REPORTER NA WALANG DECORUM
By Eddie Alinea
PhilBoxing.com
Wed, 25 Mar 2015
LOS ANGELES, Cal. ? Noong Linggo, araw ng pahinga ni Pambansang Kamao Manny Pacquiao ay dapat sanang kapiling niya ang kanyang kabiyak na si Sarangani Vice Gov. Jinkee at lima nilang anak ? Jimwell, Michael, Princess, Queenie at ang bunsong si Baby Israel. Kararatig lang ng pamilya ni Manny noong Biyernes at natural na sabik na sabik ang mga anak niya na mayakap siya sa lahat ng sandali, lalo na yung dalawang babae.
Well, nagkasama naman sila sa church services na kanilang dinaluhan sa Westside Sheperd Church sa lunsod na ito. Pagkatapos ng religious ceremony ay inalayan ni Manny ng isang lunch ang pamilya, iba pang kamag-anak, ilang kaibigan at miyembro ng media sa paborito niyang Kabuki Japanese Restaurant sa kanto ng Vine St. at Sunset Blvd. Malapit ito sa Wild Card Gym kung saan ay nagtayo ang Team Pacquiao ng training camp.
Dapat sana?y magkakasama ang buong pamilya sa isang mesa, pero hindi ito nangyari sa dahilang ang dalawang kinatawan ng magkaribal na higanteng istasyon ng telebisyon ? GMA-7 at ABS-CBN ? ay inukopa ang upuang nakalaan sana para sa mga anak nina Manny at Jinkee. Kung gaano tumagal ang tanghalian ay ganun din katagal na nanatili ang dalawang kinatawan ng dalawang istasyon ng tv. Yung isa ay masahol pa kay Jinkee ang pagkaka-dikit sa tabi ni Pacman. Yung isa naman ay nasa upuang katabi rin ni World Boxing Organization welterweight champion, pero nasa gitna nila si Vice Gov.
Bagamat nakakasalisi paminsan-minsan sina Princess at Queenie na payakap-yakap at kumandong kay Manny sa kasabikan dahil sa tagal nilang di nagkikita, sina Jimwell at Michael ay unabes na hindi man lamang nakalapit sa ama. Kinaringgan nga tuloy ang isa sa kanila na nagre-reklamo na hindi man lang nila nalapitan ang kanilang Daddy. Mabuti na lamang at nag-i-isa ang SALA SA INIT ? na nagko-kober sa training ni Manny tungo sa nalalapit na laban niya sa World Boxing Council/World Boxing Association 147-pound titleholder na si Floyd Mayweather. Kung kaya?t wala naming nagpilit na makapag-interview rin.
Kung nagkataong marami ang kumokober na Manila-based media men, baka nagkaroon ng kaguluhan ang piging. Tutoong unethical ang ginawa ng dalawang babaeng reporter pero hindi na nagpilit ang SALA SA INIT ? na makihalo sa panayam. Nakita tuloy ng di iilang panauhin ang pagkakaiba ng mga kinatawan ng print at broadcast media. Kami sa print media, nakakainindi pa rin kami ng tinagtawag na decorum. Ng urbanidad na kapag naunahan kang makapag-interbyu, maghintay ka ng oras mo. Pero sa mga oras na iyon, walang nagging pagkakataon ang reporter na ito na malapitan man lamang ang mag-asawa. Talagang binabaran ng dalawang broadcast journalist ang mag-asawa. Hindi na nga yata umihi.
Hindi lamang naman ang paangyaring iyon ang nangyari sa mahigit na tatlong linggong nandito sa L.A. ang Team Pacquiao. Malimit habang nagro-roadwork sa madaling-araw, ang isa sa mga reporter na ito ay sumisingit sa hanay ng mga tumatakbong kasabay ni Manny. Makikitakbo rin at idudoldol ang mike sa mukha ni Manny at habang tumatakbo ay magi-interbyu habang ang kameraman niya y nasa unahan ng hanay at tumatakbo ng pagtalikod habang kumukuha ng footage. Napakabait nga lamanmg ni Sarangani congressman at hindi ito nagagalit sa kaaliwaswasang pinagga-gawa ng nasabing reporter.
Pero napaka-delikado ang pinagga-gawa ng broadcast journalist na ito. Paano kung mabunggo ng nguso ni Manny ang mike at magkaroon ng pinsala at kailangang kanselahin ang laban sa Mayo 2? Napakalaking gastos ito para kay Manny kapag nag-demanda si Money May sa hindi pagkaka-tuloy ng 12-round na sagupaan para mapagbuklod ang WBO/WBC/WBA korona sa 147-pound division. Hindi lang yon, tiyak na i-ismulin na naman ni Money May si Pacman sa pagpapabaya nito na anatiling malusog sa panahon ng training. May mga tao talaga dito sa mundo na hindiniisip ang ginagawa nila na makapaghahatid ng kahihiyan ats kapainsalaan.
oOo
SAMOT-SARI: Abot-langit ang pasasalamat ng SALA SA INIT ?. Kina Jimmy Zuno, Clem Ascencio at Chong Dedikatoria na siyang umaayos ng aming sinasakyan at iba pang pangangailangan upang madali naming magampanan ang pag-kober naming dito. Sa kanila: MARAMING SALAMAT PO at sana?y huwag kayong magsawa sa pag-a-asikaso ninyo sa aming dalawa ni Aqui Zonio, PIO ni Cong Manny hanaggng sa aktuwal na labang gaganapin sa Makasalanng lunsod ng Las Vegas laban sa MGM Grand Arena.
Click here to view a list of other articles written by Eddie Alinea.
Recent PhilBoxing.com In-House articles:
GM Joey is aiming for a world title shot
By Marlon Bernardino, Sun, 19 Oct 2025Patrick Bonifacio rules Directors Chess Cup
By Marlon Bernardino, Sun, 19 Oct 2025World Boxing Announces Elite Division World Rankings
Sun, 19 Oct 2025BEN WHITTAKER PRESS CONFERENCE: EVERYTHING THAT WAS SAID AS NEW MATCHROOM SIGNING MEETS GAVAZI – PLUS: VUONG vs GWYNNE II
Sun, 19 Oct 2025BIADO, YAPP, AND DUONG POWER TEAM ASIA TO THE BRINK OF GLORY
Sat, 18 Oct 2025Prado, Catubig dominate DTI Run
By Lito delos Reyes, Sat, 18 Oct 2025YORK HALL FIGHT NIGHT RESULTS: GEORGE LIDDARD MAKES HISTORY TO BECOME THE YOUNGEST EVER BRITISH MIDDLEWEIGHT CHAMPION
Sat, 18 Oct 2025Usyk in Bare Knuckle event?
By Gabriel F. Cordero, Sat, 18 Oct 2025IIEE Singapore tops National Chess Olympiad, Quezon City Simba's Tribe wins 2 matches in PCAP
By Marlon Bernardino, Sat, 18 Oct 2025Liddard Destroys Conway to Claim British Middleweight Title, Becomes Youngest-Ever Champion
By Dong Secuya, Sat, 18 Oct 2025Keiron Conway vs George Liddard: Unbeaten Prospect Faces Stiff Challenge
By Chris Carlson, Sat, 18 Oct 2025Alicaba to fight for WBC Asian Continental super fly
By Lito delos Reyes, Sat, 18 Oct 2025DAY TWO: STARBOY MANAS STEALS THE SHOW AS TEAM ASIA EXTENDS PERFECT RUN
Sat, 18 Oct 2025MANNY PACQUIAO PROMOTIONS INTRODUCES CHIEF FINANCIAL OFFICER AND VICE PRESIDENT TONY COHEN
Sat, 18 Oct 2025Joseph Subia Signs with Wise Owl Boxing
Sat, 18 Oct 2025