Pagdedepensa Kay Martin Nievera
By Manny Pacquiao
PhilBoxing.com
Mon, 18 May 2009
GENERAL SANTOS CITY ? Magandang, magandang araw muli sa inyong lahat at belated happy birthday sa aking pinakamamahal na ina, si Mama Dionesia. At sa lahat ng aking mga kababayan, sana ay nasa mabuti kayong kalagayan saan man kayo naroroon sa anumang panig ng mundo.
Tuluy-tuloy pa rin ang pagdagsa at pagdating ng biyaya mula sa ating pinakabagong pagpapanalo kontra kay Ricky Hatton at sa ngayon, nagbabakasyon muna kami ng aking pamilya at nilalasap ang ating pinagpaguran. Ngunit nitong mga nagdaang araw, lalong umuugong ang pagtutuligsa sa aking kaibigan na si Martin Nievera na aking pinili upang kumanta ng pambansang awit sa aking laban sa MGM Grand Arena sa Las Vegas, Nevada.
Nabalitaan kong maraming gusto na namang sumakay at maging sikat sa pamamagitan ng pag-atake kay Martin, na naging malapit sa aking puso nang siya ay kumanta sa aking birthday party sa Los Angeles noong isang taon. Pinangako ko sa kanya na siya ang kakanta ng Lupang Hinirang kahit na marami ang nagsasabi na malas daw ang lalaki na kakanta ng national anthem. Hindi naman po ako naniniwala dun, sa malas o swerte, e. Tayo ang gumagawa ng ating kapalaran lalo na sa ibabaw ng ring.
Na-impress po ako sa makabagbag-damdaming pag-awit ni Martin kahit na alam kong minsan ay medyo 'slang' ang kanyang pagkanta.
Sa pagkakataong ito, talagang lumabas ang emosyon ni Martin at ipinakita niya ang puso at pagka-makabayan niya sa pag-awit. Walang bahid ng pangangamba ang kanyang pagsasa-bigkas ng mga titik ng kanta at na-inspire ako na lumaban muli para sa watawat at para sa bayan. Hindi ko pinansin ang sinasabi ng iba diyan na sinasadyang pagkakamali ng isang batikang mang-aawit na gusto lamang iparamdam ang kaniyang pagmamahal din sa bansa dala ng kanyang emosyon at puso.
Sa aking pananaw, maganda at nakaka-inspire ang ginawang pag-awit ni Martin at alam kong wala sa kaniyang intensiyon na bastusin ang tono ng pambansang awit bagkus ang ipakita ang kaniyang sining sa pagkuha ng mataas na nota sa huli at ang pag-ubos niya ng kaniyang hangin sa kaniyang baga ay nagpakita lamang ng kaniyang tuwa at pagpupuri sa watawat.
Hindi ko ubos maisip na tayong mga Pilipino ay mag-aaway sa napakamaliit na isyu at may mga ilan pang gustong parusahan si Martin sa kanyang ginawa. Marami tayong mga dapat pagka-abalahan pa at ang pag-uubos ng oras para sa mga ganitong bagay ay talaga namang nakakamangha at nakakainis kung minsan. Kung paparusahan man si Martin, kailangan ding parusahan ang marami pang mga tao na kumanta ng pambansang awit ng Pilipinas, lalo na iyong mga sintunado.
Sa bansang America nga, na tinuturing na isa sa pinakamalakas na demokratikong bansa, ang mga mang-aawit nila ay iba-iba ang estilo ng pag-awit at walang kaso o away na nagaganap.
Pinapalakpakan pa nga, e, ang magandang pag-aawit. Tayo lamang ang bansang ganito o di naman siguro, may mga taong gusto lang talagang sumikat din sa pagpapalaki ng ganitong isyu. Sa aking pagkakalam, ang tamang pagkanta ng pambansang awit ay ang parang martsa ang kumpas. Marami na ang gumawa ng kani-kanilang bersiyon at ngayon lang pinag-initan ang ganitong isyu. Sana naman, itigil na natin ang alitan at gumawa na lang tayo ng mas maraming mga bagay na makakabuti sa ating lahat.
Hanggang sa Muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025Bantam and Intermediate Champions Crowned on Day Five of USA Boxing Junior Olympics and Summer Festival
Sun, 22 Jun 2025Filipinos De Barbo, Ognayon, Cha and Torres in Action in Brico Santig’s Show in Thailand
By Carlos Costa, Sat, 21 Jun 2025‘LA FRIDAY NIGHT FIGHTS 2’: DAVID STEVENS DEFEATS PETR KHAMUKOV BY 10-ROUND UNANIMOUS DECISION
Sat, 21 Jun 2025Era and Nantapech Ready to Clash for WBF Asia in Thailand; Filipinos in the Undercard
By Carlos Costa, Sat, 21 Jun 2025Team USA Youth High Performance Steamrolls into Junior Olympics and Summer Festival Semis
Sat, 21 Jun 2025