It's nice to be back!
By Manny Pacquiao
PhilBoxing.com
Thu, 27 Mar 2008
GENERAL SANTOS -- Magandang araw po sa inyong lahat. It is nice to be back again. Home sweet home!
Opo, kay sarap talaga na bumalik sa Pilipinas lalong lalo na kapag nag-uuwi tayo ng magagandang pasalubong.
Masayang-masaya ako dahil sa mainit na pagsalubong sa akin ng aking mga kababayan na kasing-sabik ko ring makita at mabati ng isang magandang araw.
Maghapon po kaming nagparada sa Kamaynilaan noong Martes at napakasarap ang feeling na makita ang kasayahan sa bawat bata, matanda, babae at lalaki.
Bakas sa mukha ng bawat isa ang saya at pag-asa at ang pagiging proud na lahat tayo ay Pilipino na nagkakaisa.
Hindi ko na pinagtutuunan-pansin ang mga taong ang tanging hanap lamang ay ang pagkakamali ng tao.
Lalung-lalo na, hindi ko na binibigyan ng halaga ang mga taong ang utak-talangka, na gusto lamang ay hilahin pababa ang mga taong nakakaangat sa buhay.
Masisira lang ang araw kung ganyan ang aatupagin.
Habang sinusulat ko itong kolum na ito, katatapos lang namin na magparada sa aking pinakamamahal na General Santos City at ang aking mga kanayon ay malugod na naghintay sa aking pagdating kahit na mainit ang sikat ng araw. Mahirap man din para sa akin na gampanan ang maghapong nagpaparada at nakikipag-kamay sa maraming tao, napapawi ang aking pagod kapag nakikita ko ang lahat na masaya, sumisigaw at kumakaway. Kayo pong lahat ang dahilan kung bakit ako ay nagtatagumpay, dahil kayo ang aking inspirasyon at pinagmumulan ng lakas ng loob.
Ngayon pa lang po unti-unting sumasagi sa aking gunita na tangan ko ang isang mabigat na korona bilang kampeon at hari muli ng mundo. Gaya po ng sabi nila, ang taong nakasuot ng korona ay may matinding responsibilidad na kinahaharap. Mas lalong bumigat ang pasanin ko sa aking balikat dahil ako na ang may hawak ng WBC super-featherweight title at ang Ring Magazine "People's Champion" belt.
Dahil po sa inyo, mas lalo kong pagbubutihin ang paghahanda sa susunod kong laban. Dahil sa inyo, tinalikuran ko na ang mga bisyo na walang idinudulot na maganda sa katawan at sa pag-iisip. Dahil sa inyo, ipagpapatuloy ko ang paghahanap at pag-asam ng mas matatayog na pangarap sa buhay. Kasama kayo sa lahat ng aking minimithi. Salamat sa inyong mga pagbati, suporta at panalangin.
Salamat sa aking pamilya, sa Pangulong Gloria Macapagal-Arroyo at sa Diyos dahil hindi naman ako lubhang nasaktan sa laban. Ipagpapatuloy natin ang laban.
I will continue to fight for the Filipino people and by the end of April, I will try to be back and train in the gym in Los Angeles, possibly for a fight against WBC lightweight champion David Diaz. Opo, aakyat ako ng timbang at susubukan kong magwagi ulit laban sa mas malalaking katunggali at mas matinding paligsahan.
Sana, nandiyan pa rin kayo sa aking tabi sa susunod na laban. Maraming salamat po ulit.
Hanggang sa susunod na Kumbinasyon. God bless us all.
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Ancajas awaits call to join card
By Joaquin Henson, Tue, 24 Jun 2025Macado fights Dulayba in Venue 88
By Lito delos Reyes, Tue, 24 Jun 2025“Showtime” Shea Willcox & Rich Allen turned in KO Performances
Tue, 24 Jun 2025Undefeated prospect Marco Romero To be showcased on Deontay Wilder PPV card this Friday night in Wichita
Tue, 24 Jun 2025Toro Promotions. Inc. to promote its First International pro boxing show in El Salvador on September 20th
Tue, 24 Jun 2025Oklahoma Completes Dream Season; Whips Indiana in Game 7, 103-91 for First NBA Title in Thunder Era
By Teodoro Medina Reynoso, Mon, 23 Jun 2025Japanese Boxer Jin Sasaki Suffers Memory Loss Following Brutal Knockout in WBO Title Fight
By Gabriel F. Cordero, Mon, 23 Jun 2025Toshihiko Era Becomes WBF Asia Champion at Age 50
By Carlos Costa, Mon, 23 Jun 2025Ador Torres, Renato Cha, Lemuel De Barbo and Ivan Ognayon Score KO Wins in Thailand
By Carlos Costa, Mon, 23 Jun 20252025 USA Boxing Junior Olympics and Summer Festival Concludes with Junior, Youth and Elite Championships
Mon, 23 Jun 2025Second Stage of the WBC Boxing Grand Prix Concludes with Great Success: Heavyweight and Featherweight
By Gabriel F. Cordero, Sun, 22 Jun 2025Miel Ticket: Vito Mielnicki Jr. Shuts Out Kamil Gardzielik
Sun, 22 Jun 2025WBC Grand Prix super lightweight results from Riyadh
By Gabriel F. Cordero, Sun, 22 Jun 2025Francisco Rodriguez Jr. Stuns Galal Yafai in Birmingham, Secures Interim WBC Flyweight Title
By Dong Secuya, Sun, 22 Jun 2025Jesse 'The Little Giant' Espinas Crowned WBC Asia Super Flyweight Champion in Exciting Knockout Victory in China
By Carlos Costa, Sun, 22 Jun 2025