MARAMING SALAMAT SA MEDIA
By Manny Pacquiao
PhilBoxing.com
Thu, 20 Nov 2008
LOS ANGELES ? Malaki ang dapat kong ipagpasalamat sa mga kinatawan ng media na tumutok at tumututok sa aking bawat galaw lalung-lalo na ngayon at palapit na nang palapit ang matinding salpukan namin ni Oscar Dela Hoya, ang pinakamalaking boxing event ng taong ito.
Nitong nagdaang Lunes sa Wild Card gym, nagdagsaan ang mga kasapi ng media upang ikober ang kaisa-isang media day ng aking kampo na nasa kalagitnaan na ng paghahanda para sa pinakaimportanteng laban ng aking buhay sa Disyembre 6, sa MGM Grand Arena sa Las Vegas, Nevada.
Ang pinakamagagaling na mga manunulat at tagapagpahayag ng telebisyon, diyaryo, radio at internet ay dumalo sa naganap na media day at naging malaking media event ang araw na iyon.
Maraming maraming salamat po. Lubos po akong nagpapasalamat sa inyong walang-sawang pagsuporta sa akin.
Alam ko pong dahil na rin sa media kaya mas maraming tao ang nakakakilala na sa akin at ang aking pagsikat at pagiging international sports superstar ay dahil na rin sa mga magagandang kolum, articles, reports at balita ng mga mediamen na aking tinutukoy, kasama na rin ang iba pang nasa ibang bansa. Malaking bahagi nito ay ang mga Filipino members ng media na sumusubaybay din sa aking mga galaw kahit na malayo sila sa aksiyon.
Matagal ko ng sinabi ito at aking sasabihin ulit, kung wala ang media o mga miyembro ng press, wala ring sisikat na Manny Pacquiao at hindi kumpleto ang aking tagumpay sa ibabaw ng ring. Dahil sa mediamen, mas lalong nagiging tanyag ang isang katulad ko, isang atleta na nanggaling sa Asya, sa Pilipinas, sa bansang tinatawag na kabilang sa Third World.
Enjoy ako na makapiling ang mga fans at media kahit na medyo mabigat na ang aming paghahanda kay Dela Hoya. Gayunpaman, masaya kaming nagbiruan at nagtawanan, at kung minsan naman ay seryosohan din ang tema ng media day. Itong linggo ang tinuturing na pinakamahirap dahil ditto ako magi-ispar ng 12 rounds kontra sa tatlong boxers. Kahapon, araw ng Martes, ako ay nag-spar ulit ng sampung rounds kontra sa tatlong mga boxers at gusto kong ibalita sa inyo na maayos po ang kalagayan ng inyong abang lingkod. Sana ay nasa mabuti rin kayong kalagayan saan mang panig ng mundo kayo naroroon.
Malusog ang aking pangangatawan at isipan at buo ang aking pananampalataya sa Panginoong Diyos na magtatagumpay tayo sa labang ito. Sa oras na sinusulat ko itong kolum na ito, may 18 araw na lang ang bubunuin upang magkakaalaman na kung sino sa amin ang mas handa sa labang ito.
Maraming salamat din po sa inyong lahat sa inyong walang-sawang pagtangkilik at pagsubaybay ng kolum na ito. Ipagpatuloy pa rin sana natin ang pagdarasal para sa isa't-isa.
Hanggang sa muling Kumbinasyon. God Bless Us All.
Manny Pacquiao (C) is being interviewed by the media during the Pacquiao Media Day at the Wildcard Gym in Los Angeles on Tuesday Nov. 17. Photo by Chris Farina.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025