I Love San Francisco
By Manny Pacquiao
PhilBoxing.com
Thu, 28 Feb 2008
LOS ANGELES ?- A pleasant day to all of you, I hope everyone is doing well. Ako po, okay lang, masaya at malusog ang pangangatawan at pag-iisip at excited na sumabak sa laban sa March 15 sa Las Vegas.
Kababalik lang po namin mula sa aking media day sa San Francisco noong Miyerkules at masaya po ako na bumalik dito sa lugar na kung saan una ako tumapak sa America.
Sobrang daming tao ang sumalubong sa akin, kasama na dito ang mga kinatawan ng media, mga fans at mga kaibigan. Hindi ko lubos maisip na halos pitong taon na pala ang nakararaan mula nung una akong dumating dito sa America. Naaalala ko, batang-bata pa ako noon at puno ng pangarap. Halos wala pang nakakakilala sa akin dito sa America dahil lahat ng laban ko ay ginanap sa Pilipinas at Asia. Ito po ang masasabi ko: I love San Francisco.
Masarap magbalik-tanaw sa pinanggalingan. Sabi nga nila, ang taong hindi marunong tumanaw kung saan ka nanggaling ay hindi makakarating sa dapat na paroroonan. Naniniwala po ako sa kasabihan na iyan kaya naman po hindi pa rin ako nagbabago sa aking pakikitungo sa mga tao kahit na marami kung minsan ang nanloloko sa akin at umaabuso sa kabaitan ko.
Noong May 2001, pumunta kami ng dati kong manager na si Rod Nazario dito sa America upang harapin ang kapalaran na darating pa lamang sa aking buhay. Sa San Francisco lumapag ang eroplano namin galing ng Pilipinas at tumira kami pansamantala sa bahay ni Kuya Boying, anak ni Rod.
Sa mga tabing daan ako tumatakbo sa umaga. Ako lang mag-isa noon, wala pa akong mga kasama sa jogging na tutulong o gagabay sa akin. Wala pa akong fan base na matatawag dahil hindi pa ako napapanood sa American TV kahit na minsan. At nangyari po ang dapat mangyari. Nagkita kami ni coach Freddie Roach nang pumunta kami sa Los Angeles habang naghahanap kami ng isang magaling na trainer. Kasabay nito ang isa sa pinakamalaking break ng aking career: Bigla pong naisingit ako sa undercard ng laban ni Oscar De La Hoya vs Javier Castillejo, sa isang pay-per-view event.
Sa loob lamang ng dalawang linggo, tinanggap namin na labanan ang kinakatakutan at iniiwasang kampeon ng IBF super-bantamweight division na si Lehlohonolo Ledwaba ng South Africa. Kasama ko pong naghanda sa laban si ?Tatay? Ben Delgado at si coach Freddie at ang cutman na si Ruben Gomez at marami ang nagsabi na hindi ako makakalusot sa Aprikano dahil ayaw siyang labanan noong panahon na iyon ng maraming kampeon. Actually, I was a last-minute substitute because Ledwaba?s supposed opponent backed off. Kung iisipin nga naman ang kapalaran ng tao, malayo na po ang aking narating mula nang talunin ko si Ledwaba noong June 23, 2001 sa MGM Grand Hotel sa Las Vegas.
Sa laban namin ni Juan Manuel Marquez sa Las Vegas, nandoon pa rin ang batang walang-takot na kumakasa kahit kanino. Lalaban pa rin ang batang nanggaling sa flyweight (112 pounds) division, na ngayon ay sumasabak na sa timbang na 130 pounds.
May tinuturing na respetableng journalist sa Manila na nagsasabi na may problema daw ako sa pagkuha ng timbang na 130 pounds. Sinasabi pa niya na ako raw ay tumitimbang ng 138.5 pounds noong Sunday, ayon sa kaniyang source na di umano?y galing sa loob ng aking apartment.
Isa lang po ang masasabi ko sa manunulat na iyan. Dapat lang na huwag siyang paniwalaan dahil walang basehan ang kanyang sinusulat. Matagal na po ako sa larangan ng boksing at walang taong mas nakakakilala sa aking pagkatao kundi ako rin. Wala po kayong dapat ikabahala sa aking timbang. Everything is under control, no problem! I will easily make the 130-pound limit. Masasabi kong sinungaling ang writer na iyan dahil hindi naman ako nagtimbang noong Sunday.
Hay naku, ang mga tao nga naman.
Sana po ay magkaisa tayo at magsama-sama sa pagdasal sa tagumpay ng bawat isa. Sana po, iwasan na natin ang crab mentality para sabay-sabay ang pag-unlad natin bilang isang bansa, isang lahi, isang diwa.
Hanggang sa muling Kumbinasyon! GOD BLESS.
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
IBA embraces Bare Knuckle Boxing
Tue, 06 May 2025Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025