusan ang aking paghahanda at sinisiguro kong hindi ako magpapabaya sa laban. Alam kong matindi rin ang paghahanda ni Cotto kaya naman hindi ako nagkukumpiyansa sa training at lalo kong pinag-iibayo ang preparasyon ko.
Ngayong araw ay darating naman ang aking promoter na si Bob Arum kasama rin ang crew ng HBO upang kumuha ng mga footages sa training at makita rin nila ang ganda ng Baguio, ang summer capital ng bansa. Kasama rin diyan ang mga kinatawan ng media sa buong bansa at bubuksan namin ang gym upang masilayan ng lahat ang training ko.
Humihingi pala ako ng paumanhin sa marami sa inyo dahil talagang mahigpit ang security sa gym dahil na rin sa kagustuhan naming makapag-concentrate sa training kasama ang aking coach na si Freddie Roach at ang aking mga trainers sa sila Buboy Fernandez, Nonoy Neri at Alex Ariza, kasama na rin ang lahat ng mga miyembro ng Team Pacquiao.
Susubukan kong bumaba sa Manila sa Linggo upang personal na makita kayong lahat at makapagbigay man lang ulit ng kahit na maliit na saya, dahil alam ko at nararamdaman ko ang inyong pagdadalamhati at kalungkutan sa mga panahong ito. Sa mga nasawi sa bagyong Ondoy, nakikiramay ako sa inyo at sana naman ay maibsan ko ang inyong nararamdaman.
Susubukan kong mamigay ng mga pagkain, gamot, tubig, at mga damit sa mga nasalanta ng bagyo at makakasama ko ang aking pangkat. Pipilitin kong puntahan kayong lahat pero dahil na rin sa iisa ang aking katawan, hindi ko maipapangako na makikita ko kayong lahat. Kailangan ko ring bumalik sa Baguio kinabukasan upang ipagpatuloy ang training.
Mas lalo akong nasasabik at lalo akong lalaban ng matindi para sa inyong lahat sa kabila ng trahedyang ito upang ang aking pagpapanalo sa ring ang makapagbigay man lang ng maliit na kasiyahan sa inyong lahat. Ipinapanalangin kong sana ay maibalik natin ang sigla ng ating mga buhay kahit sa maliit na pamamaraang ito. Alam kong likas sa ating mga Pilipino ang nakakabangon sa mga pagsubok ng buhay at naririto ako palagi para bigyan kayo ng kasiyahan.
Hanggang sa Muling Kumbinasyon. God Bless Us All.
* * *
Top photo: Flood victims wade through floodwaters brought on by Typhoon Ondoy last weekend in the Philippines.
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
IBA embraces Bare Knuckle Boxing
Tue, 06 May 2025Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025