HBO, ANG MUNDO, NAKATUTOK 24/7
By Manny Pacquiao
PhilBoxing.com
Sun, 16 Nov 2008
LOS ANGELES, CA?Lights, camera, action!
Kumusta po kayong lahat. Sana ay nasa mabuti kayong kalagayan gaya ng inyong abang lingkod na kasalukuyang abalang-abala sa paghahanda sa pinakamalaking laban ng taon, ang "Dream Match" na pangungunahan namin ng American-Mexican na si Oscar "The Golden Boy" Dela Hoya.
Palapit na nang palapit ang takdang panahon at pagkatapos ng linggong ito ay tatlong Sabado na lang ang hihintayin at magbabakbakan na kami ni Dela Hoya sa MGM Grand Arena sa Las Vegas Nevada.
Hindi po pala biro na maging pangunahing tagapagpaganap sa isa sa pinaka-aabangang laban sa taong ito. Sa aking pagtanto, ang sagupaan namin ay isa rin sa mga nakakaintriga at pag-uusapang laban sa kasaysayan ng boksing dahil sa pagtatapat ng dalawa sa pinakamalaking pangalan sa sport.
Dahil na rin sa aking pagiging No. 1 sa listahan ng pound-for-pound ng mga pinakamagaling na boksingero sa mundo at sa pagiging No. 1 ni Dela Hoya sa box-office at ang kaniyang pagiging dating kampeon sa maraming weight classes, ang maipanalo ang laban na ito ay lubhang mahalaga para sa aming dalawa.
Nakuha po nating iuwi ang World Boxing Council (WBC) 130 pounds at 135 pounds titulo ngayong taon na ito at wala nang kasing-importante para sa akin na maipanalo ang labang ito. Bukod sa ako ang papasok sa laban na maliit at hindi paborito ng nakararami dahil na rin ang paglalabanan namin ay sa timbang na 147 pounds, marami ang naniniwala na kaya nating gumawa ng isang malaking surpresa.
Simula noong isang buwan at mula noong Nobyemre 4, isang HBO crew ng mga cameraman, director at mga dalubhasa sa sining ng telebisyon at film ang tumututok sa aking bawat galaw, kilos at ginagawa. Bukod diyan, dagsaan ang mga mediamen sa paghingi ng interview at mga larawan upang mailathala at maibalita ang lahat ng mga nagaganap sa training.
Minsan noong bata ako, halos walang pumapansin sa akin at sa aming pamilya dahil kami ay mga maralita lamang na nakatira sa isang sulok ng Pilipinas na hindi masyadong nabibigyan-pansin at nabibiyayaan. Halos walang nakakakilala sa amin at walang magmamalasakit kung may masama man o malubhang mangyayari sa akin o sa aking pamilya. Ngayon po, mayroon pang nakatutok na camera sa akin na sumasabay sa aking pagkain, pagsipilyo sa umaga, sa pagtakbo sa Griffith Park at sa pagsasanay sa Wild Card gym, isang bagay na hindi ko lubos maisip na mangyayari sa aking buhay.
At sa Nobyembre 16, ang HBO, na siya ring magpapalabas sa aming laban sa pamamagitan ng pay-per-view sa Dec. 6, ay magsisimulang magpakita ng kanilang Emmy award-winning show na "24/7" na katatampukan naming dalawa ni Dela Hoya.
Sana po ay panoorin ninyo ang aming palabas na ipapakita sa buong America at ituloy pa rin natin ang pagpapanalangin para sa ikapagpapanalo natin bilang iisang bansa.
Hanggang sa susunod na Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Ancajas awaits call to join card
By Joaquin Henson, Tue, 24 Jun 2025Macado fights Dulayba in Venue 88
By Lito delos Reyes, Tue, 24 Jun 2025“Showtime” Shea Willcox & Rich Allen turned in KO Performances
Tue, 24 Jun 2025Undefeated prospect Marco Romero To be showcased on Deontay Wilder PPV card this Friday night in Wichita
Tue, 24 Jun 2025Toro Promotions. Inc. to promote its First International pro boxing show in El Salvador on September 20th
Tue, 24 Jun 2025Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025