Show Business is My Business
By Manny Pacquiao
PhilBoxing.com
Thu, 27 Aug 2009
MANILA -- Kumusta po ulit kayong lahat, mga masusugid kong tagasubaybay ng kolum na ito. Palapit na nang palapit ang araw ng aking pag-eensayo at paghahanda sa laban kontra kay Miguel Cotto, kaya naman pilit kong tinatapos ang marami pang mga obligasyon sa lahat ng aking mga fans, kaibigan, pamilya at sa lahat ng nagmamahal sa akin.
Noong Linggo ay ipinalabas na ang aking TV sitcom na pinamagatang “Show Me Da Manny” at marami ang tumawag sa akin upang batiin ako sa masaya at magandang komedya na ginawa namin kasama ang ilan sa aking mga kaibigang artista at kabilang na rin ang ilan sa aking pamilya.
Opo, masaya ako dahil maraming mga tao ang aking napasaya sa aking pag-acting sa telebisyon. Kasama sina Marian Rivera, Benjie Paras, Paolo Contis, John Lapus, Rochelle Pangilinan, Lito Camo, Onyok Velasco, Tuesday Vargas, Lovi Poe at marami pang iba, naging maganda at mataas ang pangunahing rating ng show na natutungkol na rin sa boxing.
Opo, pati ang aking nanay na si Mommy Dionisia ay kasama ko rin, bilang aking tiyahin at talaga namang napakasaya ng mga eksena, kung saan nagkaroon pa ng showdown ang dalawang grupo na kinabibilangan ng aking grupo at ng pangkat ni Marian Rivera. Hindi sa siya ang aking nanay, na-impress naman ako sa ipinakitang pagsayaw ng ginang na tinatawag nating lahat na Mommy Dionisia. Natatawa rin ako dahil sa madalang na pagkakataon ay ako rin ay napasayaw.
Pati na rin ang ilan sa aking mga tunay-na-buhay na mga kaibigan at kasama sa Team Pacquiao ay makikitang kasama sa ilang eksena at bakas ko sa kanilang mukha ang kasiyahan.
Opo, ang ilan sa mga karakter ng palabas ay nagngangalang Oscar, Marco Antonio at Erik at talaga namang kinagigiliwan din ang ibang mga kwelang eksena na kinatatampukan ng mga bida sa “Gym Paredes” at “Gym Santos.” Kahit minsan ay talaga namang napupuyat kami sa taping, ang mahalaga ay nagbibigay ako ng kasiyahan sa marami kong fans at kasabay na rin diyan ay ang aking pag-eenjoy sa paggawa ng shows at iba pang pelikula na gaya nito.
Hindi po naman ako nakakalimot sa aking obligasyon sa aking sarili, sa bansang Pilipinas at sa inyong lahat kaya naman sa pagsapit ng ikalawang linggo ng Setyembre ay magpapalit na ulit ako ng costume, ang totoong boxing gloves at uniporme upang paghandaan ang laban sa November 14 sa MGM Grand Garden Arena sa Las Vegas, Nevada.
Gaya ng pag-acting ko sa TV, ang boxing ay isa ring uri ng show business, dahil nage-entertain kami ng mga fans sa ibang aspeto. Pero ito ay isa sa pinakamahirap na trabaho sa mundo. Bukod sa walang script na sinusunod maliban lang sa mga pinag-aralang techniques sa training sa loob ng gym, ang totoong boksing ay walang sumisigaw ng “cut” kung nagkakamali. Kapag nagkamali ka sa boxing, malaking parusa ang iyong matatanggap at marahil ay sanhi pa ito ng pagkakatalo.
Kahit na masakit na ang katawan, duguan ang mukha, ang boxing ay hindi nangangailangan ng make-up. Tulad rin ng showbiz, the show must go on, ’ika nga.
Hanggang sa susunod na Kumbinasyon. God Bless Us All.
* * *
Top photo: Manny Pacquiao (R) with 'Show Me the Manny' sitcom leading lady Marian Rivera.
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Kevin Brown and Yoenis Tellez Shine at Boxlab Promotions’ “Night of Champions XIII” During the 104th Annual WBA Convention
Tue, 16 Dec 2025TRAINING CAMP NOTES: Justin Cardona Shares Insights Ahead of December 19 Showdown Against Avious Griffin
Tue, 16 Dec 2025JAS MATHUR JOINS MANNY PACQUIAO PROMOTIONS AS CEO TO LEAD STRATEGIC VISION, CREATIVITY AND GLOBAL GROWTH INITIATIVES
Tue, 16 Dec 2025Split-T Management Signs Amateur Standout Adrian Salazar
Tue, 16 Dec 2025INTERNATIONAL BOXING HALL OF FAME REMEMBERS CANASTOTA’S MANAGER / TRAINER / PROMOTER TONY GRAZIANO
Mon, 15 Dec 2025Catubig, Prado win Suy Foods Santa Run
By Lito delos Reyes, Mon, 15 Dec 2025Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025