Suporta sa Ating Kapwa Boxers
By Manny Pacquiao
PhilBoxing.com
Sun, 29 Mar 2009
LOS ANGELES ? Magandang araw po ulit sa inyong lahat, mga ginigiliw kong kababayan at fans. Sana ay nasa mabuti kayong kalagayan saan man kayo naroroon sa mundo.
Sa pagpasok ng huling limang linggo ng training para sa nalalapit na laban namin ni Ricky Hatton sa MGM Grand Arena sa Las Vegas, Nevada, papahirap ng pahirap ang ginagawa naming paghahanda upang lalong lumaki ang tsansa natin na manalo sa sagupaan. Anim na rounds na ang aking sparring papunta sa 12 rounds sa susunod na buwan.
Tinaguriang bakbakan ng East Vs. West ang laban namin ni Ginoong Hatton at tinatayang mas malaking bilang ng manonood ang susubaybay sa aming bawat kilos patungo sa May 2 (May 3 sa Manila) laban.
Dumating sa Los Angeles ang aking pinakamamahal na asawang si Jinkee sa gabi ng Biyernes upang bigyan ako ng suporta at karagdagang inspirasyon. Sa hirap ng training, ang kanyang pagdating ay malaking tulong dahil biglang napapawi ang lahat ng pagod at sakit ng katawan na nadarama. Ngunit hindi naman magtatagal ang aking asawa dito sa Los Angeles dahil kailangan din siya sa bahay kung saan ang aming apat na anak ay naiwan.
Gaya ng aking isinusulat sa bawat laban ko, malaking sakripisyo talaga ang ibinibigay ng bawat isa sa aming mga boksingero at alam ko, si Hatton din ay nagbubuwis ng dugo sa kaniyang training camp. Kasama ko rin dito sa Los Angeles ngayon ang dalawang boksingero na kapwa may kani-kaniyang hangad patungo sa pinakamalaki nilang laban sa kanilang buhay.
Ang aking kumpare na si Gerry Penalosa ay sasabak sa teritoryo mismo ng kalabang si Juan Manuel Lopez at marami ang nagsasabing baka hindi palarin si Gerry sa laban na ito. Ang isa pang boksingero na kasama ko mismo sa training camp ay si Bernabe Concepcion na lalaban sa kauna-unahang pagkakataon para sa world title kontra kay Steven Luevano sa undercard ng aking laban.
Para kay Pareng Gerry, buo ang aking paniniwala na ang kanyang tapang at kakayahan bilang isang beteranong boxer ang magiging susi ng kaniyang tagumpay sa April 25. Napapanood ko ang batang si Lopez, ang WBO super bantam champion, at bukod sa mabilis ang Puerto Ricano na lalaban sa harap ng kanyang mga kababayan, siya rin ay may taglay na lakas at nakita ko mismo ang iba sa kaniyang mga laban.
Pero si Ginoong Penalosa ay iba sa lahat ng mga boksingerong aking nasubaybayan sa aking career dahil bukod sa magaling ang kanyang depensa, matalinong boksingero si Gerry. Mahirap magbigay ng prediction pero nakita ko ang determinasyon ng taong ito. Sa tingin ko, magandang laban ang mangyayari at sana ang kamay ng Pinoy ang itataas ng referee sa pagkatapos ng laban.
Si Concepcion naman ay bata pa pero sa tingin ko ay handa na siya upang maging isang world champion. Nakita ko ang kanyang tapang at galing noong isang taon nang manalo siya kontra sa isang Mexicano at kahit na duguan ang kanyang mata, tinapos niya ang laban sa pamamagitan ng isang knockout. Gaya ko, ang tagumpay ng ating mga kapwa boxer ay tagumpay nating lahat. Sana ay ipagdasal ninyo rin sila gaya ng pagpapanalangin ninyo sa ating tagumpay.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Kevin Brown and Yoenis Tellez Shine at Boxlab Promotions’ “Night of Champions XIII” During the 104th Annual WBA Convention
Tue, 16 Dec 2025TRAINING CAMP NOTES: Justin Cardona Shares Insights Ahead of December 19 Showdown Against Avious Griffin
Tue, 16 Dec 2025JAS MATHUR JOINS MANNY PACQUIAO PROMOTIONS AS CEO TO LEAD STRATEGIC VISION, CREATIVITY AND GLOBAL GROWTH INITIATIVES
Tue, 16 Dec 2025Split-T Management Signs Amateur Standout Adrian Salazar
Tue, 16 Dec 2025INTERNATIONAL BOXING HALL OF FAME REMEMBERS CANASTOTA’S MANAGER / TRAINER / PROMOTER TONY GRAZIANO
Mon, 15 Dec 2025Catubig, Prado win Suy Foods Santa Run
By Lito delos Reyes, Mon, 15 Dec 2025Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025