UMPISAHAN NA ANG PAGHAHANDA
By Manny Pacquiao
PhilBoxing.com
Fri, 11 Sep 2009
Magandang araw po sa inyong lahat mga ginigiliw kong tagasubaybay, kaibigan at tagahanga. Nawa ay nasa mabuti kayong kalagayan saan mang panig ng mundo kayo naroroon.
Habang binabasa nyo ang kolum na ito, malamang ay nasa himpapawid na ako at aking mga kasama sa Team Pacquiao at ilang kaibigan sa media patungong New York upang umpisahan ang pagpo-promote ng laban namin ni Miguel Angel Cotto ng Puerto Rico.
Mula September 9 hanggang September 15, lilipad kami sa limang pangunahing siyudad sa America at sa Puerto Rico upang imbitahan ang lahat ng mga fans at supporters ng boxing na manood ng laban namin ni Cotto. Alam kong labis nang sinusubaybayan ang bawat galaw ng kani-kaniyang kampo kahit hindi pa kami pormal na nagkakaharap ni Cotto sa pangunahing press conference ng taon.
Nakatakda akong lumapag sa New York sa September 9 upang makipagkita sa mga opisyal ng HBO at mag-tape ng mga gagamiting promotional materials para sa laban at sa susunod na araw, maghaharap kami ni Cotto sa makasaysayang Yankee Stadium sa New York upang doon umpisahan ang press tour namin. Mula sa linggong ito, uumpisahan ko na ang pag-eensayo na sa tingin ko ay eksakto lamang para makuha ko ang pinakamainam na kondisyon ng pangangatawan, pag-iisip at ispiritwal na lakas para sa November 14.
Alam kong tanyag si Cotto sa Puerto Rico at ngayon ko pa lang makikita kung gaano kalaki ang suporta nila sa kanilang sariling bayani. Noong nanood ako sa laban ni Cotto sa New York, nakita ko at nadama ang init ng pagtanggap ng mga fans, kahit na sila ay mga kababayan ni Cotto.
Inaasahan kong ganoon din ang pagtanggap nila sa akin sa Puerto Rico.
Mula sa Puerto Rico, lilipad kami patungong kanluran, sa San Francisco, at sa pagkatapos ng San Francisco Giants-Los Angeles Dodgers game sa AT&T Park ng Giants, inaasahang maraming mga fans ang manonood ng aming media tour dahil alam ko, maraming mga Pilipino ang nakatira sa Bay Area. Sa lugar na ito ako nag-umpisa ng aking career sa boxing sa America, mga siyam na taon na ang nakakalipas.
Tutungo kami sa Los Angeles sa kinabukasan at doon sa Beverly Hills Hotel sa Beverly Hills, tatapusin naming dalawa ang media tour. Dahil sa nag-umpisa na ng training si Cotto, babalik na ulit siya sa Puerto Rico habang ako naman ay tutungo sa San Diego upang mag-pitch ng bola sa Petco Park ng San Diego Padres sa kanilang laban kontra sa Arizona Diamondbacks.
Dahil na rin sa mga batas ng pagbubuwis ng America, hindi ako makakapag-training sa Los Angeles gaya ng dati kaya naman babalik ako sa Pilipinas pagkatapos ng media tour na ito upang mag-training sa Baguio. Babalik ako sa Los Angeles mga tatlong linggo bago ang laban para kumpletuhin ang mithiin nating talunin si Cotto, ang kampeon ng mga welterweight at magwagi ulit sa ibabaw ng ring.
Hanggang sa Muling Kumbinasyon. God bless us all.
* * *
Top photo: Boxers Manny Pacquiao, right, of the Philippines, and Miguel Cotto, of Puerto Rico pose for photographers during a news conference at Yankee Stadium to promote their WBO welterweight championship, Thursday, Sept. 10, 2009 in New York. The pair square off on Nov. 14 in Las Vegas. (AP Photo/Mary Altaffer)
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025Bantam and Intermediate Champions Crowned on Day Five of USA Boxing Junior Olympics and Summer Festival
Sun, 22 Jun 2025Filipinos De Barbo, Ognayon, Cha and Torres in Action in Brico Santig’s Show in Thailand
By Carlos Costa, Sat, 21 Jun 2025‘LA FRIDAY NIGHT FIGHTS 2’: DAVID STEVENS DEFEATS PETR KHAMUKOV BY 10-ROUND UNANIMOUS DECISION
Sat, 21 Jun 2025Era and Nantapech Ready to Clash for WBF Asia in Thailand; Filipinos in the Undercard
By Carlos Costa, Sat, 21 Jun 2025Team USA Youth High Performance Steamrolls into Junior Olympics and Summer Festival Semis
Sat, 21 Jun 2025