SULIT SA PAGOD
By Manny Pacquiao
PhilBoxing.com
Sun, 05 Oct 2008
SAN FRANCISCO, CA -- Kumusta po ulit sa lahat ng aking mga ginigiliw na mga fans at kababayan hindi lang sa Pilipinas kundi sa buong mundo. Sana ay nasa mabuti kayong kalagayan gaya ng inyong abang lingkod.
Sa oras ng pagbasa ninyo sa kolum na ito, marahil ay tapos na ang ikalima sa anim na yugto ng "Dream Match" Media Tour, kung saan si Oscar Dela Hoya at ako ay umikot sa halos anim na pangunahing siyudad sa buong America upang pasiklabin at anyayahan ang lahat sa napipintung labanan namin sa Dec. 6, 2008 sa MGM Grand Resort and Arena sa Las Vegas, Nevada.
Mula New York papunta sa Chicago, tuloy ng Houston at San Antonio sa Texas, hanggang sa San Francisco sa California, mainit na sumalubong sa amin ang lahat ng mga pangunahing kasapi ng media, hindi lang ang print media kundi pati ang mga local at national na TV at radio stations. Kasama na rin ang mga miyembro ng internet media, sa aking palagay, ay naging malaking tagumpay ang ginawa naming media tour ni Ginoong Dela Hoya.
Natutuwa po ako sa surpresang ipinakita ng ating mga kababayan lalung-lalo na sa New York, kung saan mas marami at mainit ang sumalubong sa akin na mga fans kaysa sa hatak ng Golden Boy. Sa harap ng Statue of Liberty na simbulo ng kalayaan at ng mga migranteng mamamayan ng dakilang bansang America, mas maaksiyon ang sigaw ng mga Pinoy kontra sa grupong Latino, isang bagay na aking hindi inasahan.
Inumpisahan namin ang Media Tour sa pagbiyahe sa araw ng Martes, Sept. 30, at sa unang araw ng Oktubre ay maganda ang sinapit namin ang Big Apple. Sa gabi, na-meet ko rin ang mga kababayan ko sa New Jersey na bumuo ng isang salu-salo. Dahil na rin sa higpit ng aking schedule, lumipad din ako papuntang Chicago sa araw ding iyon.
Sa umaga ng Oct. 2, kaming dalawa rin ni Dela Hoya ang nagbukas ng trading sa Chicago Mercantile Exchange at dito ko nakita ang isa sa pinakamalaking kalakalan sa US. Pagkatapos nito, umakyat kami sa Sears Tower, ang pinakamataas na gusali sa buong America. Halos isang minuto kami sa loob ng elevator papunta sa tuktok at dito namin ginawa ang press conference.
Hindi gaya ng maraming boxing press conferences ang ginawa namin ni Ginoong Dela Hoya, dahil walang tulakan o suntukan na naganap. Pareho kaming rumerespeto sa aming kakayahan bilang mga boxer at alam ko, kahit na walang matinding alitan dito, matinding bakbakan ang magaganap sa taas ng ring. Sabi nga ni Dela Hoya patungkol sa akin, "It's the silent ones you should be more scared of."
Sa kinagabihan din, lumipad kami papuntang Houston, Texas at sa umaga ay pumunta na kami sa Space Center ng Houston, sa NASA Parkway. Maraming mga lugar at experience ang gusto kong balikan pagkatapos ng aking career. Sa tanghali naman, muli akong bumalik sa San Antonio, Texas, sa loob ng makasaysayang Alamo, bago kami lumipad patungo sa San Francisco upang maghanda para sa ikalimang yugto ng Tour.
Nakakapagod man ang paglipad sa bawat siyudad, sulit naman ang mga experience na aking nagawa sa mga araw na ito. Hindi pa namin natatapos ang ikaanim na yugto at iyan ay gaganapin sa Los Angeles sa Martes.
Hanggang sa muling Kumbinasyon. God Bless Us All.
Top photo: Arum (L) and Pacquiao in New York presscon. Photo by Rob de la Cruz.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025