HANDANG-HANDA NA PO AKO
By Manny Pacquiao
PhilBoxing.com
Thu, 26 Jun 2008
LAS VEGAS ? Malugod ko pong binabati ang lahat ng aking mga kababayan at mga masusugid na sumusubaybay sa kolum na ito, pati na rin ang mga fans ng boxing. Sana ay nasa mabuti kayong kalagayan sa pangangatawan, pag-iisip at sa ispiritwal na bahagi ng inyong buhay.
Nandito na naman po kami sa Las Vegas matapos bumiyahe ang karamihan sa aking mga pamilya, kaibigan at miyembro ng Team Pacquiao noong Lunes ng hapon pagkatapos naming tapusin ang isang press conference sa Santa Monica Pier sa Los Angeles kasama ang aking katunggali sa Sabado (Linggo sa Pilipinas) na si David Diaz.
Sa apat na oras na biyahe papunta sa Las Vegas, maraming mga bagay ang aking naaalala mula noong nagsisimula pa lang akong sumikat at lumaban dito sa Las Vegas noong taong 2001. Iilan pa lang ang aking mga kaibigan at taga-suporta at wala halos nakakakilala sa akin.
Noong nilabanan namin ang kinakatakutang si Lehlo Ledwaba noong Hunyo 23, mga pitong taon na ang nakalilipas, wala pang gaanong balita at interes sa akin maliban na lamang sa pagkakasabi ni Larry Merchant, ang commentator ng HBO, na baka isinilang na o dumating na ang isa sa mga aabangang boksingero.
Habang nakaupo ako at nakasakay sa harap ng aking Navigator, ang unang sasakyan na nabili ko dito sa America, naalala ko ang malaking pinagkaiba ng aking buhay mula nang ako ay unang lumaban sa Las Vegas. Sa dami ng aking "pamilya," umabot sa 14 na sasakyan ang kasama ko. Marami pa ang darating bago sumapit ang laban.
Handa na po ako na harapin si Diaz matapos naming paghandaan sa gym ang kanyang istilo at mga galaw. Nakapag-spar ako ng 140 rounds at masasabi kong malapit ko nang makuha ang 100 percent na kundisyon sa katawan, pag-iisip at sa pang-ispiritwal na aspeto ng paghahanda.
Sa unang araw namin dito sa Las Vegas, magaan ang aking pakiramdam dahil maayos na ang lahat. Mula sa aking pagkain, hanggang sa aking hotel, sa mga gamit sa training, sa security at sa iba't-ibang bahagi pa ng paghahanda kasama na rin ang pari na magmimisa bago ang laban, may mga taong sumusuporta at umaalalay sa akin.
Sa laban na ito, medyo hindi ako mahihirapan na abutin ang 135 pounds dahil palagi akong lumalaban sa 130 pounds. Ito po ang kauna-unahang pagkakataon na lalaban ako sa dibisyon na ito at kakailangin ko pa rin ang lahat ng inyong panalangin. Mas malaki siyempre ang makakalaban ko at si Diaz ay kampeon ng WBC kaya hindi madali ang laban.
Sa umaga, nagrerelax ako sa paglalaro ng chess kasama si Fiscal Edilberto Jamora, tiyuhin ng aking butihing maybahay na si Jinky at naglalaro rin ng darts kasama sila Noel Lautengco, Archie Banas, Winchell Campos, Edward Lura at iba pa.
Kaunting tiis pa at sana, magwagi tayong lahat sa ating inaasam na titulo at pangarap. Ako po ay inspirado, mataas ang moral at masaya. Sana tuluy-tuloy na ang ating magandang kapalaran.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Ancajas awaits call to join card
By Joaquin Henson, Tue, 24 Jun 2025Macado fights Dulayba in Venue 88
By Lito delos Reyes, Tue, 24 Jun 2025“Showtime” Shea Willcox & Rich Allen turned in KO Performances
Tue, 24 Jun 2025Undefeated prospect Marco Romero To be showcased on Deontay Wilder PPV card this Friday night in Wichita
Tue, 24 Jun 2025Toro Promotions. Inc. to promote its First International pro boxing show in El Salvador on September 20th
Tue, 24 Jun 2025Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025