Great Power, Great Responsibility
By Manny Pacquiao
PhilBoxing.com
Sun, 10 May 2009
MANILA -- Magandang araw po sa inyong lahat, mga minamahal kong kababayan. Kay sarap ng pakiramdam na makabalik sa sariling bayan, sa lupang tinubuan upang makapiling kayong lahat muli matapos ang laban kay Ricky Hatton ng England.
Tagumpay po ang balitang aking hinahatid sa inyo. Sa loob ng dalawang rounds, nagapi natin ang kampeon ng Kanluran, si Hatton, dahil na rin sa ating matinding paghahanda at sakripisyo nating lahat.
Nanalo tayo sa loob ng dalawang rounds lamang sa isang laban na marami ang nagsasabing mabigat na pagsubok dahil si Hatton ay hindi pa natatalo sa 140 pounds na dibisyon sa kabuuan ng kaniyang career. Kahit na dalawang rounds lang ang inabot ng laban, puno pa rin ng panganib ang bawat hakbang na ating tinahak sa gabi ng May 2 sa MGM Grand Arena.
Matagal na panahon ang inabot upang makamit natin ang ganitong klase ng tagumpay. Maraming pawis ang tumulo sa ating mga kilay. Ilang patak ng dugo ang nawala mula sa ating mga ugat at kasindaming luha ang ating ibinuwis upang matamo natin ang karangalang ating nalalasap sa kasalukuyan.
Palagi kong naaalala ang mga katagang naging popular sa pelikulang Spiderman dahil ito ang palaging nagpapaalala sa akin ng aking kahinaan at pagiging isang tao lamang. "With great power comes great responsibility," sabi nga ng mga katagang binitiwan sa palabas.
Sa ngayon, natamo ko na ang ilan sa mga pinakamahirap at pinaka-aasam na panaginip ng isang boxer - ang pagiging Best Pound for Pound fighter in the world at ang pagiging six-time champion at four-division na kampeon.
Malayo na ang ating nararating mula noong nagsisimula pa lang tayong makilala sa daigdig ng boksing. Marami rin ang hindi makapaniwala na matatalo ko sina Juan Manuel Marquez, ang kampeon ng 130-pound division, si David Diaz, ang hari ng 135-pounds division, si Oscar Dela Hoya, ang idolo ng nakararami at pinuno ng 147-pound division at ng pay-per-view at kasama na rin si Hatton, na kumatawan sa lahat ng mga boxers sa Kanluran.
Nitong linggong ito, bago ako dumating sa Pilipinas, nakita ko ang Time Magazine edition na naglalagay sa akin bilang isa sa 100 Most Influential People sa buong mundo at medyo napag-isip ako ng kaunti sa karangalang aking natatanggap sa mga panahong ito.
Malaki ang aking responsibilidad sa bansa at sa aking kapwa Pilipino at dapat kong pangalagaan ang dignidad ng aking natamong mga karangalan. Hindi rin biro na mabigyan ng ganitong mga parangal.
Maraming maraming salamat sa inyong suporta at utang ko sa inyong lahat ang bawat isa sa mga ito dahil sa walang-sawa ninyong suporta at panalangin sa akin mula pa noong ako ay nag-uumpisa.
Hanggang sa Muling Kumbinasyon. God bless us all.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Kevin Brown and Yoenis Tellez Shine at Boxlab Promotions’ “Night of Champions XIII” During the 104th Annual WBA Convention
Tue, 16 Dec 2025TRAINING CAMP NOTES: Justin Cardona Shares Insights Ahead of December 19 Showdown Against Avious Griffin
Tue, 16 Dec 2025JAS MATHUR JOINS MANNY PACQUIAO PROMOTIONS AS CEO TO LEAD STRATEGIC VISION, CREATIVITY AND GLOBAL GROWTH INITIATIVES
Tue, 16 Dec 2025Split-T Management Signs Amateur Standout Adrian Salazar
Tue, 16 Dec 2025INTERNATIONAL BOXING HALL OF FAME REMEMBERS CANASTOTA’S MANAGER / TRAINER / PROMOTER TONY GRAZIANO
Mon, 15 Dec 2025Catubig, Prado win Suy Foods Santa Run
By Lito delos Reyes, Mon, 15 Dec 2025Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025