Pagbabago Para Sa Pag-unlad
By Manny Pacquiao
PhilBoxing.com
Sun, 09 Mar 2008
LOS ANGELES -- Magandang araw po muli sa inyong lahat. Sana ay nasa mabuti kayong kalagayan gaya ko dito sa America kung saan ay naghahanda na ako sa laban namin ni Juan Manuel Marquez sa Las Vegas, Nevada sa March 15.
Wala na halos isang linggo at wawakasan na namin ang isang yugto ng aming career. Susubukan ni Marquez na manalo at alam kong nag-train siya ng matindi upang biguin ako sa aking hangarin na agawin ang kanyang korona.
Ako po ay nagsanay din nang sagaran at naghanda nang lubusan para sa laban na ito. Masasabi ko, malapit ko nang makuha ang pinakamaganda kong kundisyon sa maraming taong nagdaan. Ilang araw na lang. Excited na ako at ngayon pa lang ay marami na sa aking mahal sa buhay at mga kaibigan ang dumarating galing Pilipinas upang manood at sumuporta sa akin.
Nandiyan ang aking butihing maybahay na si Jinkee na dumating nitong Huwebes ng gabi, kasama ang iba pang mga mahahalagang tao sa aking buhay. Sila ang bumubuo ng aking loob at pinagmumulan ng aking inspirasyon upang magpursigi at piliting abutin ang mas matayog na mga pangarap.
Sa Lunes, magkikita kami sa unang pagkakataon ni Juan Manuel sa downtown Los Angeles para sa isang press conference, open to the public. Iniimbitahan ko ang mga fans ko sa Los Angeles, kung may oras kayo, pumasyal kayo at manood. Sabi nila, teritoryo daw ng mga Mexicano ang lugar sa may Olvera Street. Sa aking tingin, marami rin akong mga supporters maging Pinoy man sila o Mexicano o kahit na anong lahi. Maganda ang rivalry ng Mexico at Philippines sa boxing. Malaking tulong ito sa bawat bansa, huwag lang maging personal ang away.
Importante po sa akin ang korona ng World Boxing Council at kasing-halaga nito ang Ring Magazine "People's Champion" belt. Both belts are important because they mean supremacy in all of the super-featherweight division. I want these belts really badly and I mean business. Tama lang po ang title ng aming laban, "Unfinished Business".
Excited po ako dahil maganda ang aking kondisyon sa pangangatawan at pag-iisip at talagang mahaba ang panahon ng aking paghahanda. Wala akong takot na sasagupa kay Marquez dahil sa aking kasalukuyang kundisyon. Ganyan po ang buhay naming mga boksingero. Sa haba ng taon na aking ginugol upang maabot kung nasaan ako ngayon, masasabi ko na marami pa rin akong natututunan sa larangan ng boksing. At sa laban na ito, masasabi ko na isa akong bagong boksingero na may bagong ipapakita sa itaas ng ring.
Hindi ko po muna masasabi ang mga bagay-bagay na aming ginawa sa training pero isa lang ang aking alam: Ako po ay nagbago para sa ikabubuti ng aking boxing career. Mas matagal ang aking pagsasanay at marami pa ring mga techniques ang aming inihanda, dulot ng aking kanang kamay.
It is part of my New Year's resolution, to change my life for the better. Pinangako ko sa sarili ko na iwasan ang mga bisyo at mag-concentrate sa aking boxing career. Hindi ako satisfied sa ipinakita ko nitong huling dalawang laban kontra kina Jorge Solis at Marco Antonio Barrera, na pareho ko namang naipanalo. So far, so good, nakikita ko na maganda ang resulta ng aking pagbabalik sa dati kong anyo. Gutom ulit ako na umusad at abutin ang hindi ko pa naaabot, sabik ako na makuha ang dangal na hindi pa natatamasa.
Gaya ng aking kanta, para sa inyo ang labang ito. Para sa aking bansa at sa aking mga kababayan.
Hanggang sa muling Kumbinasyon. Have a good day.
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025