Papuri sa WBO
By Manny Pacquiao
PhilBoxing.com
Thu, 30 Jul 2009
Francisco 'Paco' Valcarcel.
MANILA—Magandang araw po ulit sa inyong lahat, mga minamahal kong tagasubaybay ng kolum na ito. Sana ay nasa mabuti kayong kalagayan saan man kayo naroroon sa mundo.
Noong huling linggo, sa aking huling kolum, naisulat ko na ayon sa naunang napagkasunduan namin ng kapwa naming promoter na Top Rank Inc. ni Miguel Angel Cotto, walang nasaad na title fight dahil na rin sa 145 pounds ang catch weight na napagkayarian at kulang ng dalawang pounds para sa totong welterweight limit. Ito ay ang nire-require ng lahat ng world governing bodies kasama na ang World Boxing Organization (WBO) sa pangunguna ng president nitong si Ginoong Francisco Valcarcel.
Noong sinusulat ko iyong kolum, hindi ko pa nabalitaan na ayon sa WBO, maari naman nilang i-sanction pala ang laban namin kahit na nagkasundo kami ni Ginoong Cotto sa catch weight na 145 pounds. Nang malaman ko ang magandang balita at dahil na rin sa magandang hangarin ng WBO na pagkilala sa magandang match namin ni Cotto, kaagad kong tinawagan ang aking abogado at kaibigan na si Franklin “Jeng” Gacal Jr. na makipag-ugnayan kaagad kay Ginoong Valcarcel at ang aking promoter na Top Rank Inc. sa pamumuno si Bob Arum upang tanggapin ang alok na sanction ng WBO sa aming laban sa Nov. 14 sa Las Vegas, Nevada, sa magara at malawak na MGM Grand Garden Arena.
Binibigyan ko ng papuri ang WBO sa kanilang espesyal na pagbibigay ng konsiderasyon na ang laban na ito ay para sa korona ni Cotto, ang pinakamagaling na welterweight sa mundo sa kasalukuyan.
Sa pamamagitan ng pag-sanction ng WBO sa laban namin, mangyayaring magkakaroon ako ng tsansa na maging isang seven-division champion, na hindi pa nangyayari sa kasaysayan ng boxing.
Tanging si Oscar Dela Hoya lamang ang nakakagawa pa ng ganitong record sa kasaysayan ng sport na ito at ako ay magkakaroon na ng tsansa na malampasan ang ganitong record.
Kahit na tinalo ko si Ginoong Dela Hoya sa 147 pounds na limit, wala naman siyang korona sa 147 pounds noong naglaban kami. Opo, talagang malaki ang aking handicap kapag lumalaban ako sa ganitong timbang dahil lubhang mas malalaki ang aking mga kalaban sa ganitong weight class. Sa pagtanggap ko nitong laban kontra kay Miguel Cotto, alam kong matinding pagsubok na naman ang nasa aking harapan at matinding ensayo na naman ang aking gagawin.
Inspirado ako na simulan na ang training pero marami pa rin akong mga obligasyon sa labas ng boksing gaya ng pag-shoot sa ilan pang commercial at sa pag-tape ng mga episodes ng aking mga susunod na TV shows sa GMA 7. Nitong Lunes din, sumama ako sa State of the Nation Address ni Pangulong Gloria Macapagal Arroyo at nagpapasalamat din ako sa pagbanggit niya ng aking pangalan at ang pagkilala niya sa aking kasipagan at pagkamaka-Diyos bukod sa aking pag-train na walang puknat, matinding disiplina sa sarili, na ilan sa mga sangkap ng aking pagiging kampeon at pagiging “pinakadakilang boksidor sa kasaysayan.”
More power po sa inyong lahat.
Hanggang sa Muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Kevin Brown and Yoenis Tellez Shine at Boxlab Promotions’ “Night of Champions XIII” During the 104th Annual WBA Convention
Tue, 16 Dec 2025TRAINING CAMP NOTES: Justin Cardona Shares Insights Ahead of December 19 Showdown Against Avious Griffin
Tue, 16 Dec 2025JAS MATHUR JOINS MANNY PACQUIAO PROMOTIONS AS CEO TO LEAD STRATEGIC VISION, CREATIVITY AND GLOBAL GROWTH INITIATIVES
Tue, 16 Dec 2025Split-T Management Signs Amateur Standout Adrian Salazar
Tue, 16 Dec 2025INTERNATIONAL BOXING HALL OF FAME REMEMBERS CANASTOTA’S MANAGER / TRAINER / PROMOTER TONY GRAZIANO
Mon, 15 Dec 2025Catubig, Prado win Suy Foods Santa Run
By Lito delos Reyes, Mon, 15 Dec 2025Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025