Trademark: Manny Pacquiao
By Manny Pacquiao
PhilBoxing.com
Thu, 20 Aug 2009
MANILA — Magandang araw po ulit sa inyong lahat, kayong mga minamahal kong fans, tagasubaybay at lahat ng nagmamahal sa boxing. Sana ay nasa mabuti kayong kalagayan saan man kayo naroroon. Kung ako po ang inyong tatanungin ay mabuti naman po ako pero sobrang busy nitong mga nagdaang araw dahil sa maraming mga commitment at proyekto sa labas ng aking sport.
Palagi pong abala ako sa pagsu-shoot ng aking mga pelikula at show sa telebisyon na sobra ko ring kinahihiligan sa mga panahong ito, dahil alam kong kagigiliwan ninyo rin ang mga palabas na aking ginagawa. Mas mabuti sigurong huwag ko munang banggitin ang mga ito para sorpresa sa inyong lahat.
May 87 na araw na lang ang nalalabi upang mapaghandaan ko ang susunod kong laban kontra sa kampeon ng welterweight division na si Miguel Cotto ng Puerto Rico sa November 14.
“Don't worry, we have plenty of time and we have enough. Everything is under control.”
Nabalitaan kong nagsimula nang magtinda ng mga tickets sa aking laban at napakabilis na nabili ang maraming tickets kaya naman sobra na akong inspirado na bumalik sa ring at mag-ensayo para sa laban na gaganapin sa MGM Grand Garden Arena sa Las Vegas, Nevada.
Marami pa namang oras ang nakalaan sa pag-train para sa isa sa pinakamahirap na laban ng aking career at sa ngayon ay masaya ako at nalilibang sa aking mga proyekto kahit na minsan ay talaga ring nakakapagod. Minsan nga, parang mas madali ang pagboboksing dahil ito ang aking nakasanayan at talaga namang mahal ko ang sport na ito.
Hindi ko lubos maisip kung ano na ang aking magiging buhay pagkatapos ng aking career sa boksing dahil ito talaga ang first love ko.
Kaya naman pinaghahandaan ko rin ang aking magiging kinabukasan pagkatapos ng aking career na sa ngayon ay nasa ika-14 taon na mula nang magsimula ako noong January 22, 1995.
Magandang balita ang aking natanggap kahapon lamang, na ang aking pangalan at sariling logo ay naaprubahan na upang maging isang trademark name.
Ang "Manny Pacquiao" ay nakalista na bilang isang trademark at ang aking personal na logo na may taglay ng aking initials na “MP” ay kasama rin sa trademark at hindi na puwedeng magamit ng iba at ng kung sino mang walang pahintulot.
Ang MP logo ay hinango sa actual na sukat at hugis ng aking kanang kamao, na ang “M” ay binubuo ng tatlong huling daliri at ang “P” ay binubuo ng pinagsamang hintuturo at hinlalaki.
Masasabi kong ito ay sarili ko nang pagmamay-ari at ako lamang at ang aking mga susunod na business ang puwedeng gumamit nito. Sa gitna ay may tatlong bituin na kumakatawan ng Luzon, Visayas at Mindanao, ang aking mahal na bansang Pilipinas.
Dito po magmumula ang ilan sa aking mga susunod na proyekto sa aking buhay gaya ng aking merchandising company at kasama na rin dito ang pagtatayo ko ng aking foundation na magsusulong sa pagtulong sa maraming mga tao sa buong mundo, lalung-lalo na sa Pilipinas.
Masayang-masaya ako at kahit papaano ay mayroon akong mga bagay na naitanim na upang sa pagdating ng panahon ay mayroon akong aanihin.
Lahat ng ito ay aking pagmamay-ari na siya kong maihahandog sa aking pamilya. Sana ay suportahan ninyo ako sa mga proyektong ito.
Hanggang sa Muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025Bantam and Intermediate Champions Crowned on Day Five of USA Boxing Junior Olympics and Summer Festival
Sun, 22 Jun 2025Filipinos De Barbo, Ognayon, Cha and Torres in Action in Brico Santig’s Show in Thailand
By Carlos Costa, Sat, 21 Jun 2025‘LA FRIDAY NIGHT FIGHTS 2’: DAVID STEVENS DEFEATS PETR KHAMUKOV BY 10-ROUND UNANIMOUS DECISION
Sat, 21 Jun 2025Era and Nantapech Ready to Clash for WBF Asia in Thailand; Filipinos in the Undercard
By Carlos Costa, Sat, 21 Jun 2025Team USA Youth High Performance Steamrolls into Junior Olympics and Summer Festival Semis
Sat, 21 Jun 2025