Goodluck sa 2008; Goodluck kay Z Gorres
By Manny Pacquiao
PhilBoxing.com
Thu, 31 Jan 2008
LOS ANGELES -- Magandang araw po sa inyong lahat.
Marami ang nagsasabi na ang bagong taong 2008 ay maswerte. Naniniwala po ako na bawat taon ay biyaya. Marami ang hindi nakakaunawa na sa totoo lang, bawat araw na lumilipas sa ating buhay ay grasyang kaloob ng Diyos, kaya walang malas na taon, kung tutuusin.
Noong 2007, maraming mga boksingerong Pinoy ang nakilala, sumikat at nagbigay-dangal para sa ating bayan sa pamamagitan ng pagwawagi sa itaas ng ring. Naaalala ko, mga apat na taon mula nang makuha ko ang Ring Magazine featherweight People's Champion belt mula kay Marco Antonio Barrera noong 2003 at nang magtabla kami ni Juan Manuel Marquez sa sumunod na taon sa una naming pagsasagupa, halos mangilan-ngilang boksingero ang sumubok at nagtangka na lumabas ng bansa at sumubok ng kanilang galing.
Naaalala ko nga na noong 2004, nang ako ay naghahanda pa para sa laban namin ni Marquez, isa sa mga boksingerong kasama namin ay si Z Gorres ng Cebu. Sama-sama kami sa hirap at ginhawa, sa loob ng isang maliit na motel sa tabi ng Wild Card gym. Ang kababata kong kaibigan at assistant trainer na si Boboy Fernandez lang ang palaging umaalalay sa akin. Siya ang gumagawa ng lahat ng gawaing-bahay at naghahanda ng lahat ng aking mga gamit sa training.
Nakakatuwang balikan iyong mga araw na nakalipas, kung saan medyo simple pa ang buhay at hindi gaanong karami ang aking kaibigan at tagahanga. Minsan, kapag mamamasyal ang aming mga kaibigan, hindi mahulugang-karayom ang Room 120 ng motel na palagi naming ginagamit. Siksikan minsan, pero masaya pa rin. Unti-unti, mula nang naayos ko ang mga gusot sa aking buhay, nakumpleto namin ang samahan ng aking team at ngayon ay medyo madali na ang training dahil marami na rin ang tumutulong.
Si Boboy ay nakaka-concentrate na sa pag-train sa akin habang iyong isa pang trainer na galing ng Pilipinas na si Nonoy Neri ang gumagabay din sa pagluluto ng masasarap na pagkaing-Pinoy na siyang nagpapalakas sa aking katawan. Si Pareng Nonoy ay isang expert cook pero magaling din na trainer. Marami nang nadagdag na mga tao sa aking paligid mula noon, ang bawat isa ay may kakayahan sa iba-ibang larangan. Hindi ko na muna iisa-isahin ang kani-kanilang pangalan dahil masyadong marami sila.
***
Sana, suportahan natin si Z Gorres sa kanyang susunod na laban sa Pebrero 2, kalaban niya si Vic Darchinyan ng Australia sa Waterfront Hotel sa Cebu. Sayang at medyo kinapos lang si Gorres nang matalo siya sa split decision laban kay Fernando Montiel ng Mexico. Marami ang nagsasabi na iyon sana ang malaking break ni Gorres upang maging world champion pero iba ang nakita ng mga judges. The judges' decision is always final, sabi nga nila.
Ito ang tsansa ulit ni Gorres na makabalik pero alam ng marami na malakas itong si Darchinyan. Gayunpaman, naniniwala ako sa kakayahan ng Pilipino sa kanyang bawat pagsabak sa ring. Alam ko ang kakayahan at puso ng Pinoy at alam ko na isang magandang laban ang ipapakita ng mga boxers sa taong ito, kasama na iyong maraming sumisibol na talent.
Good luck sa ating lahat. Magsikap na mabuti, magsikap sa training at magtrabaho nang husto. Samahan ng taimtim na pananalig sa Poong Maykapal at diyan nagsisimula ang good luck!
Hanggang sa muling 'Kumbinasyon.'
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
Junior, Youth and Elite Divisions Awarded on Final Day of 2025 USA Boxing National Championships
Mon, 15 Dec 2025Jean Henri Lhuillier Applauds Cebuana Lhuillier Ambassadors for Bronze Finish at SEA Games 2025
Mon, 15 Dec 2025NOEL MIKAELIAN DETHRONES BADOU JACK TO BECOME THE NEW WBC CRUISERWEIGHT WORLD CHAMPION
Sun, 14 Dec 2025FM Alekhine Nouri tops Kamatyas chessfest
By Marlon Bernardino, Sun, 14 Dec 2025Dante Kirkman Dominates DePriest Johnson in Unanimous Victory at Fight Club OC
Sun, 14 Dec 2025Bantam and Intermediate Divisions Crowned on Day Five of 2025 USA Boxing National Championships
Sun, 14 Dec 2025Murat Gassiev Brutally Knocks Out Kubrat Pulev in Dubai
By Dong Secuya, Sat, 13 Dec 2025United States Air Force Paralegals: Law, Order, and Excellence
By Emmanuel Rivera, RRT, Sat, 13 Dec 2025OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025