Mahalaga Ang Buhay
By Manny Pacquiao
PhilBoxing.com
Sun, 10 Feb 2008
LOS ANGELES -- Magandang araw po sa inyong lahat.
Patindi na nang patindi ang ginagawa naming paghahanda para sa susunod kong laban kontra kay Juan Manuel Marquez sa March 15. Limang linggo na lang at bakbakan na!
Itong laban na ito ang isa sa mga pinakamahalaga para sa aking career dahil malaki ang nakatayang karangalan dito, bukod pa sa koronang tangan ng Mexicano na pilit kong inaasam na makamit.
Dahil nagtabla kami noong una kaming nagkaharap, importante sa akin na tapusin sa isang panalo ang "Unfinished Business" namin na gaganapin sa Mandalay Bay Resort Hotel sa Las Vegas, Nevada.
Lahat ng bagay na kinakailangan ay aking ginagawa upang matiyak ang tagumpay. Itinataya ko ang aking buhay sa bawat pag-akyat ko sa ring dahil ganito talaga ang buhay ng isang boksingero.
Sumasabak kaming mga boksingero upang harapin ang matinding panganib sa bawat pagkakataon. Sa sparring, tinatanggap namin ang matitinding suntok ng kaispar at kapag hindi ka naging maingat, malapit ka sa injury o sugat. Sa isang malaking pagkakamali, maaaring mapunta sa panganib ang iyong buhay at kalusugan. Minsan, ang kapansanan ay nagiging permanent kung ikaw ay mapupuruhan. Masakit mang aminin, ang trabaho kong ito ang isa sa mga pinakamapanganib, kung ikukumpara sa anumang trabaho.
Iilan lang na mga boksingero ang pinapalad na maging kampeon. Iilan din ang mga nagiging dalubhasa sa boksing. Tinuturo sa iyo ang pag-ilag at pagsalag sa mga suntok. Kailangan mo rin iwasan na ikaw ay makakatanggap ng malalakas na tama lalung-lalo na sa ulo at katawan habang nagbibitaw ka rin ng sarili mong suntok sa kalaban.
Nabalitaan ko mula dito sa aming training camp sa Los Angeles ang pagkamatay ng isang Pilipinong boksingero na si Alex Aroy. Hindi ko man siya nakita at nakilala ay nalulungkot din ako dahil isa siyang miyembro ng aming maliit na komunidad. Si Aroy ay sinamang-palad at pumanaw na sa mundo. Wala na rin tayong magagawa upang maibalik ang kaniyang buhay.
Ayon sa mga balitang aking nakalap, nahirapan sa pag-ihi si Aroy matapos siyang matalo sa laban. Hinihintay pa ang autopsy report kung ano talaga ang sanhi ng pagpanaw niya. Nakikiramay po ako sa mga naulila ni Alex.
Walang tao ang gustong masaktan o tumanggap ng parusa sa ring. Iilan lang ang mga boksingerong nakakapag-retire na malusog at ito ang mga mapapalad. Marami sa amin ang nalimot na ng panahon. Marami ang tumatanda at napipilitan na lang na isabit ang gloves at maghanap ng trabaho kung saan man mapadpad.
Ganyan ang mapait na sinasapit ng mga kagaya kong boxer.
Minsan, kahit na iyong mga dating kampeon ay namumuhay din sa kahirapan matapos malasap ang tagumpay at kaunting yaman. Iba-iba ang aming kwento, iba-iba ang aming sinapit.
Nakakapag-isip din ako sa mga ganitong nangyayari sa buhay. Dahil sa mga ganitong pangyayari, nakukuha kong isipin na ang buhay ay mahalaga, na bawat magandang pagkakataon ay dapat na tinatanggap at bawat biyaya ay dapat na pinagpapasalamatan at pinag-iingatan.
Hanggang sa muling Kumbinasyon!
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025