SI JINKEE, ANG AKING PINAKAMAMAHAL
By Manny Pacquiao
PhilBoxing.com
Thu, 30 Oct 2008
Jinkee Pacquiao.
LOS ANGELES ? Magandang araw po sa inyong lahat. Sana ay nasa mabuti kayong kalagayan saan mang panig ng mundo kayo naroroon.
Sa pagpasok ng huling limang linggo ng paghahanda para sa laban, halos kumpleto na ngayon ang lahat ng aking kinakailangan. Dumating noong isang araw, araw ng Lunes, ang aking pinakamamahal na asawa na si Jinkee upang mapaghandaan na namin ang pinakamalaking laban ng aking buhay?ang sagupaan namin ni Oscar Dela Hoya.
Naririyan si Jinkee sa lahat ng aking laban upang bigyan ako ng suporta at ng lakas sa pakikibaka sa aking mga kalaban. Siya ang nagsisilbing pinakamalaking inspirasyon ko upang maibigay ko ang pinakamaganda at pinakamagaling na performance ko sa itaas ng ring.
Sa nagdaang panahon, tatlo na ang naging anak namin ni Jinkee at malapit nang maging apat ito dahil nagdadalang-tao ngayon ang aking misis. Inspirado ako ngayon sa aking pag-eensayo dahil na rin sa pagdating ng aming ikaapat na anak, upang makumpleto na ang suwerte ng aking buhay. Naririyan sina Emmanuel Jr. o Jimuel, si Michael Stephen at si Mary Divine Grace na aking "Princess."
Dahil na rin sa nag-aaral pa ang aking dalawang lalaking anak sa Maynila, siguro sa Christmas break na lang sila makakahabol dito sa America, kasama na rin si Princess. Silang lahat ang dahilan kung bakit bumabangon ako ng maaga upang tumakbo at maghanda sa laban. Silang lahat ang nagbibigay sa akin ng karagdagang sigla upang maabot ko pa lalo ang mga bagay na pangkaraniwan ay hindi nakakamit ng ibang mga tao.
Malaki ang pagpapasalamat ko kay Jinkee dahil taglay niya ang lakas at tiyaga na kinakailangan ng isang asawa ng isang boxer na katulad ko. Maraming salamat sa iyong pang-uunawa. Maraming salamat sa iyong pag-aaruga at sa pag-aalaga sa ating mga anak lalung-lalo na kapag wala ako sa bahay. Dahil ang buhay ng isang boxer ay nangangailangan ng malaking sakripisyo gaya ng paglayo kung minsan sa kanyang pamilya upang mag-train ng seryoso sa malayong lugar, importante na mayroong isang kagaya ng aking asawa na umaasikaso sa lahat ng naiwang gawain sa bahay.
Sa pagpasok ng huling buwan ng training, pahirap na nang pahirap ang paghahanda ng Team Pacquiao. Kahapon, araw ng Martes, nag-spar ako ng limang round, dalawa kontra sa sumisibol na British Olympic champion na si Amir Khan at tatlo laban sa matangkad na si Rashad Holloway.
Dumating na rin ang ikatlong sparring partner ko na nagsimula na ring mag-ensayo sa gym. Silang lahat ang tutulong sa akin upang mapaghandaan ko ang anumang bagay na maaaring gawin ni Dela Hoya sa December 6, sa MGM Grand Arena sa Las Vegas, Nevada.
Sana po, ipagpatuloy pa rin ninyo at sama-sama tayong manalangin para sa ating ikapagtatagumpay.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Ancajas awaits call to join card
By Joaquin Henson, Tue, 24 Jun 2025Macado fights Dulayba in Venue 88
By Lito delos Reyes, Tue, 24 Jun 2025“Showtime” Shea Willcox & Rich Allen turned in KO Performances
Tue, 24 Jun 2025Undefeated prospect Marco Romero To be showcased on Deontay Wilder PPV card this Friday night in Wichita
Tue, 24 Jun 2025Toro Promotions. Inc. to promote its First International pro boxing show in El Salvador on September 20th
Tue, 24 Jun 2025Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025