Sa Teritoryo ng Kalaban
By Manny Pacquiao
PhilBoxing.com
Sun, 01 Mar 2009
LONDON ? Kumusta po sa inyong lahat, mga masusugid na tagasubaybay ng kolum na ito. "How are you, mate?" sabi nga ng mga tao dito sa England, kung saan naroroon ako ngayon kasama ang aking koponan upang mag-promote ng laban namin ni Ricky Hatton na tiga rito.
Nakakapagod man ang pagdayo namin sa United Kingdom, kasama sila coach Freddie Roach, promoter Bob Arum, ang aking lawyer na si Jeng Gacal, at iba pang mga kaibigan at team members, wala naman dapat ikatakot dahil wala naman magaganap na laban dito, kundi ang palawakin at palakihin lang ang interes ng mga manonood ng laban namin sa May 2 sa Las Vegas.
Ayon sa aking nabalitaan mula sa aking promoter, sold out na ang mga tickets at siguradong dadagundong ang MGM Grand Arena sa Las Vegas sa araw ng laban namin. Nadama ko na totoong makabayan din ang mga British gaya ng ilan sa mga laban ni Hatton at ang kareretiro lang na si Joe Calzaghe na kung saan dumadayo at dumadagsa talaga ang mga fans at supporters ng mga boksingerong ito. Dito sa England, naramdaman ko kaagad ang pagsuporta ng mga fans sa kanilang pambato pagdating ko pa lang sa airport.
Kahit na pagod ako sa mahigit na 16 oras na biyahe mula Manila-Hongkong-Heathrow airport ng Great Britain, pupunta kami sa lugar ni Ricky Hatton mamaya. Sa araw ding ito, maglalaro kami ng darts ng boxing champion dahil nabalitaan kong magaling din daw siya sa larong ito.
Mula London patungong Manchester sa umaga, magkakaroon kami ng press rally sa Trafford Center-Great Hall sa araw na ito. Habang binabasa nyo itong kolum na ito, malamang natapos na ang laban namin sa darts at natapos na rin ang press tour namin. Pero naka-schedule din ang pagbisita ko sa mga importanteng lugar sa UK gaya ng Imperial War Museum at iba pa. Nakatakda rin akong bumisita sa Consulate Office ng Pilipinas.
Nakaharap ko na dati si Hatton at hindi naman nagkakalayo ang aming height. Noong laban namin ni Oscar Dela Hoya noong Disyembre, naroroon din siya sa araw ng laban at kahit na noong timbangan. Gaya ko, palabiro rin si Hatton pero matinik din sa ibabaw ng ring.
Maganda ang klima dito sa London at nang dumating kami, nasa 15 degrees Celsius at medyo maulap. Hindi ko lubos akalain, pero marami rin palang nakakakilala na sa akin dito at hindi ko naman tinanggihan ang maraming mga taong humingi ng autograph at nagpa-picture sa akin, kahit na sila ay mga kababayan ng kalabang si Hatton. Marami ring mga kababayan na Pilipino dito at may mga sumalubong pa nga sa akin sa airport. Sigurado ko bukas, mainit ang pagsalubong sa akin ng mga fans ni Hatton.
Sa unang pagbisita ko sa England, masasabi ko na magiging patok sa pay-per-view ang laban namin ng kampeon sa 140 pounds dahil sa matinding pagsuporta ng mga fans kay Hatton. Pero alam ko naman po, na tayong mga Pilipino ay hindi pahuhuli dahil nasa likod ko kayong lahat at alam ko, buo ang bansang Pilipinas kapag ako ay lumalaban. Sana po, suportahan ninyo ako sa laban na ito gaya ng dati.
Hanggang sa Muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Ancajas awaits call to join card
By Joaquin Henson, Tue, 24 Jun 2025Macado fights Dulayba in Venue 88
By Lito delos Reyes, Tue, 24 Jun 2025“Showtime” Shea Willcox & Rich Allen turned in KO Performances
Tue, 24 Jun 2025Undefeated prospect Marco Romero To be showcased on Deontay Wilder PPV card this Friday night in Wichita
Tue, 24 Jun 2025Toro Promotions. Inc. to promote its First International pro boxing show in El Salvador on September 20th
Tue, 24 Jun 2025Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025